‘Uchaguzi serikali za mitaa kuzingatia falsafa ya 4R’

NA SAIDA ISSA, DODOMA

IMEELEZWA kuwa uchaguzi wa serikali za mitaa wa mwaka 2024 utazingatia maono ya Rais wa Jamhuri ya Muungano wa Tanzania, Dk. Samia Suluhu Hassan kama ambavyo amekuwa akizungumza katika majukwaa mbali mbali akisisitiza falsafa ya ‘4R’ kwa maana ya maridhiano, ustahimilivu, mageuzi na kujenga upya.

Hayo yameelezwa jijini Dodoma na Naibu Waziri Ofisi ya Rais, Tawala za Mikoa na Serikali za Mitaa (TAMISEMI), Festo Dugange, katika kikao cha viongozi wa dini, Asasi za Kiraia na Mashirika yasiyo ya Kiserikali kujadili rasimu ya kanuni za uchaguzi wa serikali za mitaa wa mwaka 2024.

Ambapo alisema kuwa uchaguzi huo utazingatia maono hayo ya Mheshmiwa Rais ili kila chama kipate nafasi sawa katika uchaguzi.

"Ndugu washiriki, rasimu za kanuni zilizoandaliwa ni kama ifuatavyo, Rasimu ya Kanuni za Uchaguzi wa Mwenyekiti wa Kijiji, Wajumbe wa Halmashauri ya Kijiji na Mwenyekiti wa Kitongoji katika Mamlaka za Wilaya za Mwaka 2024”, alieleza.

Aliongeza kuwa; “Rasimu ya Kanuni za Uchaguzi wa Mwenyekiti wa Mtaa na Wajumbe wa Kamati ya Mtaa katika Mamlaka za Miji za Mwaka, 2024, Rasimu ya Kanuni za Uchaguzi wa Mwenyekiti wa Kijiji, Wajumbe wa Halmashauri ya Kijiji na Mwenyekiti wa Kitongoji katika Mamlaka za Miji za Mwaka, 2024 naRasimu ya Kanuni za Uchaguzi wa Mwenyekiti wa Kitongoji katika Mamlaka za Miji Midogo za Mwaka, 2024".

Aidha Naibu huyo alisema kuwa lengo la kikao jicho ni kwa ajili ya kupitia rasimu za Kanuni zilizoandaliwa na kutoa maoni yao kwa lengo la kuboresha.

"Ni matumaini yangu kuwa kila mmoja wenu atashiriki kikamilifu na kutumia muda vizuri katika kutoa michango chanya itakayosaidia kuboresha rasimu zilizoandaliwa, Ninapenda kuwashukuru tena kwa ushirikiano wenu na kujitoa kwenu katika kutekeleza shughuli nyingine za maendeleo pamoja na kusaidia jamii,"alisema.

Kwa mujibu wa Sheria ya Serikali za Mitaa (Mamlaka za Wilaya) Sura 287 na Sheria ya Serikali za Mitaa (Mamlaka za Miji) Sura 288, uchaguzi wa viongozi wa Serikali za Mitaa hufanyika kila baada ya miaka mitano (5). Kwa kuwa uchaguzi wa mwisho ulifanyika Novemba, 2019, uchaguzi unaofuata utafanyika Novemba, 2024.

Sheria ya Serikali za Mitaa zinampa Mamlaka Waziri Mwenye Dhamana na Serikali za Mitaa kuandaa Kanuni za Uchaguzi wa Serikali za Mitaa kwa ajili ya kusimamia uchaguzi husika na Kanuni hizo zitawasilishwa kwenu kwa ajili ya kupata maoni.

Aidha, rasimu ya kanuni mtakazozipitia leo zimezingatia michango na maoni ambayo yamekuwa yakiwasilishwa na wadau mbalimbali wakiwemo viongozi wa vyama vya siasa kiwemo suala la mgombea kutopita bila kupingwa na Wakurugenzi wa Halmashauri kutosimamia uchaguzi.

"Ndugu washiriki, ninapenda kuwakumbusha kuwa, Bunge la Jamhuri ya Muungano wa Tanzania limetunga Sheria ya Tume Huru ya Taifa ya Uchaguzi ya mwaka 2024 na Sheria ya Uchaguzi wa Rais, Wabunge na Madiwani ya mwaka 2024”, alieleza.

“Aidha, Sheria ya Uchaguzi wa Rais, Wabunge na Madiwani ya mwaka 2024 imefuta sheria ya Taifa ya Uchaguzi ya mwaka 1985 na sheria ya uchaguzi wa Madiwani ya Serikali za Mitaa ya Mwaka 1976", alisema.

Alisema kuwa Marekebisho yaliyofanyika yamezingatia pia maoni ambayo yamekuwa yakitolewa na wadau ikiwemo suala la namna ya kumpata kiongozi pale anapokuwa mkombea mmoja.

