ZBS yanasa nyaya ‘feki’ za umeme


NA MWANDISHI WETU

TAASISI ya Viwango Zanzibar (ZBS) imezuia matumizi na usambazaji wa nyaya za umeme (PVC Cable) zenye jina la Kili Cable na namba ya utambulisho TP/EEL/18/2023 baada ya kugundulika kuwa zipo chini ya viwango.

Akitoa taarifa kwa vyombo vya habari katika ofisi za taasisi hiyo Maruhubi, Mkurugenzi Mkuu wa ZBS, Yussuph Majid Nassor, ameeleza kuwa mbali ya kuwa chini ya kiwango, pia mtengenezaji amefoji jina la kibiashara la bidhaa hiyo.

Majid ameeleza kuwa hatua hiyo imekuja baada ya kupata taarifa za kuwepo kwa bidhaa hiyo sokoni zilizoingizwa nchini na mfanyabiashara asiyefahamika jambo ambalo ni kinyume na sheria.

Amesema kuwa baada ya kupata taarifa kutoka kwa wasamaria wema, ZBS ilichukua sampuli za bidhaa hiyo na kuifanyia uchunguzi wa kimaabara na kugundulika kutokidhi viwango vilivyowekwa.

 “Tulipochukua sampuli za waya hizo na kuzipima kwenye mabara zetu, ripoti ya upimaji wa sampuli hizo imenakiliwa kuwa bidhaa hii imefeli  katika kipengele cha ‘sheath’ (unene wa waya wa nje)”, ameeleza Majid.

Amefafanua kuwa waya huo ulitakiwa kuwa na unene wa 1.5mm2 kulingana na matakwa ya kiwango cha ZBS lakini uligundulika  kuwa na 1.05mm2  jambo linaloweza kuleta madhara kwa watumiaji.

Hivyo aliwaomba wananchi kuendelea kushirikiana na taasisi hiyo kwa kutoa taarifa wanapozigundua bidhaa zenye utambulisho huo huku akilishukuru jeshi la polisi na Tume ya Ushindani Halali wa Biashara Zanzibar kwa kushiriki operesheni ya kuondoa bidhaa hizo madukani.

Majid ameeleza kuwa mbali ya hatua zilizochukuliwa, wamelifikisha swala hilo polisi na Mamlaka ya Kuzuia Rushwa na Uhujumu uchumi kwa hatua zaidi kufuatia kunakiliwa kwa bidhaa hiyo jambo ambalo ni kosa kisheria.

“Kwa mujibu wa sheria ya viwango namba 1 ya 2011 pamoja na mambo mengine, ZBS imepewa jukumu la kulinda ubora wa bidhaa zinazoingizwa au kuzalishwa nchini lakini pia kulinda viwanda na wazalishaji halali ndio maana swala hili tumelifikisha huko ili kulinda haki za kampuni ya AfriCab”, ameeleza Mkurugenzi huyo.

Aidha amesema ZBS inaendelea na uchunguzi juu ya bidhaa hizo na taarifa za kuwepo kwa mchele uliioamriwa kurudishwa ulipotoka baada ya kukosa viwango katika masoko ya Zanzibar na kwamba hatua zitachukuliwa kwa wahusika.

Kwa mujibu wa Mkurugenzi huyo, bidhaa hizo zimegunduliwa kuwepo sokoni mapema mwezi huu kabla ya Mei 11, mwaka huu taasisi hiyo kufanya operesheni ya kuziondoa na kisha kubaini kuwa hazikukaguliwa kabla wala baada hazijaingia nchini kupitia mifumo ya ukaguzi ya taasisi hiyo.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more