Vodacom yawapa uhakika wa matibabu mama, watoto wachanga

NA MWANDISHI WETU

KAMPUNI ya mawasiliano ya Vodacom imetoa zawadi ya bima kubwa ya afya kwa mama 100 na watoto wachanga 100 waliozaliwa na kulazwa katika hospitali ya rufaa ya Mnazimmoja, Zanzibar.


Mama (mzazi)  Maryam Yohana Daniel (aliyeketi) akipokea bima kubwa ya afya kwa niaba ya wenzake wakati wa hafla ya ugawaji wa bima hizo kwa mama wazazi na watoto katika hospitali ya Mnazimmoja.

Hatua hiyo ni sehamu ya kampeni ya kampuni hiyo ya kueneza upendo katika msimu wa sikukuu ambapo kina mama waliojifungua kuanzia Novemba 9, mwaka huu katika hospitali hiyo watapatiwa bima ya ‘Voda Bima’.

Akizungumza wakati wa hafla ya kukabidhi bima hizo, Mkuu wa Kitengo cha Habari na Mawasiliano wa Vodacom Tanzania, Annette Kanora (wa tatu kushoto), alisema hatua hiyo ni muendelezo wa mpango wa kampuni hiyo kuwashukuru wateja wake na kusaidia kupunguza changamoto zinazoikabili jamii.

 Mkuu wa Kitengo cha Habari na Mawasiliano wa Vodacom Tanzania, Annette Kanora (wa tatu kushoto) pamoja na watendaji wa Vodacom Tanzania wakizungumza na baadhi ya wauguzi wa wadi ya wazazi

“Kwa mwaka huu tumeona umuhimu wa kuifikia jamii pana zaidi kwani tunajua mama wanaojifungua hukabiliwa na changamoto nyingi zikiwemo za matunzo ya watoto hivyo bima hii inakwenda kusimamia huduma zote za kiafya kwa mama na mtoto”, alieleza Annette.

Alifafanua kuwa faraja hiyo itawafikia wazazi wa maeneo mbali mbali nchini na kwamba kampuni hiyo imelenga kuwafikia mama wazazi 1,000 na watoto wachanga 1,000 ambapo kwa Zanzibar kinamama 100 na watoto wao watapata huduma za matibabu katika hospitali ya Ampola (Global), Tawakal, Al Rahma na Mnazimmoja pamoja na Muimbili na nyengine za Tanzania bara. 


Mkuu wa Kitengo cha Habari na Mawasiliano wa Vodacom Tanzania, Annette Kanora, akimbeba mmoja ya watoto mapacha wa mama Badria Mohamed Khamis. 

Akizungumzia kuhusu kampeni ya ‘Sambaza Shangwe, Gusa Maisha’ Meneja Mauzo Vodacom Zanzibar, Fadhili Linga, alisema kampeni hiyo inatoa zawadi kwa wateja wao lakini pia kutoa misaada ya kijamii kama hiyo.

Linga alisema sekta ya afya ni eneo muhimu na kampuni hiyo imeona iunge mkono juhudi za serikali kupitia miradi mbali mbali inayoendeshwa na kampuni hiyo ukiwemo wa M - Mama.

Aidha aliahidi kuwa wataendeleza ushirikiano uliopo kati yao na serikali zote mbili za Tanzania ili kuhakikisha upatikanaji wa huduma bora za afya kwa Watanzania.


Maofisa wa Vodacom Tanzania akiwemo Mkuu wa Kitengo cha Habari na Mawasiliano wa Vodacom Tanzania, Annette Kanora (wa tatu kulia) na bwana shangwe wakiwa na mama mzazi Maryam Yonane Daniel 

“Mbali na kutoa bima ya afya, Vodacom inatoa zawadi za bodaboda, TV, simu za mkononi, ‘router’ za intaneti ya 4G na 5G lakini pia pesa taslimu kuanzia shilingi 500,000 hadi 10,000,000 kwa lengo la kuinua uchumi wa watanzania”, alieleza Meneja huyo.

Kwa upande wake, Mkuu wa Wodi ya Wazazi hospitali ya Rufaa Mmnazimmoja, Khadija Salum Said, aliipongeza kampuni hiyo kwa ubunifu wa kampeni hiyo ambayo inawajali kinamama wanaoleta viumbe wapya duniani.

