Balozi Mpanda ahimiza ubunifu uhifadhi wa mazingira

JUVIEKA, wadau wapanda mikoko 2,540 Mtopwani

NA MWANDISHI WETU

JUMLA ya miche ya miti ya mikoko 2,540 imepandwa katika eneo la Mdodo madema, Shehia ya Mto wa pwani mkoa wa Kaskazini Unguja ili kutunza mazingira ya eneo hilo.


Akizungumza na mwandishi wa habari hizi, Mratibu wa zoezi hilo ambaye ni kiongozi wa Jumuiya ya Vijana ya Uhifadhi wa Mazingira, Mbarouk Maalum, alieleza kuwa zoezi hilo lililofanyika jumapili iliyopita lilihudhuriwa na wanaharakati wa mazingira 117 kutoka taasisi na makundi mbali mbali ya jamii.

Aliongeza kuwa miongoni mwa washiriki hao ni vikundi vitano vya wanufaika wa mpango wa MKUBA, wanachama na viongozi wa mabaraza ya vijana ya Shehia za Mtowapwani na Chutama,  wawakilishi taasisi za JUVIEKA, UNA, ZAFELA pamoja na Sheha wa Shehia hiyo na wananchi wake.

Aidha maalum alieleza kuwa shughuli hiyo pia ilihudhuriwa na Balozi wa mazingira kutoka ofisi ya rais, Muungano na Mazingira ya Jamhuri ya Muungano wa Tanzania, Khadija Yussuph Mpanda ambaye pia ni miongoni mwa wanahrakati wanaounga kundi la Green Samia ilidhihirisha utayari na ushiriki wa jamii na wadau katika vita dhidi ya uharibifu wa mazingira.

Aliongeza kuwa zoezi hilo limejenga uelewa kuhusu umuhimu wa kupanda miti, kutambua na kupeana habari za mazingira na wadau kuoneshana fursa zinazoweza kuleta manufaa huku akiainisha kuwa uelewa mdogo wa jamii juu ya umuhimu wa kupandaji miti na upungufu wa mbegu za mikoko kuwa ni miongoni mwa changamoto walizobiliana nazo.

“Napenda kuwashukuru wale wote ambao Allah aliwawezesha kufika na hata wale ambao hawakujaaliwa kupata nafasi ya kuja kutokana na sababu za hapa na pale katika zoezi la upandaji wa mikoko katika eneo hili ikiwa ni njia moja wapo ya kulihifadhi ili maji ya bahari yasiliharibu”, alieleza Maalum.

Akizungumza baada ya kushiriki zoezi hilo na alipokutana na wanachama wa klabu ya waandishi wa Habari Zanzibar katika ofisi za klabu hiyo kijangwani jumamosi iliyopita, Balozi Khadija Mpanda, alieleza haja ya jamii kujengewa uelewa juu ya namna bora na endelevu ya uhifadhi wa mazingira ili kukabiliana na athari za mabadiliko ya tabia nchi.

Alieleza kuwa nchi za visiwa kama Zanzibar zimeaathiriwa zaidi na shughuli za kibinadamu hivyo ubunifu na mikakati endelevu inahitajika kuzuia madhara yanayotokana na uharibifu wa mazingira na nchi kavu na baharini.

Alifafanua na kupongeza juhudi zinazochukuliwa na wadau mbali mbali zanzibat katika harakati za kutunza na kuhifadhi mazingira kwa kusafisha na kutumia vifaa chakavu vinavyorejesheka kutengenezea vitu vinavyoweza kutumika kwa manufaa ya jamii na kuzalisha kipato.

Aidha aliviomba vyombo vya Habari, kujielekeza katika elimu juu ya mazingira kwa kuwasaidia vijana wenye bunifu zinazotoa suluhisho la kukabili athari za mabadiliko ya tabia nchi kuonesha bunifu zao ili kujenga utayari wa jamii kuzitumia taka ngumu na nyenginezo kama fursa ya kujipatia kipato.

Balozi khadija aliyekuwepo Zanzibar kwa ajili ya sherehe za maadhimisho ya miaka 60 ya Mapinduzi, alitumia ujio wake kutembelea maeneo na kushiriki vikao na shughuli zinazohusiana na ulinzi, uhifadhi na utunzaji wa mazingira na kupongeza hatua za maendeleo zilizofikiwa.



Comments

Post a Comment

Popular posts from this blog

Image
  Skuli ya Upendo yapongezwa kutoa mwanafuzi bora kitaifa Yatoa wanafunzi watatu bora kitaifa mitihani STD 4, Veronica Mwendesha ashika nafasi ya kwanza Zanzibar NA MWINYIMVUA NZUKWI VIONGOZI wa jimbo la Bububu, wilaya ya Magharibi ‘A’, Unguja, wameeleza kuwa wataendelea kutoa kipaumbele kwa maendeleo ya jamii ikiwemo elimu ili kupata taifa linalojitegemea kwa wataalamu. Kauli hiyo imetolewa na Diwani wa wadi ya Dole, Juma Wiliam Sungwa, kwa niaba ya Mwakilishi wa jimbo hilo Mudrik Ramadhan Soraga, katika hafla ya kuwapongeza wanafunzi wa skuli ya maandalizi na msingi, Upendo iliyopo shehia ya Kizimbani Unguja, iliyotoa mwanafunzi bora kitaifa katika mitihani ya darasa la nne iliyofanyika mwaka uliopita Zanzibar. Alisema mafaniko ya skuli hiyo kutoa wanafunzi watatu katika nafasi tano za juu kitaifa katika mitihani hiyo ni ya kupongezwa na inapaswa kuungwa mkono na kila mmoja miongoni mwa wananchi wa jimbo hilo. Alifafanua kuwa licha ya kuwa skuli hiyo kumilikiwa na ...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more