TAARIFA MAALUM KWA WAANDISHI WA HABARI

 Description: letter head

TAARIFA KWA VYOMBO VYA HABARI KUHUSU UTEKELEZAJI WA MAOMBI YA WAANDISHI KWA RAIS WA ZANZIBAR NA MWENYEKITI WA BARAZA LA MAPINDUZI DK. HUSSEIN ALI MWINYI

Awali ya yote napenda kutumia fursa hii kwa niaba ya Mwenyekiti wa Klabu ya Waandishi wa Habari Zanzibar (ZPC), kuwajullisha ya kwamba baadhi ya mambo yaliyowasilishwa na waandishi wa habari mbele ya Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi katika kikao cha tarehe 18/05/2022 yameanza kufanyiwa kazi.

Katika kikao hicho cha faragha kilichofanyika katika Ikulu ya Zanzibar, waandishi wa habari walipata fursa ya kuzungumza na Rais mambo mbali mbali yanayohusu mwendendo na hali halisi inayohusiana na tasnia ya habari nchini, hali tunayoamini imeongeza uelewa wa kiongozi huyo wa nchi na wasaidizi wake juu ya mazingira ambayo waandishi wa habari wa Zanzibar wanayofanyia kazi.

Pamoja na maelezo ya waandishi ambayo baadhi yao yalipatiwa majibu na kutolewa ufafanuzi wakati wa kikao hicho, pia waandishi waliwasilisha ombi mahususi kuhusu nafasi za mafunzo ili kujiongezea ujuzi na utaalamu kuimarisha ufanisi wa kazi zao.

Kuhusiana na ombi hilo, napenda kuwajulisha kwamba jambo hilo limeanza kufanyiwa kazi na kutolewa maelekezo kupitia barua iliyowasilishwa kwa ndugu Abdallah A. Mfaume, Mwenyekiti wa Klabu ya Waandishi wa Habari Zanzibar (ZPC) tarehe 20/08/2022 na kutolewa maelekezo kwamba tunapaswa kutumia fursa za masomo zilizotangazwa na ubalozi mdogo wa India nchini.

Katika barua hiyo iliyoambatanishwa na maelekezo kutoka ubalozi wa India nchini, inawataka waandishi wa habari kutumia fursa zinazotolewa na taasisi ya ITEC kupitia mpango wa ushirikiano baina ya Tanzania na India kwa mwaka 2022/2023 (Aprili 2022 – Machi 2023).

Hivyo waandishi wenye hamu ya kupata mafunzo hayo wanatakiwa kufanya maombi ya masomo wanayotaka kwa kutembelea tovuti ya taasisi hiyo ambayo ni https://www.itecgoi.in ili kupata mpangilio wa masomo na mafunzo yanayotolewa kupitia mpango huo.

Baada ya kukamilisha maombi, muombaji atalazimika kupakua (download) fomu ya maombi na kuiwasilisha katika Wizara ya nchi, Ofisi ya Rais, Katiba, Sheria, Utawala wa Umma na Utawala bora au Wizara ya Mambo ya nje na Ushirikiano wa Afrika Mashariki ofisi ya Zanzibar na tunashauri nakala ya maombi hayo yawasilishwe ZPC kwa ajili ya kumbukumbu.

Kwa taarifa hii, ninawashajihisha waandishi wote wenye utashi, hamu na sifa ikiwemo ya umri wa kati ya miaka 25 – 45 kutumia fursa hii kikamilifu lakini wenye zaidi ya umri huo kupitia tovuti hiyo na kuangalia kozi za mafunzo yanayotolewa na taasisi hiyo.

Aidha kwa niaba ya waandishi wa habari wa Zanzibar, tunashukuru hatua hizi za Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi katika kuiimarisha sekta ya habari na tunamuomba aendelee kutoa kipaumbele kwa sekta hii kama kichocheo cha maendeleo ya nchi na watu wake.

Ni matumaini yangu kwamba, hatua hizi zilizochukuliwa katika kipindi kifupi, kitachochea kasi ya waandishi kujituma na kujitokeza kuomba mafunzo yanayotolewa na taasisi hiyo hata yale yaliyopo nje ya kada ya uandishi wa Habari.

Kwa mara nyengine natoa shukrani na pongezi kwa waandishi wa habari waliohudhuria kikao na mhe. Rais kwa kuonesha haja ya kuijiendeleza na kuiendeleza kada ya uandishi wa habari, jambo ambalo limekuwa likisisitizwa na vyama vyetu vya kitaaluma, hivyo naomba, tusipoteze fursa iliyotolewa.

Ahsanteni.

Imetolewa na:

Mwinyimvua A. Nzukwi,

Katibu Mkuu – ZPC.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more