Utulivu watawala upigaji kura Amani

NA MWANDISHI WETU

MWENYEKITI wa Tume ya Taifa ya Uchaguzi (NEC), Jaji Jacobs Mwambegele, amesema uchaguzi mdogo wa jimbo la Amani uliofanyika jana, umefanyika katika mazingira ya amani na kwamba tume yake imetimiza wajibu.

Akizungumza mara baada ya kukagua vituo mbali mbali kuangalia zoezi hilo linavyofanyika, Mwenyekiti huyo alisema vituo vyote vya kupiga kura vimefunguliwa kwa wakati na wapigara kura wamepata vifaa vyote.

Alisema vituo 23 vilivyotumika katika zoezi hilo kwa shehia nne vilifunguliwa saa 1:00 asubuhi na vilifungwa majira ya saa 10:00, ikiwa ni kuashiria kumalizika kwa zoezi la kumchagua mbunge mpya wa jimbo hilo.

Alisema katika vituo hivyo, mawakala wa vyama vya siasa, walipewa fursa kamili ya kutekeleza majukumu yao kwenye vyumba vya kupigia kura, huku wananchi nao wakijitokeza kwa wingi kushiriki kwenye zoezi hilo. 

Alisema hadi muda wa mchana wa jana, hakukua na malalamiko yaliyofikishwa katika tume hiyo na kwamba tume ilikuwa tayari muda wote kupokea changamoto.

Baadhi ya wagombea waliozungumza na gazeti hili walisema, uchaguzi huo umekwenda vizuri na kwamba ulikuwa uhuru na haki, licha ya kuwepo kwa changamoto ndogo ambazo walisema haziwezi kuathiri uchaguzi kwa ujumla wake.

Aliyekuwa mgombea kupitia CCM, Abdul Yussuf Maalim, aliyepiga kura katika kituo cha Kilimahewa Juu, alisema zoezi hilo linakwenda vizuri na wapiga kura wamejitokeza kwenda kupiga kura kwa wakati.

Alisema kwa upande wake zoezi aliliona kuwa linakwenda vizuri na kuwashauri wagombea wenzake endapo wanamalalamiko ya zoezi hilo kuripoti katika vyombo husika ili kuweza kupatia ufumbuzi kwa wakati.

Nae, mgombea kutoka ACT-Wazalendo, Mohamed Khamis Mohamed, alisema, zoezi hilo kwa upande wake halijaenda vizuri akidai kuwa wapiga kura walio wengi sio wakaazi wa jimbo hilo.

Aidha alisema kuwa kumekuwepo kwa madai ya wapiga kura wakishamaliza kupiga kura wanakwenda kufuta wino waliopakwa na tume hiyo na kuingia tena kwenda kupiga kura nyengine.

Kwa upande wake, msimamizi Msaidi wa Uchaguzi wa Jimbo la Amani, Ali Idarous Suleiman, alisema katika vituo vyao vyote vya kupigia kura zoezi limekwenda vizuri na wananchi wamejitokeza kwa wingi.

Akizungumzia suala la kuwepo kwa wapiga kura wanaodaiwa kuwa sio wakaazi wa jimbo hilo, alisema malalamiko hayo hayakuripotiwa kwani mawakala walipewa mafunzo endapo kutatokezea tatizo hilo kwenda kuliripoti wa wasimamizi wa uchaguzi. 

Jumla ya vyama vya siasa 14 vimesimamishwa wagombea katika uchaguzi huo ambapo kwa mujibu wa taarifa ya Mwenyekiti wa Tume hiyo, wakati akizungumzia na waandishi wa habari siku moja kabla ya kufanyika uchaguzi jumla ya wapiga kura 114,647 waliandikishwa katika daftari la kudumu la wapiga.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more