Mhandisi Zena ahimiza ushiriki wa vijana katika maendeleo

NA MWANDISHI WETU

KATIBU wa Baraza la Mapinduzi na Katibu Mkuu Kiongozi, Mhandisi Zena Ahmed Said, amewahimiza vijana kushiri utekelezaji mradi wa ‘Kijana imara’ ili kutatua changamoto zinazowakabili.

Akifungua mdahalo wa ‘Kijana Imara Transformative’, ulioandaliwa na Shirika la Kiona Youth Coordinates (KYCo) katika hoteli ya Golden Tulip, uwanja wa ndege Zanzibar, alisema mradi huo utasaidia kubadili mitazamo ya watu juu ya masuala ya vijana.

Alisema vijana ni kundi kubwa katika jamii hivyo kuna umuhimu wa kuunganisha mawazo na nguvu zao ili kuepuka kupeleka nguvu zao katika mambo yasiyo na tija.

“Kwa kuzingatia kuwa vijana ni kundi kubwa hivyo kama hatutakuwa na njia nzuri ya kutumia nguvu kwa kweli wataipeleka mahali ambapo sio sahihi na matokeo yake tunaweza kuharibikiwa,” alieleza.

Akizungumza katika mdahalo huo uliohudhuriwa na vijana zaidi ya 250 kutoka taasisi mbali mbali za vijana na mabaraza ya vijana, Katibu Mkuu Wizara ya Habari, Vijana, Utamaduni na Michezo, Fatma Rajab Khamis (katikati pichani), alisema serikali inaendelea kuratibu na kusimamia mipango ya maendeleo ya vijana hivyo alipongeza mchango wa sekta binafsi kusaidia vijana.

Aidha alisema vijana wana haki ya kutumia fursa zilizopo kujiimarisha kiuchumi na kupaza sauti zao ili kupiga hatua na kwamba wizara itaendelea kutoa ushirikiano kwa asasi za vijana na wadau wa maendeleo kufikia malengo ya vijana.

Mkurugenzi Mtendaji wa KYCo, alisema  mradi wa Kijana Imara Transformative Dialogue ni ubunifu ulioasisiwa na shirika lake Agosti 12, 2021 ili kutoa mchango kwa vijana katika maadhimisho ya siku ya kimataifa ya vijana inayoadhimishwa kila ifikapo Agosti 12.

Aliongeza kuwa tokea kuanza utekelezaji wake, mradi umewafikia vijana milioni 3.8 huku lengo ni kufanya uchechemuzi kupitia vyombo vya mawasiliano kuwafahamisha vijana na jamii juu ya  sera ya vijana ya 2007 Tanzania Bara na sera ya vijana ya Zanzibar.

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more