Toeni taarifa za madhila mnayofanyiwa kazini – Simbaya

NA MWANDISHI WETU


MKURUGENZI Mtendaji wa Muungano wa Klabu za Waandishi wa Habari Tanzania (UTPC), Kenneth Simbaya (wa pili kushoto aliyeshikana mikono na Katibu wa KGPC - Mwajabu Hoza)  amewahimiza waandishi wa Habari kutoa taarifa za madhila wanayofanyiwa wanapokua kazini ili hatua zichukuliwe.

Simbaya alitoa wito huo mkoani Kigoma alipokua akizingumza na waandishi wa habari wanachama wa Klabu ya Waandishi wa Habari mkoani humo (KGPC), alipofika kujitambulisha kwa wanachama na kueleza mipango ya utekelezaji wa mpango wa mkakati wa UTPC wenye kaulimbiu ya ‘Kutoka kwenye ubora kwenda kwenye ukubwa (Moving from good to great).

Mkurugenzi huyo aliyembatana na Ofisa Programu, Mafunzo, Utafiti na Machapisho, Victor Maleko, alisema hatua hiyo itapunguza vitendo hivyo vinavyopunguza uhuru wa vyombo vya habari nchini.

MKURUGENZI Mtendaji wa Muungano wa klabu za waandishi wa Habari Tanzania (UTPC), Kenneth Simbaya (wa pili kushoto) akieleza jambo kwa Mwenyekiti wa Klabu ya Waandishi wa Habari mkoa Kigoma (KGPC) ambaye pia ni Rais wa UTPC, Deogratias Nsokolo (kushoto) na Makamu Mwenyekiti wa klabu hiyo, Jacob Ruvilo alipowasilili klabuni hapo kwa ziara maalum hivi karibuni.

“Zipo taarifa za waandishi wengi kufanyiwa madhila na wadau yakiwemo ya kushushwa njiani katika ziara, vitisho, ubaguzi na unyanyapaa mambo ambayo yanakwamisha ufanisi wa Mwandishi kuripoti habari kwa maslahi ya umma”, alieleza Simbaya.

Alieleza kuwa UTPC kwa kushirikiana na wadau wengine wa habari inazingatia ulinzi na usalama wa waandishi wa habari wanapokua kazini hivyo ni vyema nao wakashiriki kwa kutoa taarifa pindi wanapofikwa na madhila iwe ndani ya vyombo vyao au wadau wengine.

MAKAMU Mwenyekiti wa KGPC, Jacob Ruvilo, akitoa maelezo kwa Mkurugenzi Mtendaji wa Muungano wa Klabu za Waandishi wa Habari Tanzania (UTPC), Kenneth Simbaya, alipotembelea ofisi za klabu hiyo hiyo hivi.

Akizungumzia mkakati wa UTPC, Simbaya alieleza kuwa unalenga kuleta mabadiliko chanya na ufanisi kwa klabu zote hivyo waandishi wa habari wanapaswa kuziunga mkono klabu kwa kujiunga nazo na kufanya kazi kwa kuzingatia maadili ya kazi zao.

Akizungumzia ziara hiyo, Katibu wa KGPC, Mwajabu Hoza, alieleza wananchama na waandishi wa mkoa huo wamefarajika kutembelewa na kiongozi huyo ambaye alitoa elimu na taarifa zinazoonesha matumaini ya kuimarika kwa klabu na tasnia ya uandishi wa Habari nchini.

MKURUGENZI Mtendaji wa Muungano wa klabu za waandishi wa Habari Tanzania (UTPC), Kenneth Simbaya akizungumza na waandishi wa habari, wanachaka wa KGPC alipofika katika ofisi za klabu hiyo hivi karibuni.

Aidha alimpongeza kiongozi huyo na ujumbe wake pamoja na wanachama wa klabu hiyo akiwemo Mwenyekiti ambaye pia ni Rais wa UTPC, Deogratias Nsokolo, kwa kujitokeza na kuhudhuria shughuli mbali mbali katika ziara hiyo.

Simbaya aliyeajiriwa mwezi Agosti mwaka jana katika nafasi ya Mkurugenzi Mtendaji, mbali ya kusimamia mageuzi na kazi za UTPC akiwa makao maku Dodoma, amekua akifanya ziara za kutembelea klabu za waandishi wa habari Tanzania bara na Zanzibar kueleza mipango na mikakati ya kuinarisha klabu na tasnia ya uandishi wa habari nchini.

