Dk. Mwinyi aongoza viongozi, wananchi kumuombea mzee Karume

 

NA MWANDISHI WETU

RAIS wa Zanzibar na Mwenyekiti wa Baraza la Mapinduzi, Dk. Hussein Ali Mwinyi jana amewaongoza wananchi wa Zanzibar, katika dua maalum ya kumbukumbu ya kifo cha Rais wa Kwanza wa Zanzibar Hayati Abeid Amani Karume aliyefariki dunia Aprili 7 mwaka 1972.

RAIS wa Zanzibar na Mwenyekiti wa Baraza la Mapinduzi, Dk. Hussein Ali Mwinyi, akiweka shada la maua katika kaburi la marehemu mzee karume.

Dua hiyo iliyoanza majira ya saa 3:00 asubuhi ilifanyika katika Ofisi Kuu za Chama cha Mapinduzi (CCM) Kisiwandui Zanzibar na kuhudhuriwa na viongozi mbali mbali kutoka serikali zote mbili na viongozi wa chama cha Mapinduzi.

Mara baada ya kumalizika kwa kisomo cha dua, Dk.  Mwinyi alianza kuweka shada ya maua katika kaburi la mzee Karume, akifuatiwa Makamu wa Rais Jamhuri ya Muungano wa Tanzania, Dk. Philip Mpango, wakuu wa vyombo vya Ulinzi na Usalama, mabalozi na Ali Abeid Amani Karume akiwakilisha familia. 


MTOTO wa marehemu Rais wa kwanza wa Zanzibar marehemu mzee karume, ambaye pia ni Rais mstaafu wa zanzibar awamu ya sita Amani Abeid Karume (wa pilikushoto) akiitikia dua pamoja na viongozi wengine katika kaburi la marehemu mzee Karume.

Wakimzungumzia hayati Karume baada ya dua hiyo viongozi mbalimbali walisema marehemu Karume alikuwa ni kiongozi muandalifu na mpenda maendeleo ambae aliipatia heshima Zanzibar. 

Akizungumza na gazeti hili, Balozi Ali Karume alisema miaka 51 imepita tokea mzee Karume alipouawa, lakini wakati wa uhai wake alifanya mambo mengi ambayo yamebakia kama kielelezo cha matunda ya mapinduzi ikiwemo kuondoa ubaguzi wa aina yeyote.

“Mzee Karume atakumbukwa kwa mambo mengi ikiwemo kuondoa ukabila na kuwaweka watu wote sawa mambo ambayo yanatakiwa kuendelezwa kwa nguvu zote.

Mnadhimu Mkuu wa JWTZ Luteni Jenerali, Salum Haji Othman, akiweka Shada la maua katika Kaburi la Rais  wa Kwanza wa Zanzibar Marehemu Mzee Abeid Amani Karume

Kwa upande wake Katibu wa Idara ya Itikadi na Uenezi wa CCM Zanzibar, Khamis Mbeto Khamis, alisema mzee Karume aliongoza Mapinduzi matukufu ya Zanzibar ya mwaka 1964 ambapo viongozi wanapaswa kuiga mambo mazuri aliyoyafanya wakati wa uhai wake. 

“Tunaadhimisha kuwakumbuka wazalendo waliojitolea maisha yao kupigania uhuru nchi yetu. Tunaipongeza na kuishukuru serikali kuandaa utaratibu mzuri wa kuanzia kwenda kuwasomea dua waasisi wengine ambapo Aprili 7 kila mwaka ndio siku maalum ya kumuombea dua mzee Karume”, alisema. 

Balozi wa China Nchini Tanzania  Shang Shisceng akitoa heshima baada ya kuweka shada la maua katika Kaburi la Rais  wa Kwanza wa Zanzibar Marehemu Mzee Abeid Amani Karume

Kwa upande wake Naibu Spika wa Baraza la Wawakilishi Zanzibar, Mgeni Hassan Juma, alisema wananchi wa Zanzibar wana kila sababu ya kumkumbuka na kumuenzi Mzee Karume kutokana na uongozi wake bora.

Alisema wazanzibari hivi sasa wanatembea kifua mbele na wapo huru kufanya maamuzi yao wenyewe, wanajitawala wenyewe kutokana na wakati wa utawala wa mzee Karume aliweka misingi thabiti kiutawala. 

Baadhi ya waumini na wananchi wa Zanzibar wakifuatilia dua ya kumuombea Rais  wa kwanza wa Zanzibar Marehemu Mzee Abeid Amani Karume

Hata hivyo, alisema Mzee Karume ni kiongozi wa mfano kutokana na mambo mengi aliyoyafanya na mpaka leo yanaishi hali inayoonesha wanaishi nae katika dunia ya sasa. 

Naye Waziri wa Nchi Ofisi ya Rais Fedha na Mipango, Dk. Saada Mkuya Salum, alisema kila kiongozi ana wajibu wa kufuata misingi aliyoweka marehemu Karume ili kuyafikia malengo kuiinua Zanzibar kimaendeleo. 

Kwa upande wake, waziri wa Nchi, Ofisi ya Rais, Tawala za Mikoa Serikali za Mitaa na Idara Maalum za SMZ, Masoud Ali Mohammed, alisema kuna mambo mengi ya kujifunza kila unapouangalia uongozi wa mzee Karume.


MJANE wa  Rais  wa kwanza wa Zanzibar Marehemu Mzee Abeid Amani Karume, Fatma Karume (wa tatu toka kulia) akijumuika na viongozi wengine akiwemo mke wa rais wa Zanzibar mama Mariam Mwinyi (wa pili toka kulia) katika dua ya kumuombea mzee Karume.

Kisomo cha kumuombea marehemu mzee Karume kilihudhuriwa na viongozi mbalimbali, wananchi na wanafamilia akiwemo mama Fatma Karume, Dk. Makamu wa Rais wa Jamhuri ya Muungano wa Tanzania, Dk. Philip Mpango, Makamu wa Pili wa Rais wa Zanzibar, Hemed Suleiman Abdulla na Rais Mstaafu wa Zanzibar wa awamu ya sita Dk. Amani Abeid Karume.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more