NMB yakabidhi gawio la 30.7b/- serikalini

NA MWANDISHI WETU, DODOMA

MAKAMU wa Rais wa Jamhuri ya Muungano wa Tanzania, Dk. Philip Mpango, ameyataka mashirika ambayo serikali ina hisa kuhakikisha yanatoa gawio la serikali pamoja na taasisi zinazotakiwa kutoa asilimia 15 ya mapato ghafi kwa mujibu wa sheria zifanye hivyo kwa wakati.

Makamu wa Rais ametoa wito huo wakati wa hafla ya kupokea gawio la shilingi bilioni 30.7 kutoka kwa benki ya NMB iliyofanyika katika ukumbi wa Hazina jijini Dodoma Juni 15 2022.

Alisema mashirika yanayotegemea ruzuku kutoka mfuko mkuu wa serikali yanapaswa kuwa na  mikakati madhubuti inayotekelezeka ili kupunguza utegemezi kwa serikali na kumuagiza  Msajili wa Hazina kuhakikisha  wakuu wa taasisi hizo wanatekeleza maagizo hayo.

Dk. Mpango alieleza kuwa, serikali itaendelea kuweka mazingira endelevu ya biashara kwa sekta ya fedha nchini na kuipongeza benki ya NMB kwa kuendelea kuchangia maendeleo ya jamii sambamba na kusaidia ukusanyaji wa mapato ya serikali kwa kuimarisha mifumo ya ukusanyaji.

Aidha aliwashauri watendaji wa benki hiyo kuendelea kushirikiana na serikali kwa kuongeza fursa za ajira kwa vijana na wanawake na kuimarisha  huduma za kijamii kwenye sekta mbali mbali kama afya, elimu na utunzaji wa mazingira na  kukabiliana na athari za mabadiliko ya tabia nchi na tabia watu.

Nae Waziri wa Fedha na Mipango, Dk. Mwigulu Nchemba, amesema Wizara itaendelea kusimamia maelekezo na kuhakikisha taasisi za serikali ambazo serikali ina hisa zinatoa gawio.

“Serikali itaendelea kushirikiana na taasisi zote za sekta binafsi ili kuhakikisha zinafanya kazi vizuri na kuwasilisha gawio la serikali,” alieleza Dk. Nchemba.

Awali akitoa taarifa kwa Makamu wa Rais, Afisa Mtendaji Mkuu wa NMB, Ruth Zaipuna, alisema faida ya benki hiyo baada ya kodi katika kipindi cha 2021 iliongezeka kwa asilimia 41 na kufikia shilingi bilioni 290.

Alieleza kuwa, kiasi hicho ni kikubwa ikilinganishwa na shilingi bilioni 206 za mwaka 2020 ambapo idadi ya akaunti za wateja iliongezeka hadi kufikia shilingi milioni 5 ikilinganishwa na milioni 4 za mwaka 2020.

“Katika kuhakikisha benki inaendelea kuwa na maendeleo endelevu, tumeongeza mtaji wa benki hadi kufikia shilingi trilioni 1.3 na benki iliendelea kuwa na ufanisi na kuweka rekodi ya uwiano wa gharama za uendeshaji na mapato, kufikia asilimia 46,” alisema Zaipuna.

Zaipuna alisema kwa mwaka 2021, benki ilipata tunzo saba za kimataifa, ikiwemo ya benki bora nchini kwa miaka tisa mfululizo iliyotolewa na jarida la kimataifa la ‘Euromoney’.

“Aidha hadi mwishoni mwa mwaka 2021, mikopo yenye thamani ya shilingi trilioni 4.3 imetolewa kwa wakulima, wafanyabiashara wadogowadogo na wa kati na watu binafsi,” aliongeza Zaipuna.

Alisema mafanikio hayo yalitokana na kuimarika kwa uwekezaji katika mifumo ya kidijitali, huduma za wakala, zilizoongezeka na kufikia mawakala 10,194 ukilinganishwa na mawakala 8,410 waliokuwepo 2020.

Nae Mwenyekiti wa bodi ya wadhamini ya NMB, Dk. Edwin Mhede alisema ongezeko la faida kwa benki hiyo linatokana na uimara na umadhubuti wa uongozi na kwamba wanajivunia kuwa na Mtendaji Mkuu, Ruth Zaipuna.

Akitaja mafanikio ya kipindi cha miaka mitano, mhede alieleza kuwa yamekuwa yakipanda kila mwaka ambapo kwa mwaka 2020 benki ilitoa gawio la shilingi 20.8 bilioni, huku mwaka 2019 shilingi bilioni 15.6 zilitolewa.

“Tunatarajia kwa mwaka wa 2022 kuwa na gawio nono zaidi kwani katika kipindi cha miezi mitatu ya mwanzo, benki imepata faida kubwa inayolingana na faida ya mwaka mzima katika kipindi cha miaka ya nyuma,” alieleza Mhede.




Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more