Shekimweri TAKUKURU aiipa njia kukabili rushwa

NA SAIDA ISSA,DODOMA

TAASISI ya Kuzuia na Kuapambana na rushwa Tanzania (TAKUKURU), imeshauriwa kuwajengea uelewa watumishi wa umma hasa katika maeneo ya manunuzi ili miradi inayofanyika iendane na thamani halisi ya fedha kudhibiti vitendo vya rushwa.

Kauli hiyo imetolewa jijini Dodoma na Mkuu wa wilaya ya Dodoma Mjini, Jabir Shekimweri, alipotembelea maonesho ya ya maadhimisho ya Miaka 20 ya kuanzishwa kwa Tume ya Haki za Binadamu na Utawala bora yanayoendelea katika viwanja vya Jakaya Kikwete ambapo Taasisi mbalimbali za msaada wa sheria zinashiriki.

“Lazima tukiri kwamba kuna changamoto kwenye mapambano dhidi ya rushwa, kitu cha kwanza kumlea samaki akiwa mchanga kwani mnafanya kazi nzuri na kwenye wilaya tumeandaa  midahalo  kushindanisha shule kwenye kupinga masuala ya rushwa kwa njia ya mdahalo,” alieleza Shekimweri.

Alieleza kuwa hatua hiyo imelenga kujenga uelewa wa wanafunzi na kujenga tabia ya ya kuchukia vitendo vya rushwa wakiwa wadogo ili wawe raia wema siku za baadae.

Aidha Shekimweri aliwataka wananchi kujitokeza kupata elimu juu ya haki mbali mbali zinazowahusu inayotolewa na taasisi hizo pamoja na huduma zinazotolewa bila ya malipo.

Kwa upande wake Mwenyekiti wa Tume ya Haki za Bunadamu na Utawala Bora (THBUB), Jaji mstaafu Mathew Mwaimu, alisema kuwa tume wamekua wakipokea malalamiko toka kwa wananchi ikiwemo ya migogoro ya ardhi, rushwa, ubambikiwaji kesi na mateso kwa jeshi la polisi na taasisi nyengine za umma.

“Malalamiko yanayohusu migogoro ya ardhi yanayoletwa kwetu kwa sasa yamepungua lakini yale machache  yanayotufikia tunayashughulikia kwa kufanya uchunguzi na kutoa mapendekezo kwa taasisi husika na hatua zinachukuliwa hatua,” alieleza Jaji Mwaimu.

Kuhusu masuala ya unyanyasaji, Jaji Mwaimu alieleza kuwa yanapofikishwa tume na katika jeshi la polisi hufikishwa katika dawati la jinsia ambalo huanzisha mchakato wa upepelezi kabla ya kuyafikisha mahakamani.

Aidha jaji mwaimu aliwasihi watendaji wa taasisi za umma na binafsi na wananchi kwa ujumla kuzingatia na kuheshimu misingi ya haki za binadamu na utawala bora ili kwenda sambamba na kaulimbiu ya maadhimisho hayo isemayo ‘Miaka 20 ya kuhamasisha ulinzi wa hifadhi ya haki za binadamu na misingi ya utawala bora’.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more