Waandishi watakiwa kuwa makini matumizi mitandao

NA ASYA HASSAN

WAANDISHI wa habari wametakiwa kutanua wigo katika matumizi ya mitandao ya kijamii ili kurahisisha utendaji wao wa kazi na kuleta tija.

MWENYEKITI wa klabu ya waandishi wa Habari Zanzibar (ZPC), Abdallah Abdulrahman Mfaume, alisema hayo alipokuwa akifungua kongamano la wadau wa habari ikiwa ni miongoni mwa shudhuli za maadhimisho ya siku ya uhuru wa vyombo vya habari duniani ngazi ya klabu.


Alieleza kuwa hatua hiyo itasaidia kwa kiasi kikubwa kubadilisha jamii kutumia mitandao hiyo kwa faida badala ya hasara kutokana na jukumu kubwa la kuelimisha jamii na kuleta mabadiliko katika nchi.

Sambamba na hayo Mwenyekiti huyo aliiomba serikali kuendelea kushirikiana na wadau wa habari kufanya mapitio ya sheria, sera na kanuni zinazosimamia sekta ya habari ili kuondosha changamoto zinazokwaza uhuru wa Habari na Uhuru wa kujieleza.

Hata hivyo aliwasisitiza waandishi wa habari kuzalisha habari na vipindi bora ili vyombo vya habari viendelee kuwa daraja la kupashana Habari na kupeana mrejesho kati ya serikali na wananchi.

Akizungumzia mafanikio maadhimisho ya siku hiyo kitaifa na kimataifa, Mfaume alisema yamesaidia kwa kiasi kikubwa kupunguza baadhi ya vikwazo na changamoto zilizokuwa zikiwakabili waandishi na vyombo vya habari.

Akitaja miongoni mwa mafanikio hayo kuwa ni pamoja na mauaji ya waandishi wa habari na watendaji wa vyombo vya habari, kuteswa kinyama, kunyimwa habari, maslahi duni, ukatili na udhalilishaji wa wanahabari hasa wanawake.

Mbali na hayo alisema juhudi zaidi zinahitajika ili kuona vikwazo vyote visivyo vya msingi vinaondolewa ili kuona habari iendelee kuwa bidhaa muhimu kwa umma.

Mapema Katibu wa ZPC, Mwinyimvua Abdi Nzukwi, alisema kupitia siku hiyo, klabu hiyo imekuwa ikifanya kongamano na mikutano mbali mbali kwa waandishi wa habari ili kujadili mafanikio, changamoto na vikwazo vinavyowakwaza waandishi ili ziweze kutafutiwa ufumbuzi hatua kwa hatua.

Wakiwasilisha mada katika kongamano hilo lilihudhuriwa na maofisa habari, waandishi wa habari na wadau wa Habari, muhariri wa shirikia na magazeti ya serikali, Juma Khamis Juma na Katibu wa kamati ya muda ya Jukwaa la Wahariri Tanzania (TEF) ofisi ya Zanzibar, Salma Amir Lusangi, waliwataka waandishi kusimamia misingi ya kazi zao ili kujiepusha kuingia katika matatizo.

“Pamoja na kwamba baadhi ya sheria zina mapungufu, ipo haja ya kuchukua juhudi ya kuzisoma ili kujiepusha kuingia kwenye mtego wa kuzivunja,” alieleza Khamis.

Wakichangia mada zilizowasilishwa kwenye kongamano hilo, baadhi ya waandishi hao walipokuwa walisema licha ya kuadhimishwa kwa siku hiyo kila mwaka lakini bado waandishi wa habari wamekuwa wakikabiliwa na changamoto mbalimbali ikiwemo kutokua na mikataba ya ajira na stahiki zao za msingi.

Aidha waliiomba ZPC kushirikiana na taasisi nyengine za habari kuendelea kusimamia misingi ya taaluma pamoja na kuanzisha utaratibu wa kukutana na kutathmini hali ya uandishi wa habari kama njia mojawapo ya kuimarisha upatikanaji wa uhuru wa habari.

Kongamano hilo la siku moja liliandaliwa na ZPC kwa ufadhili wa Shirika la kimataifa la Misaada la Sweden (SIDA) kupitia mpango wa kuimarisha klabu za waandishi wa habari unaotekelezwa na Muungano wa Klabu za Waandishi wa Habari Tanzania (UTPC).  

    

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more