Enezeni elimu kupunguza uharibifu wa misitu – Shamata

NA SALAMA MOHAMMED, WKUMM

WAZIRI wa Kilimo Umwagiliaji Maliasili na Mifugo, Shamata Shaame Khamis, ameitaka Idara ya Misitu kuandaa mafunzo maalum kwa wanajamii, Taasisi za Serikali na Zisizo za kiserikali (NGO's) ili kupunguza uharibifu wa misitu.

Ameeleza hayo shehia ya Bwejuu katika eneo la hifadhi ya Msitu wa Jamii Tongole, wilaya ya Kusini Unguja wakati alipokua akizindua zoezi la Upandaji wa miti asili kwenye msitu huo.

Shamata amesema kuna baadhi ya watu wana mwamko mdogo wa kutunza misitu asili na hivyo kusababisha matatizo yakiwemo ya mabadiliko ya tabia nchi hivyo wakipatiwa elimu itawasaidia kuondokana na uharibifu huo.

 Aidha amefahamisha kuwa lengo la hatua hiyo ni kudhibiti uharibifu wa msitu na uvamizi unaofanywa na watu kwa kufyeka miti kuandaa mashamba ya shughuli za kilimo, ujenzi na ujenzi wa makaazi usiozingatia taratibu na sheria za nchi.

 "Nataka kuwakumbusha kwamba msitu huu umehifadhiwa na jamii chini ya sheria ya misitu namba 10 ya mwaka 1996, kifungu cha 34 hadi 47 kupitia mradi wa Jozani Chwaka Bay chini ya Ufadhili wa Sirika la CARE la Austria hivyo ninaiomba jamii izingatie na kuziheshimu sheria zilizopo", alisema Shamata.

Sambamba na hayo alifahamisha kuwa Serikali ya awamu ya nane inayoongozwa na Dk. Hussein Ali Mwinyi ina lengo la kuwasaidia wananchi wake kwa kuwaletea maendeleo hivyo ni wajibu wao kulinda rasilimali zinazopatikana nchini kwa faida ya sasa na baadae.

Hata hivyo alisema licha ya Jumuiya ya Uhifadhi wa Mazingira (JECA) na Idara ya Misitu kuchukua hatua mbali mbali badokuna uharibifu unatokea na kuwaomba watu waliovamia eneo hilo kuondoka na kujisalimisha kabla idara haijachukua hatua.

Nae Mkurugenzi Idara ya Misitu, Said Juma Ali, alifahamisha kuwa upandaji wa miti hiyo unakusudia kurudisha haiba ya eneo hilo ili wananchi waliopo katika eneo hilo kupata kipato na kuwashajihisha kuzingatia sheria kwani atakaekamatwa anafyeka msitu hatua kali za sheria zitachukuliwa.

Kwa Upande wake Naibu Katibu wa Jumuiya Hifadhi ya Mazingira (JECA), Awesu Shaaban Ramadhan, alifafanua kuwa utalii wa misitu ya asili  una faida kwa vile rasilimali nyingi zilizomo kama vile ndege na wanyama wengine wanapatikana katika misitu hiyo.

Aliongeza kuwa pindipo wananchi wakiwekeza katika ulinzi na uhifadhi wa misitu hiyo, wataweza kujiingizia wao na serikali mapato hivyo kuondokana na umaskini.

Katika zoezi hilo, miti  1,300 ya mikunguuni ilipandwa kwa  mashirikiano ya  Idara ya Misitu, JECA na jamii katika eneo hilo, ambapo awali  miti 2,300  ilikusudiwa kupandwa lakini kutokana na baadhi yao kutokukidhi vigezo ya kuwepo katika maeneo ya hifadhi, haikupandwa.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more