Euro 10.1M kuimarisha usalama wa chakula Tanzania

Na Saida Issa,DODOMA

SERIKALI imezindua mradi wa miaka mitatu na miezi sita wa uboreshaji huduma za afya ya mimea Tanzania utakaogharibu kiasi cha EURO milioni 10.1 ikiwa ni hatua za kuimarisha usalama wa chakula nchini.

Hayo yalibainishwa Jijini Dodoma na Naibu waziri wa Kilimo Antony Mavunde,wakati  akizungumza katika uzinduzi huo.
Alisema Februari 16, 2021, serikali ya kupitia Wizara ya Fedha na Mipango iliingia mkataba wa kutekeleza mradi wa Kuimarisha Afya ya Mimea na Jumuiya ya Umoja wa Ulaya (EU).

Mradi huu wa miaka mitatu na miezi sita unafadhiliwa na Jumuiya ya Umoja wa Ulaya (EU) kupitia Mfuko wake wa Maendeleoa (EDF), Shirika la Umoja w a Mataifa la Kilimo na Chakula (FAO) na serikali ya Jamhuri ya Muungano wa Tanzania.

“Aidha, FAO ni wasimamizi wa mradi na utekelezaji hufanywa na serikali ya Tanzania kupitia Mamlaka ya Afya ya Mimea na Viutilifu (TPHPA) iliyo chini ya Wizara ya Kilimo”alisema Mavunde.

Alisema kuwa mradi huo unatekelezwa kwa bajeti ya jumla EURO Milioni 10.1 ikiwa ni mashirikiano ya ufadhili wa Jumuiya ya Umoja wa Ulaya (EUR Milioni 9.5), Shirika la Umoja wa Mataifa la Kilimo na Chakula – FAO (EUR 350,000) na Serikali ya Jamhuri ya Muungano wa Tanzania (EUR 250,000).

Mavunde, alisema mradi huo unalenga kuhakikisha usalama wa chakula nchini kwa kuimarisha mfumo wa ukaguzi na utoaji wa vyeti vya usafi wa mazao yanayosafirishwa kwenda nje ya nchi.

Pia, mradi huo unalenga kudhibiti visumbufu vigeni kwa kuhakikisha mazao yanayoingia au kutoka nchini yana ubora unaokidhi viwango vya masoko ya kimataifa.

“Nachukua fursa hii kuwashukuru Umoja wa Jumuiya ya Ulaya (EU) na Shirika la Umoja wa Mataifa la Kilimo na Chakula (FAO) kwa kufadhili na kusimamia fedha za mradi huu muhimu. Ni imani yetu kuwa malengo yaliyopangwa yatafikiwa na hivyo kuongeza upatikanaji wa masoko ya kimataifa na kuchochea ukuaji wa uchumi wa Taifa na wa mtu mmoja mmoja,”alisisitiza Mavunde.

Vile vile, alisema mradi huo ulitokana na ukaguzi uliofanyika hapa nchini mwaka 2017, katika mifumo maalum ya udhibiti wa mimea na mazao yanayosafirishwa kwenda nchi za Umoja wa Jumuiya ya Ulaya.

“Ukaguzi huo ulibaini mapungufu yalikuwa sehemu ya Afya ya Mimea katika maeneo yafuatayo, maarifa madogo kwa wakaguzi wa afya ya mimea kuhusu matakwa ya usafi wa mazao na bidhaa za kilimo zinazoingizwa katika nchi za Umoja wa Ulaya,kukosekana kwa mfumo wa kufanya kukusanya takwimu za visumbufu vya mazao,kukosekana kwa maabara maalum zenye uwezo wa kufanya uchunguzi muhimu ili kuthibitisha cheti cha usafi wa mimea kinachotolewa kwa mimea na mazao yanayokidhi vigezo na masharti ili kufikia masoko ya kimataifa,"alisema.

“Kutokuwepo kwa utaratibu wa kutambua masuala ya usafi wa mimea na maarifa madogo kuhusu matakwa yaliyopo ya ubora wa mimea na mazao wakati wa usafirishaji kufikia soko husika”alieleza.

Kwa upande wake, Kaimu Mkurugenzi Mkuu wa Mamlaka ya Afya ya mimea na Viwatilifu Tanzania (TPHPA), Dk. Efraim Njau, alisema sekta ya kilimo ni muhimu sana ambapo imeajiri zaidi ya asilimia 67 ya watanzania na kuchangia takribani asilimia 29 ya pato la taifa.

“Matokeo tarajiwa ya mradi huu ni kuziongezea uwezo maabara za mamlaka kujenga, kukarabati na kuweka vifaa katika maabara za Mamlaka, kuimarisha mfumo wa ufuatiliaji wa visumbufu na masalia ya viuatilifu katika mnyroro wa thamani ya uzalishaji wa mazao hususan ni yale mbogamboga na matunda,” alisema.

Mwakilishi wa FAO, Nyebenyi Tipo, alisema mradi huo umelenga kuhakikisha usalama wa chakula hasa kwa mazao yanayovuka mipaka kwa kuhakikisha yanakuwa na ubora.



Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more