NBC kushirikiana na taasisi SMZ kukusanya mapato, kuimarisha huduma

NA MWANDISHI WETU

WAZIRI wa Nchi, Ofisi ya Rais, Fedha na Mipango, Dk. Saada Mkuya Salum (pichani), amesema mashirikiano kati ya benki ya taifa ya biashara (NBC) na taasisi za Serikali kwenye matumizi ya mifumo ya kidigitali yataongeza ufanisi kwa taasisi za serikali hususani katika ukusanyaji wa mapato.


Dk. Mkuya ameeleza hayo wakati wa hafla ya utiaji saini wa mkataba wa ushirikiano kati ya benki hiyo na taasisi sita za Serikali ya Mapinduzi ya Zanzibar (SMZ), iliyofanyika katika hoteli ya Golden Tulip, Uwanja wa ndege Zanzibar.

Alieleza kuwa hatua hiyo pia itachochea upatikanaji wa huduma bora kwa wateja na kuondoa urasimu unaochochea vitendo vya upotevu wa mapato lakini pia kukuza uwekezaji nchini.


Aliongeza kuwa mashirikiano baina ya benki hiyo na taasisi hizo yatachochea matumizi ya mifumo ya kifedha katika jamii jambo litakaloongeza nguvu ya uchumi wa mtu mmoja mmoja na taifa kwa ujumla.

Aidha alieleza kuwa serikali inakamilisha maandalizi ya sheria ya serikali mtandao ili kuipa nguvu tasisi hiyo kuwa mamlaka badala ya wakala ili iweze kusimamia vyema utekelezaji wa mkakati wa serikali mtandao.


Alisema taasisi zilizoingia makubaliano hayo zina mchango mkubwa katika maeneo mbali mbali hivyo uamuzi wa NBC kuanza nazo ni sahihi kwani sasa wateja wa taasisi na mashirika hayo wataweza kufanya malipo na kupata taarifa kwa urahisi.

Awali Mkurugenzi Mtendaji wa NBC, Theobald Sabi, alieleza kuwa makubaliano hayo yanalenga kuimarisha azma ya serikali kuziba mianya ya upotevu wa mapato yatokanayo na malipo ya ada na maduhuli mbali mbali lakini pia kuchochea biashara.

Alisema pande zote mbili zinatarajiwa kunufaika katika maeneo mbali mbali yakiwemo ya uwekaji wa kumbukumbu, kuimarisha biashara na uchumi pamoja na huduma zinazotolewa na taasisi hiuzo pamoja na benki hiyo.

Aidha Sabi alisema utiaji saini huo ni mwendelezo wa utekelezaji wa mipango ya benki hiyo kuimarisha huduma kwa wateja wake kupitia matawi waliyonayo Zanzibar, mawakala zaidi ya 200 na kupitia mitandao ya intaneti ambapo mteja anaweza kufanya malipo ya huduma za taasisi walizosaini nazo makubaliano kupitia mfumo wa Zan Malipo kwa urahisi zaidi.

Kwa upande wao, viongozi wa taasisi ziliizosaini makubaliano hayo, walisema mkataba huo utawawezesha kuimarisha utendaji wa kazi zao ikiwa pamoja na kujua hali ya kifedha ya taasisi zao hivyo kutoa huduma bora kwa umma.

Nae Meneja Fedha wa Shirika la Umeme Zanzibar (ZECO), Riziki Faki, aliipongeza benki ya NBC kwa kuingia makubaliano nao akiamini kuwa hatua hiyo itanusuru upotevu wa mapato na kuondoa wasiwasi wa watendaji wao wanaposafirisha fedha kutoka vituoni.

Taasisi zilizoingia makubaliano hayo yaliyoshuhudiwa na Dk. Mkuya ni mbali ya ZBS na ZECO ni Mamlaka ya Mapato Zanzibar (ZRA), Idara ya Ushirikiano kati ya serikali na Sekta binafsi (ZPPP), Mamlaka ya Ukuzaji Vitega Uchumi Zanzibar (ZIPA) na Mfuko wa Hifadhi ya Jamii Zanzibar (ZSSF).

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more