ZMBF yawapelekea 'Tumaini Kits' wanafunzi wa kike

NA MWANDISHI WETU

MKE wa Rais wa Zanzibar, ambaye pia ni muasisi na Mwenyekiti wa Bodi ya Wadhamini ya Taasisi ya Zanzibar Maisha Bora (ZMBF), Mama Mariam Mwinyi, ameeleza kuwa taula za kike zinazotolewa na taasisi hiyo kwa wanafunzi wa kike zinawaweka kwenye mazingira salama.

Ameeleza hayo wakati wa hafla ya ugawaji wa taula za kike za Tumaini (Tumaini Kits) kwa wanafunzi wa skuli ya Kijini, iliyopo wilaya ya Kaskazini ‘A’, mkoa wa Kaskazini Unguja.

Mwenyekiti huyo alisema msichana anapotumia taula hizo huwa kwenye mazingira salama na kwamba muda wote humuwezesha kuhudhuria masomo yake bila ya kukatisha masomo kutokana na kuwa kwenye hedhi.


Mwenyekiti wa ZMBF mama Mariam Mwinyi akihutubia wakati wa hafla ya ugawaji wa taula za kike za Tumaini (Tumaini Kits) kwa wanafunzi.

Aidha alifahamisha kuwa taula za Tumaini kits zinazotolewa na ZMBF zina faida kwa wasichana na wanawake ikiwemo faida za kuwa salama kwa afya ya uzazi.

Alieleza kuwa zinaweza kutumika zaidi ya miaka mitatu na ni gharama nafuu tofauti na taula nyengine, huku pia zikiwa zinatunza usafi wa mazingira.


Afisa Mtendaji Mkuu (CEO) wa taasisi ya ZMBF, Fatma Fungo akitoa taarifa ya utekelezaji wa kampeni ya hedhi salama wakati wa hafla ya ugawaji wa taula za kike za Tumaini (Tumaini Kits) kwa wanafunzi.

Mama Mariam Mwinyi alieleza kuwa ZMBF imehitimisha kampeni iliyoanza siku ya hedhi salama duniani iliyoadhimishwa kila ifikapo Mei 28 ya kila mwaka.

Alisema katika kipindi hicho chote had jana, ZMBF imekuwa ikigawa vifurushi vya tumaini ambapo kwa ujumla hapo jana zimegaiwa taula 562 kwa wasichana wa skuli za msingi na sekondari Kijini pamoja na skuli ya sekondari Potoa.

 

Mwenyekiti wa ZMBF mama Mariam Mwinyi akiwa na Mkuu wa Wilaya ya Kaskazini 'A', Sadifa Juma Kahamis na CEO wa taasisi hiyo, Fatma Fungo, wakiwa na badhi ya wanafunzi waliofikiwa na kampeni ya hedhi salama. 

Vilevile, Mama Mariam alitoa rai kwa wafadhili wa ndani na nje ya nchi kuiunga  mkono programu ya Tumaini Initiative ambayo ina lengo la kuwafikia wanafunzi 20,000 kwa mwaka.

Alisema hadi sasa programu hiyo imewafikia wanafunzi 1,557 walioko maskulini katika kipindi cha miezi mitatu minne kwa ushirikiano wa karibu wa wizara ya Elimu na Mafunzo ya Amali na Taasisi ya WAJAMAMA ambao ni wabobezi wa kutoa huduma na elimu ya afya ya uzazi.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more