Wizara yahimizwa kukamilisha ujenzi ofisi za ZBS

NA MWANDISHI WETU

KAMATI ya bajeti ya Baraza la Wawakilishi imeitaka Wizara ya Biashara na Maendeleo ya Viwanda, kuhakikisha inakamilisha ujenzi wa ofisi za Taasisi ya Viwango Zanzibar (ZBS) ili kuipa uwezo wa kufanya kazi zake kwa ufanisi zaidi.

MWENYEKITI wa Kamati ya bajeti, Abdalla Hussein Kombo (kulia) akiongoza kikao cha kamati na viongozi wa Wizara ya Biashara na Maendeleo ya Viwanda. Kushoto ni Mkurugenzi Mkuu wa ZBS Yussuph Majid Nassor, katikati ni Katibu Mkuu  Dk. Islam Seif.

Akizungumza wakati wa kikao cha kamati hiyo, uongozi wa wizara na taasisi hiyo, kilichofanyika katika ofisi za ZBS Amani, Mwenyekiti wa kamati hiyo Abdalla Husein Kombo, alieleza kuwa iwapo taasisi hiyo itaongezewa uwezo, mapato na ufanisi utaongezeka.

Alieleza kuwa ujenzi wa ofisi za taasisi hiyo unaojumuisha maabara za kupimia na kuchunguza ubora wa bidhaa mbali mbali ni sehemu muhimu ya mafanikio ya taasisi hiyo hivyo ni vyema ikazingatia umuhimu wa kuukamilisha kama ilivyopanga.

“Mtakapokua na maeneo mazuri ya kufanyia kazi na maabara za kutosha naamini mtaongeza ufanisi lakini kuongeza mapato ambayo sasa wanalipwa mawakala wanaowafanyia kazi ambayo wenyewe mnaweza kuifanya,” alieleza kombo.

Aidha alipongeza uwekezaji uliofanywa na kuitaka taasisi hiyo kuzingatia maelekezo yaliyotolewa na wajumbe wa kamati hiyo na kufanya kazi kwa lengo la kuondoa vikwazo vya kibiashara.

Kuhusu kutambulika kwa cheti cha ithiubati ubora kinachotolewa na ZBS, Kombo alisema kuna umuhimu wa ZBS kufanya juhudi za makusudi kuhakikisha ubora wa hali ya juu wa bidhaa ili kutambulika nje ya nchi.

Akiwasilisha taarifa taarifa ya utekelezaji wa majukumu ya taasisi ya viwango Zanzibar kwa kipindi cha Julai – Machi 2021/2022, mkurugenzi wa zbs, mkurugenzi mkuu wa taasisi hiyo, Yusuph Majid Nassor, alieleza kuwa katika kipindi hicho viwango 90 vya bidhaa na huduma mbali mbali viliandaliwa.

Alivitaja baadhi ya viwango hivyo ni viwango 40 vya bidhaa za vyakula, viwango 25 vya bidhaa za kemikali, viwango 22 vya bidhaa za uhandisi mitambo na vyombo vya moto, viwango 10 vya mazingira, viwango vine vya huduma na viwango vitano vya bidhaa za umeme na elektroniki.

Aidha Yussuph alieleza kuwa pamoja na mafanikio, katika kipindi hicho taasisi imekabiliwa na changamoto mbali mbali ikiwemo ya kukosekana kwa mifumo ya ndani ya TEHAMA na kutokuwepo kwa muongozo wa utoaji mizigo katika bandari.

WAJUMBE wa kamati ya bajeti wakifutia na kuchambua taarifa iliyowasilishwa.

Akizungumzia mradi wa uimarishaji wa ofisi na maabara maruhubi, Yussuph alieleza kuwa mradi huo unatekelezwa kwa zaidi ya shilingi bilioni 5.2 pamoja na VAT ambapo hadi sasa jumla ya shilingi 2,765,048,528.86 zimeshalipwa.

“Mradi huu utakapomalizika utaondoa chqangamoto ya uhaba wa ofisi kwani utaanzisha maabara mbali mbali ikiwemo ya vifaa vya ujenzi kama vile lami, saruji, mabomba ya maji safi, udongo, kokoto na nyenginezo,” alieleza mkurugenzi huyo.

Akizungumza katika kikao hicho, katibu mkuu wa wizara hiyo, dk. Islam seif salim, aliahidi kuyafanyia kazi mapendekezo na maelekezo yaliyotolewa na kamati hiyo.

Alieleza kuwa katika mpango wa bajeti ya mwaka wa fedha wa 2021/2022, wizara hiyo imepanga kukamilisha ujenzi wa ofisi za taasisi hiyo pamoja na kuanza ujenzi wa eneo la maonesho ya biashara Dimani/Nyamanzi.

 

 

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more