ZBS yachangia kambi ya matibabu ya ZMBF

NA MWANDISHI WETU

TAASISI ya Viwango Zanzibar (ZBS) imeeleza kuwa itaendelea kushirikiana na wadau mbali mbali ili kuimarisha ustawi wa jamii na uchumi kupitia njia mbali mbali.


Mkurugenzi Mkuu wa taasisi hiyo, Yusuph Majid Nassor, alieleza hayo jana wakati akikabidhi msaada wa vifaa vya uchunguzi na matibabu kwa taasisi ya Zanzibar Maisha Bora Foundation (ZMBF) kwa ajili ya kambi ya uchunguzi wa afya na matibabua itakayofanyika kuanzia Septemba 30 hadi Oktoba 2, mwaka huu.

Yusuph alieleza kuwa hatua hiyo inaangukia katika moja ya maeneo yanayosaidiwa na taasisi yake kupitia mpango wa kusaidia jamii na wadau wake ikiwemo taasisi hiyo ambayo ni miongoni mwa wateja wake.

“Kila mwaka huwa tunatoa sehemu ya mapato tunayokusanya kwa jamii na tumelkua tukipeleka msaada kwa wizara ya afya na kwa mwaka huu tunaelekeza sehemu ya mapato hayo katika tukio hili kuiunga mkono ZMBF lakini pia wizara ya afya”, alieleza Yussuph.

Hata hivyo aliahidi kuwa taasisi yake itaendelea kusaidia shughuli za taasisi hiyo kupitia mpango wa kuimarisha shughuli za ujasiriamali na kuishauri ZMBF kufanya kazi kwa karibu na taasisi hiyo ili kuwasaidia wajasiriamali hasa wadogo.

Akipokea msaada huo kwa niaba ya mwenyekiti wa bodi ya ZMBF, Mama Mariam Mwinyi, Ofisa Mterndaji Mkuu wa Zanzibar Maisha Bora Foundation, Fatma Fungo, mbali ya kuishukuru ZBS, alieleza kuwa msaada huo umekuja wajkati muafaka na kwamba utasaidia katika kambi hgiyoo itakayofanyika Dole, wilaya ya Magharibi ‘A’, Unguja.

Alieleza kuwa kambi hiyo itatanguliwa na matembezi ya kilomita tano yaliyolenga kujenga tabia ya watu kupenda kufanya mazoezi kama sehemu ya mkakati ya kulinda afya na uchunguzi wa maradhi mbali mbali pamoja na matibabu.

“Mtakumbuka mama Mariam (mke wa Rais wa Zanzibar) kila mwezi alikua na matembezi yalilenga kuimarisha afya za wananchi ikiwa ni miongoni mwa malengo ta taasisi yetu lakini sasa matembezi yale tumeyaimarisha na tutayazindua rasmi Septemba 30, pamoja na kampeni ya ‘Afya bora, Maisha bora’”, alieleza Fatma.

Aliongeza kuwa katika kambi hiyo wanatarajia kuwaona zaidi ya watu 3,000 ambao watafanyiwa uchunguzi na kupatiwa matibabu ya magonjwa mbali mbali ikiwemo chanjo ya ugonjwa wa UVIKO 19, kisukari na shinikizo la damu (presha).

Hata hivyo alitoa wito kwa wadau kuendelea kuchangia kambi hiyo itakayoendeshwa na madaktari kutoka ndani na nje ya Zanzibar chini ya usimamizi wa Wizara ya Afya na wananchi kujitokeza katika matembezi hayo yanayotarajiwa kuanzia katika ofisi za Manispaa ya Magharibi ‘A’, Kianga.

Kwa mujibu wa ZMBF matembezi hayo yaliyopewa jina la ‘Mariam Mwinyi Walkathon’ yanatarajiwa kuongozwa na mama Mariam Mwinyi atakayeambatana na viongozi mbali mbali wa serikali, vyama vya siasa, vikundi vya mazoezi, wajasiriamali na vikosi vya ulinzi na usalama ambapo pia kutakua na uchangiaji wa damu.

 

 

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more