Dk. Mwinyi aeleza dhamira CCM kufanya vikao vikuu Z'bar

NA MWANDISHI WETU

MAKAMU Mwenyekiti wa Chama Cha Mapinduzi (CCM) Zanzibar, Dk. Hussein Ali Mwinyi ameahidi kuwa chama hicho kitafanya mkutano mkuu wake taifa ndani ya visiwa vya Zanzibar ilimkutoa fursa kwa wajumbe kushuhudia maendeleo yaliyopatikana.


MAKAMU Mwenyekit wa CCM Zanzibar, Dk. Hussein  Ali Mwinyi, akisalimiana na mmoja ya wenyeviti wa CCM wa mikoa waliofika ikulu kumsalimia.

Dk. Mwinyi ambaye pia ni na Rais wa Zanzibar na Mwenyekiti wa Baraza la Mapinduzi aliyasema hayo Ikulu Zanzibar alipokua akizungumza na Wenyeviti wa mikoa wa chama hicho kutoka mikoa yote ya Tanzania waliofika kumsalimia.

Alisema CCM Zanzibar, itahakikisha inalifanikisha azma hiyo na kuwezesha uptikanaji wa rasilimali zote ikiwemo eneo muafaka la kuhudumia wajumbe wote wa mkutano huo na mikutano mengine ya Halmashauri Kuu taifa ikiwa ni pamoja na kujenga ukumbi mkubwa wa mikutano.

Alieleza kuwa uwepo wa ukumbi huo utaiwezesha nchi nzima kuwa Zanzibar ikiwa ni sehemu ya utekelezaji wa Ilani ya chama hicho.



Aidha Dk. Mwinyi, alimpongeza Mwenyekiti wa CCM taifa ambaye pia ni Rais wa Jamhuri ya Muungano wa Tanzania, Dk. Samia Suluhu Hassa kwa kuwaalika viongozi hao wa chama kuhudhuria Tamasha la Kizimkazi lililoanza siku chache zilizopita.

Katika hatua nyengine, Dk. Mwinyi alisifu uamuzi wa viongozi hao kutembelea Zanzibar kwani ni moja ya njia ya kukuza na kudumisha ushirikiano, umoja na mshikamano ndani ya chama, hivyo aliwaomba viongozi hao kutembelea maeneo mengine na kujionea miradi ya maendeleo ya chama hicho kwa kubadilishana uzoefu.

Akizungumza Mwenyekiti wa CCM Mkoa wa Mjini Magharibi, Talib Ali Talib, alimueleza Makamu Mwenyekiti huyo jinsi walivyoupokea ugeni huo na kuutembeza maeneo mbali mbali ya historia ya Zanzibar ikiwemo Mji Mkongwe wa Zanzibar na kuangalia maeneo mengine ya Utalii.

Naye, Mwenyekiti wa CCM mkoa wa Tabora, Hassan Wakasuvi. Akizungumza kwa niaba ya Wenyeviti wenzake alimpongeza Dk. Mwinyi kwa hatua kubwa za maendeleo aliyoifanikisha ndani ya kipindi kifupi cha uongozi wake.

Aidha kupitia dk. Mwinyi, Wenyeviti hao walimshukuru Mwenyekiti wa CCM taifa, Rais wa Jamhuri ya Muungano wa Tanzania, Dk. Samia Suluhu Hassan kwa mwaliko aliowapa kuhudhuria Tamasha la Kizimkazi na kujionea mandhari halisi ya Zanzibar kwa waliokuwa hawajawahi kufika.

Aidha walisifu hatua hiyo na kuitaja kuwa ni njia ya kukuza utalii wa ndani na kudumisha ushirikiano baina ya viongozi wa chama hicho wa mikoa ya Tanzania bara na zanzibar.

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more