Dk. Khalid ashajihisha mashirikiano kufikia uchumi wa kidigitali

NA MWANDISHI WETU

WADAU wa sekta ya mawasiliano na mitandao nchini wametakiwa kuimarisha ushirikiano na mamlaka za serikali ili azma ya mageuzi ya kidigitali ifikiwe.

Waziri wa Ujenzi, Mawasiliano na Uchukuzi Zanzibar, Dk. Khalid Salum Mohammed, (pichani), ametoa wito huo katika hafla ya uzinduzi wa ushirikiano wa kibiashara kati ya kampuni ya mawasiliano ya Airtel Tanzania na kampuni ya usambazaji wa maudhui ya Zanzibar Cable Television (ZCTV) iliyofanyika katika hoteli ya Golden Tulip, Uwanja wa ndege, Zanzibar.

Dk. Khalid alieleza kuwa serikali zote mbili za Tanzania, zimewekeza miundombinu na mazingira rahisi ya kuwezesha taasisi na kampuni za mawasiliano kutekeleza majukumu yao kwa faida.


Waziri wa Ujenzi, Mawasiliano na Uchukuzi Zanzibar, Dk. Khalid Salum Mohammed, (katikati),  akibonyeza kitufe kuashiria uzinduzi wa masirikiano ya kibiashara kati ya Airtel Money na ZCTV.

Aliongeza kuwa hatua hiyo inalenga kuleta unafuu wa gharama za mawasiliano kwa wananchi lakini pia kurahisisha upsatikanaji wa huduma mbali mbali zikiwemo za kifedha.

“Katika kipindi cha miaka mitatu, serikali imeimarisha uwezo wa mkongo wa taifa kuhudumia watoa huduma za mawasiliano lakini pia minara zaidi ya 40 imejengwa katika maeneo mbali mbali ya Unguja na pemba, lengo likiwa ni kurahisisha upatikanaji wa huduma za mawasiliano”, alieleza dk. Khalid.

Waziri wa Ujenzi, Mawasiliano na Uchukuzi Zanzibar, Dk. Khalid Salum Mohammed, (katikati),  akipokea kifaa cha mtandao wa intaneti toka kwa Mkurugenzi wa Airtel Money, Andrew Rugamba, wakati wa uzinduzi wa masirikiano ya kibiashara kati ya Airtel Money na ZCTV.

Aidha alizipongeza taasisi hizo kwa kuonesha mfano na utayari wa ushirikiano katika kukuza biashara na upatikanaji wa huduma jambo litakalowasaidia wateja wao lakini pia kuimarisha uchumi wa nchi.

Alieleza kwamba serikali inahimiza ushirikiano baina yake na sekta binafsi na inapotokea taasisi binafsi zinaungana na kushirikiana kwa lengo la kuimarisha hduma, kuna uwezekano mkubwa wa kufanikisha malengo ya nchi kukuza uchumi wa kidigitali.

Waziri wa Ujenzi, Mawasiliano na Uchukuzi Zanzibar, Dk. Khalid Salum Mohammed, (katikati),  akipokea king'amuzi cha ZCTV toka kwa Kaimu Mkurugenzi wa ZCTV Khafidh Kassim, wakati wa uzinduzi wa masirikiano ya kibiashara kati ya Airtel Money na ZCTV.

Awali Mkurugenzi wa Airtel Money, Andrew Rugamba, alieleza kuwa kampuni hiyo mimelenga kurahisisha shughuli za kifedha ili kujenga tabia ya watumiaji wa huduma zao na wananchi kwa ujumla kuwa na nidhamu ya matumizi ya fedha lakini pia ujumuishaji wa kifedha.

Alieleza kuwa kupitia ushirikiano kati yao, wateja wa ZCTV watakuwa na uwezo wa kulipia huduma za ving’amuzi kupitia huduma za kifedha za kampuni hiyo (Airtel money) bila ya kwenda katika vituo vya kutolea huduma vya kampuni hiyo.

Waziri wa Ujenzi, Mawasiliano na Uchukuzi Zanzibar, Dk. Khalid Salum Mohammed, (katikati),  Kaimu Mkurugenzi wa ZCTV, Khafidh Kassim na Mkurugenzi wa Airtel Money, Andrew Rugamba wakiwa na wafanyakazi wa Airtel Tanzania wakati wa uzinduzi wa masirikiano ya kibiashara kati ya Airtel Money na ZCTV.

