Msando awataka waandishi kutete haki za binadamu

NA MADINA ISSA

MKUU wa wilaya ya Morogoro, Albert Msando, amewataka wanahabari nchini kuendelea kufanya kazi kwa bidii na weledi zikiwemo za utetezi wa haki za binadamu ili kuongeza tija katika kutoa habari kwa wananchi.

Aliyasema hayo alipokuwa akifungua mafunzo ya siku mbili kwa wanahabari yanayohusu namna bora ya kutoa habari yaliyoratibiwa na Mtandao wa Watetezi wa Haki za Binadamu Tanzania (THRDC), yanayofanyika mkoani Morogoro.

“Mwandishi wa habari mzuri ni yule anayetoa taarifa zinazozingatia ukweli, usahihi na kutopendelea ili jamii inufaike na wenye mamlaka wachukue hatua zinazostahiki,” alieleza Msando.

Aidha aliwataka wanahabari kujitahidi kuwa watetezi wa haki za binadamu bila ya ushabiki au kuegemea upande mmoja ili kuepukana na changamoto mbali mbali zinazoweza kuwatokea.

“Tujitahidini sana kuishi katika utetetezi wa haki za binaadamu na tusimameni katika ukweli na haki na wala tusiwe chanzo cha machafuko badala yake tuache habari ifike kama ilivyo ili wananchi wamue,” alieleza.

Alisema kuwa serikali ya awamu ya sita haina nia ya kuwanyima wanahabari uhuru wao wa kutoa habari na hakuna sababu ya kuishi kwa woga na kuwahimiza kuendelea kufanya kazi kwa mujibu wa misingi ya sheria na miongozo ya kihabari iliyopo.



Nae Jaji Mstaafu Robert Makaramba, alikiwasilisha mada ya namna ya kuandika na kuripoti habari za mahakamani, alisema kuwa ni vyema wakaepuka kutoa taarifa ambazo hazijatolewa mahakamani ili kuepusha sintofahamu kwenye jamii.

Jaji Makambara aliwataka waandishi wa habari kuzingatia taratibu na kanuni zilizopo huku akikiri kuwepo kwa baadhi ya sheria kandamizi ambazo, alishauri haja ya kufanyiwa marekebisho.

Awali akizungumza Wakili kutoka THRDC, Leopold Mosha, alisema mafunzo hayo yamelenga kuwajengea uwezo waandishi wa habari juu ya namna ya kuandika na kuripoti taarifa zinazohusiana na haki za binadamu kutoka mikoa mbali mbali nchini.

Alisema THDRC imebaini kuwepo kwa changamoto mbali mbali katika kuripoti masuala yanayoendana na kisheria jinsi ya kutoa taarifa za kesi mahakamani na maamuzi ya kimahakama.

“Tulibaini kwamba taarifa nyingi zilikuwa zinatolewa na mapungufu ikiwemo kiufundi na zimekuwa zinaleta mkakasi katika jamii,” alieleza Wakili Mosha.

Hivyo, alisema kupatiwa mafunzo hayo, yatawawezesha wanahabari kujua vigezo na maeneo ya kisheria wanayopaswa kuzifuata wakati wanaporipoti kesi mbalimbali ambapo nchi ipo na sheria.

Kwa upande wake Afisa Uchechemuzi wa THRDC, Nuru Maro, akiwasilisha mada ya umuhimu wa waandishi wa habari katika kufanya uchechemuzi wa masuala mbali mbali alisema ni vyema waandishi kufahamu chanzo, ushahidi, kujua watu wengine wanavyofanya kazi hilo eneo husika.

Aidha alisema kuwa waandishi wa habari ni daraja la kuwaunganisha wannachi wote hivyo watumie kalamu zao ili kuona hali inaendelea kuwa nzuri na kufikisha ujumbe kwa jamii ukiwa na hali halisi na ukweli ndani yake.

Baadhi ya wanahabari wanaoshiriki mafunzo hayo, waliahidi kufanya kazi kwa mujibu wa sheria zilizopo sambamba na kuibua kitu mambo yatakayoleta mabadiliko katika utendaji na jamii kwa ujumla.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more