Hakuna habari yenye thamani zaidi ya maisha - Mussa

NA MWANDISHI WETU

WAANDISHI wa habari nchini wametakiwa kuzingatia usalama wao wanapokua katika kazi za kutafuta na kutoa habari.

Akifungua mafunzo ya ulinzi na usalama kwa waandishi wa habari, Mjumbe wa Bodi ya wakurugenzi ya muungano wa klabu za waandishi wa Habari Tanzania (UTPC), Yussuf Mussa, alisema mafunzo hayo yatawajengea uwezo waandishi kujitambua na kujua thamani yao katika utendaji wa kazi zao.

Alisema waandishi wa habari wana jukumu la kuwapasha wananchi habari lakini sayansi na teknolojia inawaweka wanahabari katika hatari licha ya kurahisisha kazi zao, hivyo ipo haja ya kujua jinsi ya kujilinda.

Awali Ofisa Programu, Machapisho, Utafiti na Mafunzo kutoka UTPC, Victor Maleko, alieleza kuwa suala la usalama na ulinzi wa waandishi ni muhimu hivyo ni vyema wakazingatia wanachofundishwa.


Aidha alisema UTPC inatekeleza mradi wa miaka miwili unaolenga kuzijengea uwezo taasisi za kihabari nchini, ambapo moja ya shughuli zake ni kutoa mafunzo kwa wanachama wa klabu kuhusu ulinzi na usalama kwa waandishi wa habari.

Mkufunzi wa mafunzo hayo, Mtaalamu wa Mawasiliano ya umma, Dk. Joyce Bazira, alisema sio vyombo vyote vinavyomsaidia mwandishi wa habari anapofikwa na matatizo na kuwataka kuwa makini wakati wanapotekeleza majukumu yao. 

Akiwasilisha mada ya namna ya kujilinda katika mitandao, Mkurugenzi Mkuu wa Tanzania Media Foundation (TMF), Dastan Kamanzi, aliwataka waandishi kuacha tabia ya kuweka taarifa zao binafsi kwenye mitandao, kwani zinaweza kuwarahisishia wahalifu wenye lengo la kuwadhuru.

Kwa upande wao waandishi walieleza kuwa, wamekuwa wakitishiwa usalama wa maisha yao hasa pale wanapoandika habari ambazo zinawagusa watu ambao hawatakii mema maslahi ya jamii yao, jambo ambalo linarudisha nyuma tasnia ya habari nchini.

Mafunzo hayo yaliandaliwa na UTPC kwa kushirikiana na Shirika la International Media Support (IMS) la Denmark kupitia mradi wa usalama kwa waandishi wa habari unaofadhiliwa na Umoja wa Ulaya (EU).

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more