Mama Mariam ahimiza lishe bora, mazoezi kujikinga na maradhi

NA MWANDISHI MAALUM, LONDON

MKE wa Rais wa Zanzibar na Mwenyekiti wa Bodi ya Wadhamini wa taasisi ya Zanzibar Maisha Bora Foundation (ZMBF) mama Mariam Mwinyi, amesisitiza umuhimu kwa jamii kubadili mtindo wa maisha kwa kuzingatia lishe bora, sambamba na kufanya mazoezi.

MKE wa Rais wa Zanzibar, ambaye pia Mwenyekiti wa Bodi ya wadhamini ya Taasisi ya Zanzibar Maisha Bora Foundation, Mama Mariam Mwinyi akizungumza kwenye uzinduzi wa mpango wa utekelezaji wa afya za maradhi yasiyoambukiza (NCDs), hafla iliyofanyika katika ukumbi wa Marlborough House nchini Uingereza.

Mama Mariam alitoa wito huo wakati wa uzinduzi wa mpango wa utekelezaji wa afya za maradhi yasiyoambukiza (NCDs) unaolenga kutekelezwa katika nchi 56 wanachama wa Jumuiya ya Madola katika ukumbi wa Marlborough House, Uingereza.

Alieleza kuwa ili kukabiliana na maradhi yasiyo ya kuambukiza kama ya saratani, ugonjwa ya moyo, shinikizo la damu na mengineyo hususani kwa vijana, kuna hitajika jamii kuhakikisha inapata lishe bora.

MKE wa Rais wa Zanzibar, ambaye pia Mwenyekiti wa Bodi ya wadhamini ya Taasisi ya Zanzibar Maisha Bora Foundation, Mama Mariam Mwinyi (kulia) akifuatilia mazungumzo wakati wa uzinduzi wa mpango wa utekelezaji wa afya za maradhi yasiyoambukiza (NCDs), hafla iliyofanyika katika ukumbi wa Marlborough House nchini Uingereza

Alisema lishe bora ni muhimili muhimu unaoweza kujenga mwili kuwa na afya, ambapo pia katika kuepuka maradhi hayo yasiyo ya kuambukiza kuna umuhimu wa kufanya mazoezi.

Alisema maradhi yasiyo ya kuambakiza limekuwa janga kubwa ulimwenguni ambapo takwimu zinaonesha kuwa vifo vitokanavyo na maradhi hayo takribani asilimia 75 ya vifo vinavyotokea duniani.

Aidha mama Mariam alieleza kuwa serikali ya Mapinduzi Zanzibar na ya Jamhuri ya Muungano wa Tanzania, zinachukua jitihada mbalimbali za kuimarisha sekta ya afya hususani afya ya mama na mtoto ili kupunguza hatari na vifo vya kundi hilo.

Alizitaja jitihada hizo kuwa ni pamoja na ujenzi wa miundombini ya kisasa ya kutolea huduma za afya, upatikanaji wa vifaa tiba, dawa na rasilimali watu yenye ujuzi na utaalamu wa kukabiliana na maradhi yanayoambukiza na yasiyoambukiza.

Kando ya mkutano huo, Mama Mariam, aliyeambatana na Waziri wa Ustawi wa Jamii, Jinsia, Wazee na Watoto, Riziki Pembe Juma, alikutana na Katibu Mkuu wa Jumuiya ya Madola, Patricia Janet Scotland.

Katika mazungumzo yao, mama Mariam na katibu huyo walizungumzia ushirikiano kati ya jumuiya hiyo na ZMBF kupunguza vifo vitokanavyo na magonjwa yasiyoambukiza na kumaliza vitendo vya ukatili wa kijinsia kupitia programu ya Jumuiya ya Madola ya ‘Says No More’.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more