“Baada ya kuimarisha huduma zetu na kuzindua mtandao wa kasi ya 5G, tumeongeza huduma zinazotolewa zikiwemo za kifedha ambapo sasa tunarahisisha huduma za malipo kama ya ada za shule na kwamba tumedhamiria kufanya mambo makubwa hapa Zanzibar katika siku za usoni”, alieleza Rugamba.

Aidha aliipongeza Serikali ya Mapinduzi Zanzibar na Serikali ya Jamhuri ya Muungano wa Tanzania kwa kuweka mazingira mazuri ya uwekezaji yanayochochea kasi ya ukuaji wa uchumi nwa mtu mmoja mmoja na taifa kwa ujumla.

Waziri wa Ujenzi, Mawasiliano na Uchukuzi Zanzibar, Dk. Khalid Salum Mohammed, (katikati),  Kaimu Mkurugenzi wa ZCTV, Khafidh Kassim na Mkurugenzi wa Airtel Money, Andrew Rugamba wakiwa na wafanyakazi wa Zanzibar Cable Television wakati wa uzinduzi wa masirikiano ya kibiashara kati ya taasisi hizo.

Kwa upande wake, Kaimu Mkurugenzi mkuu wa zctv, hafidh kassim hafidh, alieleza kuwa mafungamano hayo yanalenga kuwarahisishia kufanya malipo wateja wao kwa kufanya miamala ya kifedha kulipia huduma bila ya kufika kwenye vituo vyao vya mauzo.

Alieleza kuwa hatua hiyo mitapunguza misongamano kwenye vituo hivyo na kuokoa muda wa wateja wao na kwamba aliahidi kuimarisha huduma zikiwemo za mtandao wa intaneti katika siku za usoni.

Waziri wa Ujenzi, Mawasiliano na Uchukuzi Dk. Khalid Salum Mohammed (katikati) akisalimiana na Mkuu wa Biashara wa Airtel Tanzania kanda ya Pwani, Mussa Sultan, alipowasili hoteli ya Golden Tulip Uwanja wa ndege Zanzibar kushiriki uzinduzi wa mahusiano ya kibiashara kati ya kampuni ya Airtel Tanzania na Zanzibar Cable Television . Kulia ni Mkurugenzi wa Airtel Money Andrew Rugamba.

Aidha alimshukuru waziri huyo na watendaji wa wizara yake kwa kusimamia vye sekta ya mawasiliano na kuahidi kuwa wataendelea kushirikiana na wadau mbali mbali kufanikisha malengo ya taasisi hiyo.

Hafla hiyo ilihudhuriwa na wadau wa sekta ya mawasiliano, elimu na habari akiwemo naibu katibu mkuu wa wizara ya ujenzi, mawasiliano na uchukuzi, Mhandisi Shomari Shomari, Meneja wa huduma za Airtel Money, Mariam mwamnyalla, alieleza kuwa kampuni hiyo imetanua wigo kwa kuwa na mawakala 220,000 Tanzania nzima.


Mkuu wa Biashara wa Airtel Tanzania kanda ya Pwani, Mussa Sultan (kushoto), akimsikiliza Mkurugenzi wa Airtel Money, Andrew Rugamba, kabla ya uzinduzi wa mahusiano ya kibiashara kati ya kampuni ya Airtel Tanzania na Zanzibar Cable Television uliofanyika hoteli ya Golden Tulip Uwanja wa ndege Zanzibar. 

“Kampuni ya Airtel Tanzania ni mali ya Watanzania kupitia Msajili wa hazina anayemiliki hisa asilimia 49 huku airtel afrika ikiwa na asilimia 51 na ndio maana mara zote tunalenga kuwafikishia watanzania huduma bora mahali walipo”, alieleza Mariam.

Hivyo alitoa wito kwa watanzania kuchangamkia fursa zilizopo zikiwemo za bima ya afya, mikopo nafuu na ubia katika sekyta ya kilimo sambamba na huduma za malipo kidigitali kwa ajili ya kuokoa muda.  

WAGENI waalikwa wakifuatilia uzinduzi wa ushirikiano wa kibiashara kati ya Airtel Money na Zanzibar Cable Television





  

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more