JUWAZA kuhamasisha upatikanaji haki za wazee

NA MWANDISHI WETU

JUMUIYA ya Wastasfu na Wazee Zanzibar (JUWAZA) imesema itaendelea kuhamasisha upatikanaji wa stahiki za wazee zikiwemo za kiafya  ili kupata haki zao na afya zao zinaimarika.

Akitoa taarifa kwa waandishi wa habari ofisini kwake Migombani, Katibu wa jumuiya hiyo, Salama Kondo Ahmed, alisema jumuiya imekuwa ikitekeleza kazi zake kwa mashirikiano na serikali pamoja na taasisi binafsi katika kuhakikisha inafikia malengo yake.

Alisema kuwa idadi ya watu wenye umri wa miaka 80 na kuendela inakadiriwa kukua kwa mara tatu zaidi baina ya mwaka 2022 na 2050 na kufikia milioni 426 ulimwenguni hivyo nchi zinahitaji kujiandaa na kuandaa mazingira ya kukidhi mahitaji ya wazee.

Kondo alisema, JUWAZA ina mikakati mbali mbali ya kuimarisha ustawi wa wazee na wastaafu itakayotekelezwa kwa ushirikiano na serikali na taasisi binafsi

“Miongoni mwa mambo ambayo tumeweza kuyasimamia ni pamoja na kufanya utetezi na kupelekea kuuanzishwa kwa mpango wa pensheni jamii kwa wazee wote toka mwaka 2008 mpango ulioanza kutekelezwa 2016,” alisema Kondo.

 Alieleza kuwa na mpango huo ulioanza kutekelezwa mwezi Aprili, 2016 kwa wazee wenye umri wa kuanzia miaka 70 kupokea shilingi 20,000 kila mwenzi zoezi ambalo linaendelea hadi hivi sasa.

Alitaja mafanikio mengine ya jumuiya hiyo kuwa ni pamoja na kuundwa kwa mabaraza 342 ya wazee katika ngazi ya shehia Unguja na Pemba.

Hata hivyo, alisema kuwa wamefanya ushawishi kuhusu kuanzishwa kwa sheria ya wazee namba 2 ya mwaka 2020 kupitia Wizara ya Maendeleo ya Jamii, Jinsia, Wazee na Watoto ambayo iliwekwa saini mwezi Aprili 2020 na kuanza kutumika.

Kondo alisema kufuatia ongeeko kubwa la maradhi yasiyoambukiza miaka ya hivi karibuni kumekuwa na wadau hususani asasi za kiraia zimekuwa zikitoa huduma za maradhi hayo katika jamii.

“Pamoja na wingi wa wadau hawa lakini kumekosekana mashirikianao baina yao na hivyo mafanikio yanapatikana hayafikii kile kiwango kinachotakiwa,” alisema.

Pamoja na hayo, aliishukuru Serikali ya Mapinduzi ya Zanzibar kwa kuendelea kushirikiana na jumuiya hiyo na kuwapa kipaumbele kila wanapohitaji kuonana na uongozi wa juu wa serikali pamoja na asasi za kiraia kwani imekuwa ikiwaunga mkono likiwemo shirika la Help Age Internation Tanzania (HAITAN).

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more