Uzalishaji sukari kufikia tani 756,000 mwaka 2025

NA SAIDA ISSA, DODOMA

SERIKALI imesema imeweka mikakati ya kuongeza uzalishaji wa sukari   kutoka tani 380,000 inayozalishwa sasa nchini hadi tani 756,000 ifikapo mwaka 2025.

Kauli hiyo imetolewa jijini Dodoma na Mkurugenzi Mkuu wa  Bodi ya Sukari  Tanzania, Profesa Kenneth Bengesi (pichani) alipokuwa akielezea  muelekeo  wa utekelezaji wa majukumu ya taasisi hiyo  kwa mwaka wa fedha  2022/ 2023.

Alieleza kuwa mpango wa serikali ni kuhakikisha kwamba mpaka ifikapo mwaka 2025/2026 nchi inakuwa na sukari ya kutosha pamoja na ongezeko  la viwanda vya  kuzalisha sukari.

Alisema miaka ya nyuma nchi ilikuwa inaagiza sukari hadi tani 183,000 lakini serikali imefanya juhudi zilizopunguza uagizaji wa sukari kutoka nje ya nchi kutoka tani 144,000 mwaka 2017 hadi tani 50,000 kufikia Juni, 2022.

“Tangu tupate uhuru, ndio tumepata wawekezaji katika upande wa sukari ikiwemo kiwanda cha sukari Bagamoyo na cha Mkulazi kinachotarajiwa kuanza mwaka 2023. Kuna upanuzi mkubwa wa kiwanda cha Kilombero utakaoongeza uzalishaji wa sukari kutoka tani 130,000 hadi kufikia tani 271,000," alisema.

Pia alisema uwekezaji wa kiwanda cha Sukari cha Kilombero umefikia zaidi ya shilingi bilioni 500 ambapo serikali ina asilimia 25 ya hisa katika umiliki wa kiwanda hicho.

Aliongeza kuwa kiwanda cha sukari cha Kagera kinaendelea na upanuzi ambapo kwa sasa kiwanda kina uwezo wa kuzalisha tani 140,000, ifikapo 2025/2026 kitakuwa na uwezo wa kuzalisha tani 170,000.

“Kiwanda cha sukari Mtibwa nacho kinatarajia kuongeza uzalishaji kutoka tani 48,000 za sasa hadi tani 100,000 ifikapo mwaka 2025/2026,TPC kwa sasa inazalisha tani 100,008 na wana uwezo wa kufikia tani 120,000 na kiwanda cha Manyara kinazalisha tani 8,000 kwa sasa na kinatarajiwa kuzalisha tani 10,000 kwa mwaka 2025/2026,” alisema.

 Alifafanua kuwa kupitia viwanda hivyo  uwezo kutakua na uzalishaji wa tani 380,000 za  sukari kwa ajili ya matumizi ya kawaida ambapo uzalishaji wa sukari kwa ajili ya matumizi ya viwandani haujaanza kufanyika na viwanda vya hapa nchini.

“Serikali ya awamu ya sita imeweka msukumo mkubwa na mazingira mazuri katika kuhakikisha tunaelekea kuzalisha sukari ya matumizi ya viwanda, tayari kuna wawekezaji wameshaanza kuonesha nia kwenye eneo hilo,” alisema Profesa Bengesi.

Wakati huo huo alisema kuwa takwimu zinazoishia Juni, 2022, mahitaji ya sukari ya matumizi ya kawaida yaliyotumika kwa mwaka mzima ni tani 440,000 na sukari ya matumizi ya viwanda iliyoagizwa kutoka nje ni tani 205,000.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more