KCFZ yasaidia kambi za wanafunzi Fujoni

NA MWANDISHI WETU

TAASISI na mashirika ya ndani na nje ya nchi zimetakiwa kutoa misaada kwa wanafunzi wanaojiandaa na mitihani ya taifa ili kurahisisha juhudi za walimu za kuhakikisha wanafunzi wanapata matokeo mazuri.


MENEJA wa taasisi ya Korea Culture Foundation for  Zanzibar (KCFZ), Jenipher Barnaba Marcus akizungumza na wanafunzi waliopo katika kambi ya masomo skuli ya Fujoni wakati walipofika kutoa msaada wa chakula na vyandarua kwa wanafunzi wa skuli hiyo.

Wito huo umetolewa na Mwalimu Mkuu skuli ya Fujoni, wilaya ya Kaskazini ‘B’ Unguja, Abdu Maulid Fidia, alisema hayo skulini hapo mara baada ya kupokea msaada wa mchele na vyandarua vilivyotolewa na taasisi ya utamaduni ya Korea (Korea Calture of Zanzibar - KCFZ).

Alisema wanafunzi wanaojiandaa na mitihani kwa kukaa kambi wana mahitaji mengi yakiwemo ya vyakula hivyo kujitokeza kwa wadau hao kutasaidia upatikanaji wa mahitaji kwa wanafunzi.

Aidha alisema baadhi ya wanafunzi wameshindwa kukaa kambi kutokana na kutomudu gharama za huduma zikiwemo za chakula.

Mwalimu huyo alisema wanafunzi 120 wa skuli hiyo wameshindwa kukaa kambini kati ya wanafunzi 198 wanaojiandaa na mitihani ya kidatu cha pili na cha nne.

“Tunawaomba wahisani wajitokeze kuwasaidia wanafunzi wetu kwani wanafunzi wengi wanaojiandaa na mitihani wameshindwa kutokana na hali ngumu za maisha”, alisema mwalimu Abdu.

Alifafanua kuwa kila mwanafunzi aliyepo kambini anatakiwa alipe shilingi 250,000 kwa mahitaji ya chakula na mahitaji mengine hivyo kujitokeza kwa wafadhili watasaidia kupunguza kilio hicho kwa wanafunzi.

Sambamba na hayo aliwataka wanafunzi kutumia muda wao vizuri kujiandaa na mitihani sambamba na kuongeza bidii katika kipindi hichi ili kuweza kufanya mitihani yao vizuri hapo baadae.

Kwa upande wake Mwenyekiti wa taasisi ya KCFZ, Dk. Master Kim, alisema msaada huo utawasaidia wanafunzi kupata chakula pamoja na kutumia vyandarua kujikinga na mbu wanaosababisha malaria.

Hata hivyo aliwataka wanafunzi hao kutumia msaada huo kama ilivyokusudiwa ili kupata mahitaji yao huku Meneja wa taasisi hiyo, Jenipha Barnaba, alisema lengo la kutoa msaada huo kuwasaidia wanafunzi kumudu gharama wakati watapapokuwa kambini na kusema wataendelea kusaidia huduma nyengine hadi wanafunzi hao watakapomaliza mitihani.

Baadhi ya wanafunzi wa skuli hiyo waliishukuru taasisi hiyo kwa kujitokeza kutoa msaada huo na kuzitaka taasisi nyengine kuiga mfano wa taasisi hiyo ya kutoa misaada kwa wanafunzi.


 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more