Jumuiya ya madola kuwakutanisha mawaziri wa sheria Z’bar

NA MWANDISHI MAALUM

TANZANIA inatarajai kuwa mwenyeji wa mkutano wa mawaziri wa sheria wa nchi wanachama wa Jumuiya ya Madola, utakaofanyika visiwani Zanzibar kuanzia Machi 4 hadi mwaka huu.

Waziri wa Katiba na Sheria, Dk. Pindi Chana, alieleza hayo jana katika ukumbi wa Idara ya Habari wa Bungeni jijini Dodoma, ambapo alisema maandalizi ya mkutano huo wa kimataifa yanaendelea.

Alisema katika mkutano huo, Mawaziri wanaoshughulikia masuala ya sheria kutoka nchi na mataifa 56 wakiambatana na maofisa waandamizi pamoja na wageni takriban 300 kutoka nchi za jumuiya ya Madola wanatarajiwa kuhudhuria.

Dk. Chana alisema mkutano huo utajadili mifumo ya kisasa ya uvumbuzi wa kiteknolojia na mambo ya kijidijitali yanavyoweza kusaidia kuongeza ufanisi kwenye tasnia ya sheria na utoaji haki.

 

“Katika mkutano huo Tanzania tunawania tuzo mbili moja ni usajili wa watoto chini ya miaka mitano na nyingine ni utoaji wa huduma ya msaada wa kisheria kupitia kampeni ya Mama Samia legal aid campaign”, alisema Waziri huyo.

Mkutano huu sio tu utaiunganisha Tanzania na anga za kimatifa pekee bali, utatumika kama chazo cha mapato ya fedha za kigeni na kwamba mkutano huo utakuwa wa hapa nchini.

Alisema kuwa dunia ina imani na Tanzania kuhusu utawala wa sheria na haki, ndio maana mnamo mwishoni mwa mwaka mkutano mkubwa wa 77 wa haki za binadamu na watu ulifanyika nchini nchini Tanzania katika mkoa wa Arusha.

“Ikumbukwe kuwa Kamisheni ya Afrika ya haki za binadamu na watu hawaendi mahali bila kujihakikishia masuala ya amani hayapo vizuri, hivyo niwasihi wanahabari kuendeleza kuzitumia kalamu zenu katika kueneza tunu ya amani na mazuri yote ambayo serikali inayatekeleza”, alisema.

Balozi Chana alisema kufanyika mkutano huo kunadhihirisha pasi na shaka juu ya kuaminika kwa Tanzania katika anga la kimataifa kwani mkutano wa mwisho wa mawaziri wa jumuiya ya Madola ulifanyika Mauritius mwaka 2022.

Alisema kwa kawaida sio rahisi mkutano unaofuata kufanyika tena Afrika ila kwa kuwa Rais wa Jamhuri ya Muungano wa Tanzania, Dk. Samia Suluhu Hassansita ameifungua nchi na hatimaye kukubaliwa bila kupingwa kuwa mwenyeji wa mkutano huo.

Katika mkutano huo anatarajiwa Rais wa Jamhuri ya Muungano wa Tanzania, Dk. Samia Suluhu Hassan kufungua na  mkutano huo kufungwa na  Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi.

 

Comments

Post a Comment

Popular posts from this blog

ZALIRI, FLI zaingia makubaliano kuimariusha sekta mifugo

Image
NA MWANDISHI MAALUM, WKUMM WIZARA ya Kilimo Umwagiliaji, Maliasili na Mifugo imeeleza kuwa itaendelea kushirikiana na wadau mbali mbali kupitia taasisi zake kustawisha sekta ya kilimo na ufugaji. Waziri wa wizara hiyo, Shamata Shaame Khamis alieleza hayo baada ya kushuhudia utiaji saini ya makubaliano ya ushirikiano na kiutendaji kati ya Taasisi ya Utafiti wa Mifugo Zanzibar (ZALIRI) na taasisi ya Friedrich Loeffler Institut (FLI) ya nchini Ujerumani.  Katika hafla hiyo, Mkurugenzi Mkuu wa ZARILI, Talib Saleh Suleiman alitia saini kwa niaba ya taasisi hiyo na kwa upande wa  FLI, Mkurugenzi wa Institute of International Animal/One Health, Prof. Sascha Knauf aliiwakilisha taasisi yake. Waziri Shamata  alieleza kuwa  serikali ya Ujerumani imekuwa na ushirikiano wa karibu na serikali ya Jamhuri ya Muungano wa Tanzania na Serikali ya Mapinduzi  Zanzibar katika mipango yake ya maendeleo.  Alifahamisha kuwa utiaji saini huo utaongeza ufanisi na wataalamu wa utafiti wa masuala ya mifugo lakini
Read more

Ibueni changamoto zinazokamisha usawa wa kijinsia - Simbaya

Image
NA MWANAISHA SHARIA, MOROGORO WAANDISHI wa habari wametakiwa kuendelea kuibua changamoto mbali mbali zinazowakabili wanawake ili wapate fursa za maendeleo zinazojitokeza nchini. Mkurugenzi wa Muungano wa Klabu za Waandishi wa Habari Tanzania (UTPC), Kenneth Simbaya alipokua akifungua mafunzo ya kuwajengea uwezo waandishi wa habari kuhusu kuandika habari za usawa wa kijinsia yaliyofanyika hoteli ya Flomi, mjini Morogoro. Amesema wandishi wa habari wana nguvu ya kufikisha ujumbe kwa jamii hivyo wana jukumu la kuhakikisha wanatoa elimu ya usawa wa kijinsia ili kutatua changamoto zilizopo. "Waandishi wa habari mtakapoibua kero za wanawake na kuzisemea mtaleta mabadiliko kwa wanawake hao lakini pia jamii nzima kwani kupitia kwao ukatili na ukandamizaji wanawake na watoto wa kike utaondoka”, alieleza Simbaya. Aidha Mkurugenzi huyo amewataka waandishi waliopatiwa mafunzo hayo kutumia vizuri elimu hiyo kwa kuandika habari na kuanda vipindi kuhusu usawa wa kijinsia ili kuleta mabadil
Read more

Uislam unakubali uzazi wa mpango

Image
NA MWAANDISHI MAALUM KWA muda mrefu, suala la uzazi wa mpango limekuwa na mjadala mrefu katika jamii na vyombo vya habarijuu ya kama jee ni sawa au linapingana na maelekezo ya dini ya Kiislamu? Maelezo yamekuwa mengi na yenye aina tafauti ya maelezo, lakini ukweli na uhakika ni kwamba dini ya Kiislamu haina pingamizi juu ya uzazi wa mpango kwa vile linasaidia mzazi na mtoto kuwa na afya bora. Sheikh Khamis Abdulhamid Mjumbe wa Baraza la Maulamaa Zanzibar, Sheikh Khamis Abdulhamid, amesema dini ya Kiislamu haijakataza  uzazi wa mpango ambao hauna na madhara kwa pande zote mbili. “Wakati Quran inashushwa Masahaba waliwahi kusema Quran haikutukataza kutumia njia ya mshindo (kumwanga maji ya uzazi nje) ili kupanga uzazi“, Sheikh Khamis alisemaa. Hata hivyo, aliongeza ni muhmu kwa wanawaume kujitahidi kufuatilia na kujipanga kupata elimu ili ndoa zao ziwe na furaha kwa kuweka utaratibu maalum wa kupata watoto. “Ikiwa mtu atasema ukikataa kuzaa nimekuacha basi hakika hio ni talaka ila hi
Read more