'Andikeni habari zitakazochochea maendeleo '

NA MWANDISHI WETU

WANAHABARI nchini wametakiwa kubadilika na kuandika habari zitakazochochea maendeleo ya nchi na watu wake.

Wito huo Umetolewa na Mkurugenzi Idara ya Habari Maelezo Zanzibar, Hassan Khatib Hassan, (wa katitaki pichani) alipokua akifungua mafunzo ya waandishi wa vyombo mbali mbali vya habari yaliyoandaliwa na Klabu ya Waandishi wa Habari Zanzibar (ZPC) kwa kushirikiana na shirika la Internews Tanzania, yaliyofanyika katika ukumbi wa Uhuru, Kariakoo Zanzibar.

Alieleza kuwa vyombo vya habari ni muhimu kwani vinaweza kuandika habari zenye kuibua hamasa ya wananchi kufikia dhamira ya serikali na kufichua maovu dhidi ya maendeleo ya nchi na watu wake.

Hassan aliongeza kuwa wananchi walio wengi wanasikiliza na kufuatilia vyombo vya habari wakiamini kuwa watapata taarifa za ukweli na zinazozingatia weledi na sio taarifa za kubuni ama kughushi.

 “Iwapo mtajikita zaidi kutaka kuwafurahisha wasomaji na wasikilizaji au watazamaji basi tunaweza kufika pahala tukapoteza malengo ya kazi yetu tunayoifanya,” alisema Mkurugenzi huyo.

Aidha aliwataka waandishi wa habari kuacha tabia ya kusubiri habari za kuitwa na wanasiasa au viongozi wa taasisi badala yake waanzishe utaratibu wa kujitafutia habari, jambo linaloongeza thamani na uhalisia wa tasnia hiyo.

Alisema imefika wakati kuhakikisha waandishi wanaandika habari za uchunguzi na kuripoti taarifa kuhusiana na masuala ya rushwa, ubadhirifu wa mali za umma na udhalilishaji kwa kuyakemea kwa kuwa ndio yanayorejesha nyuma maendeleo ya nchi yao.

“Ingelipendeza na kutupa heshima kubwa ndani ya tasnia yetu iwapo sisi waandishi tungekuwa wa mwanzo kubaini mambo au kuwa sababu ya serikaili kutoa ufafanuzi ndani ya serikali kwa kuwa na utaalamu wa kudadisi kuchunguza na hatimae kuibuka na mambo yenye uhakika,” alisema Hassan.

Akimkaribisha Mkurugenzi huyo, Mwenyekiti wa ZPC, Abdallah Abdulrahman Mfaume, aliwasisitiza wanahabari wanapoandika habari zenye takwimu data kuhakikisha zinakua sahihi ili kuleta matokeo chanya na kupata usalama wa nchi badala ya kuwa ndio chanzo cha kuleta taharuki.

Aidha, aliwahimiza kuendelea kuweka mizania kwenye Habari zao kwa kuhusisha pande zote ili kuepusha matatizo yasiyokuwa na tija.

Naye Mratibu wa Internews, Ali Nassor Sultan, alisema miradi ya shirika hilo ililelenga kuwawezesha waandishi wa habari kuandika habari za kila aina na zenye tija hapa nchini.

Aidha aliwaomba washiriki wa mafunzo hayo, kuacha tabia ya kufanyakazi kwa mazoea badala yake wajitolee kwa moyo wa dhati ili kuleta mabadiliko kwa jamii inayowasikiliza na taifa kwa ujumla.

Mafunzo hayo yaliyoshirikisha waandishi wa Habari 30, mada za uandishi wa habari za uchunguzi, usahihi wa takwimu (data), habari za jinsia na namna ya kufungua mashauri ya kimkakati kulinda Uhuru wa Habari ziliwasilishwa na Wakufunzi wa vyombo vya habari, Imane Duwe, Ali Mwadini na Juma Khamis.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more