Nsokolo ahimiza ulinzi wa waandishi, vyombo vya habari

NA KHAMISHUU ABDALLAH

RAIS wa Muungano wa Klabu za Waandishi wa Habari Tanzania (UTPC), DeogratIus Nsokolo, amewasisitiza waandishi wa habari kuuelimisha umma juu ya umuhimu wa uhuru wa vyombo vya habari na nafasi ya waandishi katika jamii.

Nsokolo alitoa rai hiyo wakati akifungua mdahalo kuadhimisha siku ya kimataifa ya Kukomesha Uhalifu dhidi ya Waandishi wa Habari uliofanyika wa njia ya mtandao jana, ulioshirikisha waandishi wa habari, viongozi wa klabu za wanahabari, UTPC na wadau wengine.

Alisema hatua hiyo itasaidia kuongeza ufahamu kwa jamii jinsi vyombo vya habari vinavyochangia kujenga jamii yenye habari na taarifa sahihi na uelewa utakaoujenga mazingira bora kwa wanahabari kufanya kazi zao bila ya vitisho na vikwazo.

Aidha alisema pia hatua hiyo inaweza kuzuia misimamo ya upande mmoja na kupotosha habari kwa kuuelimisha umma jinsi waandishi wanavyochunguza na kuripoti masuala yanayowahusu na vitendo visivyo na maadili.

Aliongeza kuwa ili kujenga taifa lenye umoja, mshikamano na amani, vyombo vya Habari vinapaswa kuripoti mambo kwa usawa hivyo vinapaswa kuachwa kufanya kazi zake kwa kuzingatia weledi.

alisema umma ulioelimishwa unaweza kushiriki zaidi katika mchakato wa kisiasa na kijamii hivyo kuwa na mchango mkubwa katika ujenzi wa taifa.

Akizungumzia maadhimisho ya siku hiyo yanayofanyika kila Novemba 2 ya kila mwaka, alisema yamelenga kuongeza uelewa kuhusu changamoto zinazowakabili wanahabari katika utekelezaji wa majukumu yao na hatua za kuchuku kuondoa vitisho na madhila juu yao.

Alisema waandishi wa habari wamekuwa wakishambuliwa, vyombo vya habari kuwekewa vikwazo, matumizi na taratibu za kimahakama dhidi ya waandishi wa habari kutokana na kazi zao za uandishi wa habari zenye maslahi kwa umma.

Aidha aliupongeza Ubalozi wa Uswizi nchini Tanzania, Jeshi la Polisi Tanzania, Baraza la Habari Tanzania (MCT) na wadau wengine kwa kushirikiana na UTPC kuhakikisha usalama wa waandishi wa habari nchini kuwawezesha kuendelea kutimiza majukumu yao kwa mujibu na sheria za nchi.

Wakichangia katika mdahalo huo, waandishi wa habari na viongozi wa Klabu walisisitiza haja ya kuimarishwa mshikamano miongoni mwa wanahabari na taasisi wanazofanyia kazi ili kupunguza uwezekano wa kujiweka kwenye hatari.

Walieleza kuwa pamoja na baadhi ya maeneo kutokabiliwa na vitisho au madhila mara kwa mara, bado waandishi wengi wanafanya kazi katika mazingira hatarishi yanayochangia kutozingatia misingi ya taaluma yao.

Walisema kuwa hali hiyo inatokana na waandishi wengi kufanya kazi bila ya mikataba ya ajira au malipo ya uhakikia na kushauri kutanuliwa kwa wigo wa mijadala juu ya usalama wa waandishi kwa kuwajumuisha wadau zaidi ya vyombo vya ulinzi na usalama, waajiri na wamiliki wa vyombo vya habari.

Hata hivyo walishauri kuimarishwa kwa sheria za habari Tanzania bara na Zanzibar ili zitoe ulinzi kwa waandishi na vyombo vya habari ambao pia wamehimizana pia kujitambua na kusimamia maadili ya taaluma yao.

Akifunga mdahalo huo, Mkurugenzi Mtendaji wa UTPC, Kenneth Simbaya, aliwahimiza wanahabari kuendelea kupaza sauti juu ya madhila wanayopitia ili kupata njia ya kuyapunguza.

Alieleza kuwa UTPC kwa kushirikiana na wadau wengine wanaendelea kutafuta njia zitakazosaidia kujenga uwezo wa mwaandishi na wadaiu wengine ili kupunguza matukio ya uvunjifu wa uhuru wa kujieleza ambao ni sehemu ya haki za binadamu.

Kwa mujibu wa Shirika la Elimu, Sayansi na Utamaduni la Umoja wa Mataifa (UNESCO), waandishi wa habari 117 waliuawa mwaka 2021/2022 ambapo asilimai 38 walitoka katika mabara ya Latini Amerika na Asia huku asilimia 14 ya kesi za uhalifu dhidi ya waandishi wa habari zikiendelea kushughulikiwa.

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more