Masheha, Madiwani wapewa elimu miradi ya TASAF

NA MWANDISHI WETU, PEMBA

VIONGOZI wa Shehia na Wadi kisiwani Pemba wametakiwa kusimamia vyema miradi ya kuwaondolea wananchi umaskini ili itoe matokeo chanya.

Ofisa Mdhamini Wizara ya Nchi, Ofisi ya Rais, Fedha na Mipango Pemba, Abdullwahab Said Bakari, alitoa wito huo na kusema kufanya hivyo ni kutekeleza malengo ya Serikali ya Jamhuri ya Muungano wa Tanzania (SMT) na Serikali ya Mapinduzi Zanzibar (SMZ) ya kupunguza umaskini kwa wananchi na kuongeza kasi ya ukuaji wa uchumi.

Alisema serikali imepanga mpango wa kupunguza umaskini na kuongeza ukuaji wa uchumi jumuishi unaotekelezwa na Mfuko wa Maendeleo ya Jamii Tanzania (TASAF) ambayo imeweka sifa kwa walengwa wake.

Bakari alieleza hayo wakati akifungua mafunzo kwa Masheha na Madiwani wa mkoa wa Kusini Pemba yaliyolenga kuwajengea uwezo viongozi wanaosimamia shughuli za mpango wa kunusuru kaya maskini Tanzania, ulioandaliwa na TASAF Pemba.

“Hivi sasa kuna changamoto nyingi nyinyi kutoka kwa walengwa, Masheha na Madiwani mnatakiwa kuwa mabalozi, pia wasemaji wazuri wa kuisema TASAF kwa jamii”, alisema.

Aidha alisema changamoto kubwa zifikishwa kwa watendaji ili kupatiwa ufumbuzi, yale maneno ambao sio sahihi yataweza kupatiwa ufafanuzi, ili changamoto zinazotokezea za wananchi zinahitaji kutatuliwa.

Akizungumza kwa niaba ya Mkurugenzi Mtendaji wa TASAF Tanzania, Mkurugeni Uratibu, Haika Shayo, alisema mafunzo hayo yatasaidia kufanikisha lengo la mpango, kwani kutakuwa ni mwanzo mzuri kwa viongozi hao kufahamu kikamilifu juu ya masuala na shughuli mbali mbali za TASAF.

Aidha aliwataka walengwa kuhakikisha wanafungua akaunti benki kwa ajili ya kupokelea fedha zao, kwani suala la fedha mkononi limeshaondoka,” alisema.

Naye Ofisa ufuatiliaji TASAF Pemba, Abrahman Khamis, alisema madhumuni ya mafunzo hayo ni kuwajengea uwezo viongozi wanaosimamia shughuli za mpango, kuwa na uelewa wakutosha juu ya taratibu zinazotumika kusimamia na kufuatilia shuhuli za mpango.


Aidha Mratibu wa TASAF Pemba, Mussa Said, alisema lengo ni kuongeza kipato kwa wananchi, pamoja na kuongeza ujuzi kupitia miradi wanayoianzisha kwenye shehia zao, kwani ushirikishwaji wananchi ni jambo kubwa katika kuibua miradi ya maendeleo kupitia walengwa wa mpango wa kunusuru kaya masikini.

Hata hivyo, kwa upande wa Masheha waliahidi kwenda kusimamia kikamilifu, shughuli zote za TASAF  zinazofika katika shehia zao, kwani wao ndio viongozi wa  serikali kwenye ngazi nya shehia.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more