 

Comments

Post a Comment

Popular posts from this blog

Balozi Mpanda ahimiza ubunifu uhifadhi wa mazingira

Image
JUVIEKA, wadau wapanda mikoko 2,540 Mtopwani NA MWANDISHI WETU JUMLA ya miche ya miti ya mikoko 2,540 imepandwa katika eneo la Mdodo madema, Shehia ya Mto wa pwani mkoa wa Kaskazini Unguja ili kutunza mazingira ya eneo hilo. Akizungumza na mwandishi wa habari hizi, Mratibu wa zoezi hilo ambaye ni kiongozi wa Jumuiya ya Vijana ya Uhifadhi wa Mazingira, Mbarouk Maalum, alieleza kuwa zoezi hilo lililofanyika jumapili iliyopita lilihudhuriwa na wanaharakati wa mazingira 117 kutoka taasisi na makundi mbali mbali ya jamii. Aliongeza kuwa miongoni mwa washiriki hao ni vikundi vitano vya wanufaika wa mpango wa MKUBA, wanachama na viongozi wa mabaraza ya vijana ya Shehia za Mtowapwani na Chutama,   wawakilishi taasisi za JUVIEKA, UNA, ZAFELA pamoja na Sheha wa Shehia hiyo na wananchi wake. Aidha maalum alieleza kuwa shughuli hiyo pia ilihudhuriwa na Balozi wa mazingira kutoka ofisi ya rais, Muungano na Mazingira ya Jamhuri ya Muungano wa Tanzania, Khadija Yussuph Mpanda ambaye pia ni mion
Read more
Image
  Skuli ya Upendo yapongezwa kutoa mwanafuzi bora kitaifa Yatoa wanafunzi watatu bora kitaifa mitihani STD 4, Veronica Mwendesha ashika nafasi ya kwanza Zanzibar NA MWINYIMVUA NZUKWI VIONGOZI wa jimbo la Bububu, wilaya ya Magharibi ‘A’, Unguja, wameeleza kuwa wataendelea kutoa kipaumbele kwa maendeleo ya jamii ikiwemo elimu ili kupata taifa linalojitegemea kwa wataalamu. Kauli hiyo imetolewa na Diwani wa wadi ya Dole, Juma Wiliam Sungwa, kwa niaba ya Mwakilishi wa jimbo hilo Mudrik Ramadhan Soraga, katika hafla ya kuwapongeza wanafunzi wa skuli ya maandalizi na msingi, Upendo iliyopo shehia ya Kizimbani Unguja, iliyotoa mwanafunzi bora kitaifa katika mitihani ya darasa la nne iliyofanyika mwaka uliopita Zanzibar. Alisema mafaniko ya skuli hiyo kutoa wanafunzi watatu katika nafasi tano za juu kitaifa katika mitihani hiyo ni ya kupongezwa na inapaswa kuungwa mkono na kila mmoja miongoni mwa wananchi wa jimbo hilo. Alifafanua kuwa licha ya kuwa skuli hiyo kumilikiwa na taasisi b
Read more

Vodacom yawapa uhakika wa matibabu mama, watoto wachanga

Image
NA MWANDISHI WETU KAMPUNI ya mawasiliano ya Vodacom imetoa zawadi ya bima kubwa ya afya kwa mama 100 na watoto wachanga 100 waliozaliwa na kulazwa katika hospitali ya rufaa ya Mnazimmoja, Zanzibar. Mama (mzazi)   Maryam Yohana Daniel (aliyeketi) akipokea bima kubwa ya afya kwa niaba ya wenzake wakati wa hafla ya ugawaji wa bima hizo kwa mama wazazi na watoto katika hospitali ya Mnazimmoja. Hatua hiyo ni sehamu ya kampeni ya kampuni hiyo ya kueneza upendo katika msimu wa sikukuu ambapo k ina mama waliojifungua kuanzia Novemba 9, mwaka huu katika hospitali hiyo watapatiwa bima ya ‘Voda Bima’. Akizungumza wakati wa hafla ya kukabidhi bima hizo, Mkuu wa Kitengo cha Habari na Mawasiliano wa Vodacom Tanzania, Annette Kanora (wa tatu kushoto), alisema hatua hiyo ni muendelezo wa mpango wa kampuni hiyo kuwashukuru wateja wake na kusaidia kupunguza changamoto zinazoikabili jamii.   Mkuu wa Kitengo cha Habari na Mawasiliano wa Vodacom Tanzania, Annette Kanora (wa tatu kushoto) pamoja na wa
Read more