Dk. Mwinyi kuongoza wadau sekta ya maji kujadili changamoto, mafanikio

NA MWANDISHI WETU

WADAU wa sekta ya maji wa ndani na nje ya Zanzibar wanatarajiwa kukutana Septemba 14 na 15, mwaka huu katika Kongamano la   Kimataifa la Maji Zanzibar.

Kongamano hilo linalotarajiwa kufunguliwa na Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi, litafanyika katika hoteli ya Goldern Tulip Uwanja wa ndege Zanzibar.

Akizungumza na waandishi wa Habari ofisini kwake Maisara, Waziri wa Maji, Nishati na Madini Zanzibar, Shaibu Hassan Kaduara, alisema wadau wa sekta ya maji wapatao 2,000 kutoa ndani na nje ya nchi wakiwemo, watafiti, watunga sera na watendaji wa wizara na idara za Serikali ya Jamuhuri ya Muungano na Zanzibar watashiriki.

Alieleza kongamano hilo ni sehemu ya kuunganisha Juhudi za Utekelezaji wa Mpango Mkuu wa Uwekezaji katika sekta ya maji Zanzibar (ZanWIP) wa miaka mitano unaoanza 2022 hadi 2027 uliozinduliwa na Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi.

Alisema, hatua hiyo ni utambuzi wa mawazo, dhana na ubunifu ili kuhakikisha usimamizi endelevu wa rasilimali za maji katika visiwa vya Zanzibar.

Aidha alisema serikali ya awamu ya nane inayoongozwa na Dk. Mwinyi, kupitia wizara yao, inaendelea na mipango na mikakati ya kuendeleza na kimageuzi katika sekta ya maji ili kwenda sambamba na ahadi ya ilani ya CCM ya mwaka 2020 - 2025.

“Kupitia kampeni zake wakati akinadi sera zake, Rais dk. Mwinyi aliahidi wananchi wa visiwa vya Unguja na Pemba kuwa wataondokana na shida ya maji, hivyo kongamano hili ni moja kati ya njia za kuainisha changamoto za ujumla katika sekta ya maji,” alieleza Waziri huyo.

Sambamba na hayo, Kaduara alisema kupitia kongamano hilo, watafiti watawasilisha mapendekezo ya tafiti zao na kujadiliana juu ya mbinu za kisayansi na kiutafiti zitakazotoa muelekeo na kuibua dhana mpya ya miradi pamoja na ubunifu utakaosaidia usimamizi endelevu wa sekta ya maji.

Kongamano hilo limeandaliwa na Wizara ya Maji, Nishati na Madini kwa kushirikiana na taasisi ya Global Water Partnership Tanzania na wadau mbali mbali likiwa na kauli mbiu ‘Usimamizi endelevu wa rasilimani mji chini ya ardhi katika mabadiliko ya tabianchi’.

 

 


Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more