Alisema bima hizo zitasaidia kwa kiasi kikubwa kupatikana kwa huduma ya uhakika ya afya ya mama na mtoto wakati wa hatua ya awali wa makuzi ya watoto wachanga na akina mama waliotoka kujifungua ili kupunguza vifo vya mama na watoto wachanga.

“Kuwapatia bima ya afya tena ile kubwa kwa mwaka mzima kunawondolea hofu na shaka pindi watakapokua na changamoto za kiafya na kupunguza matatizo yatayotokea baada ya mama kujifungua na hata kupunguza vifo vya watoto wachanga”, alisema.

Wakizungumza kwa niaba ya wazazi wenzao waliopatiwa bima hizo Maryam Yohana Daniel na Badria Mohammed Khamis aliyejifungua watoto mapacha wa kike, walipongeza uamuzi wa kampuni hiyo na kueleza kuwa bima hizo zitawasaidia kupata matibabu kwao na watoto wao na huduma nyengine za kiafya.

Hivyo waliiomba jamii kuendelea kuiunga mkono kampuni hiyo ili iweze kutoa msaada kwa watu wengi zaidi ya Watanzania ambapo kupitia ‘Voda Bima’ watawawezesha akina mama na watoto wao kupata huduma za afya ikiwa ni sehemu ya kampeni inayoendelea ya ‘Sambaza Shangwe, Gusa Maisha’.

Comments

Post a Comment

Popular posts from this blog

Image
  Skuli ya Upendo yapongezwa kutoa mwanafuzi bora kitaifa Yatoa wanafunzi watatu bora kitaifa mitihani STD 4, Veronica Mwendesha ashika nafasi ya kwanza Zanzibar NA MWINYIMVUA NZUKWI VIONGOZI wa jimbo la Bububu, wilaya ya Magharibi ‘A’, Unguja, wameeleza kuwa wataendelea kutoa kipaumbele kwa maendeleo ya jamii ikiwemo elimu ili kupata taifa linalojitegemea kwa wataalamu. Kauli hiyo imetolewa na Diwani wa wadi ya Dole, Juma Wiliam Sungwa, kwa niaba ya Mwakilishi wa jimbo hilo Mudrik Ramadhan Soraga, katika hafla ya kuwapongeza wanafunzi wa skuli ya maandalizi na msingi, Upendo iliyopo shehia ya Kizimbani Unguja, iliyotoa mwanafunzi bora kitaifa katika mitihani ya darasa la nne iliyofanyika mwaka uliopita Zanzibar. Alisema mafaniko ya skuli hiyo kutoa wanafunzi watatu katika nafasi tano za juu kitaifa katika mitihani hiyo ni ya kupongezwa na inapaswa kuungwa mkono na kila mmoja miongoni mwa wananchi wa jimbo hilo. Alifafanua kuwa licha ya kuwa skuli hiyo kumilikiwa na ...
Read more

Balozi Mpanda ahimiza ubunifu uhifadhi wa mazingira

Image
JUVIEKA, wadau wapanda mikoko 2,540 Mtopwani NA MWANDISHI WETU JUMLA ya miche ya miti ya mikoko 2,540 imepandwa katika eneo la Mdodo madema, Shehia ya Mto wa pwani mkoa wa Kaskazini Unguja ili kutunza mazingira ya eneo hilo. Akizungumza na mwandishi wa habari hizi, Mratibu wa zoezi hilo ambaye ni kiongozi wa Jumuiya ya Vijana ya Uhifadhi wa Mazingira, Mbarouk Maalum, alieleza kuwa zoezi hilo lililofanyika jumapili iliyopita lilihudhuriwa na wanaharakati wa mazingira 117 kutoka taasisi na makundi mbali mbali ya jamii. Aliongeza kuwa miongoni mwa washiriki hao ni vikundi vitano vya wanufaika wa mpango wa MKUBA, wanachama na viongozi wa mabaraza ya vijana ya Shehia za Mtowapwani na Chutama,   wawakilishi taasisi za JUVIEKA, UNA, ZAFELA pamoja na Sheha wa Shehia hiyo na wananchi wake. Aidha maalum alieleza kuwa shughuli hiyo pia ilihudhuriwa na Balozi wa mazingira kutoka ofisi ya rais, Muungano na Mazingira ya Jamhuri ya Muungano wa Tanzania, Khadija Yussuph Mpanda ambaye pia ni ...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more