"Kanuni za uchaguzi wa serikali za mitaa huandaliwa ili kukidhi matakwa ya kifungu 201A cha Sheria ya Serikali za Mitaa (Mamlaka za Wilaya) Sura 287 na kifungu 87A cha Sheria ya Serikali za Mitaa (Mamlaka za Miji) Sura 288 vinavyomtaka Waziri mwenye dhamana na serikali za mitaa kuweka utaratibu wa uchaguzi wa serikali za mitaa kupitia Kanuni, kwa kuzingatia kuwa, vyama vya siasa ni wadau muhimu katika uchaguzi wa cerikali za mitaa, maoni yenu ni muhimu ili kuboresha kanuni zilizoandaliwa", alisema.

"Aidha ushiriki wenu katika maandalizi ya kanuni hizi ni maelekezo ya Mheshimiwa Rais wa Jamhuri ya Muungano wa Tanzania, Dk. Samia Suluhu Hassan ambaye anataka uchaguzi wa Serikali za Mitaa wa Mwaka 2024 kuwa huru na haki", alifafanua.

Comments

Post a Comment

Popular posts from this blog

Balozi Mpanda ahimiza ubunifu uhifadhi wa mazingira

Image
JUVIEKA, wadau wapanda mikoko 2,540 Mtopwani NA MWANDISHI WETU JUMLA ya miche ya miti ya mikoko 2,540 imepandwa katika eneo la Mdodo madema, Shehia ya Mto wa pwani mkoa wa Kaskazini Unguja ili kutunza mazingira ya eneo hilo. Akizungumza na mwandishi wa habari hizi, Mratibu wa zoezi hilo ambaye ni kiongozi wa Jumuiya ya Vijana ya Uhifadhi wa Mazingira, Mbarouk Maalum, alieleza kuwa zoezi hilo lililofanyika jumapili iliyopita lilihudhuriwa na wanaharakati wa mazingira 117 kutoka taasisi na makundi mbali mbali ya jamii. Aliongeza kuwa miongoni mwa washiriki hao ni vikundi vitano vya wanufaika wa mpango wa MKUBA, wanachama na viongozi wa mabaraza ya vijana ya Shehia za Mtowapwani na Chutama,   wawakilishi taasisi za JUVIEKA, UNA, ZAFELA pamoja na Sheha wa Shehia hiyo na wananchi wake. Aidha maalum alieleza kuwa shughuli hiyo pia ilihudhuriwa na Balozi wa mazingira kutoka ofisi ya rais, Muungano na Mazingira ya Jamhuri ya Muungano wa Tanzania, Khadija Yussuph Mpanda ambaye pia ni mion
Read more
Image
  Skuli ya Upendo yapongezwa kutoa mwanafuzi bora kitaifa Yatoa wanafunzi watatu bora kitaifa mitihani STD 4, Veronica Mwendesha ashika nafasi ya kwanza Zanzibar NA MWINYIMVUA NZUKWI VIONGOZI wa jimbo la Bububu, wilaya ya Magharibi ‘A’, Unguja, wameeleza kuwa wataendelea kutoa kipaumbele kwa maendeleo ya jamii ikiwemo elimu ili kupata taifa linalojitegemea kwa wataalamu. Kauli hiyo imetolewa na Diwani wa wadi ya Dole, Juma Wiliam Sungwa, kwa niaba ya Mwakilishi wa jimbo hilo Mudrik Ramadhan Soraga, katika hafla ya kuwapongeza wanafunzi wa skuli ya maandalizi na msingi, Upendo iliyopo shehia ya Kizimbani Unguja, iliyotoa mwanafunzi bora kitaifa katika mitihani ya darasa la nne iliyofanyika mwaka uliopita Zanzibar. Alisema mafaniko ya skuli hiyo kutoa wanafunzi watatu katika nafasi tano za juu kitaifa katika mitihani hiyo ni ya kupongezwa na inapaswa kuungwa mkono na kila mmoja miongoni mwa wananchi wa jimbo hilo. Alifafanua kuwa licha ya kuwa skuli hiyo kumilikiwa na taasisi b
Read more

Vodacom yawapa uhakika wa matibabu mama, watoto wachanga

Image
NA MWANDISHI WETU KAMPUNI ya mawasiliano ya Vodacom imetoa zawadi ya bima kubwa ya afya kwa mama 100 na watoto wachanga 100 waliozaliwa na kulazwa katika hospitali ya rufaa ya Mnazimmoja, Zanzibar. Mama (mzazi)   Maryam Yohana Daniel (aliyeketi) akipokea bima kubwa ya afya kwa niaba ya wenzake wakati wa hafla ya ugawaji wa bima hizo kwa mama wazazi na watoto katika hospitali ya Mnazimmoja. Hatua hiyo ni sehamu ya kampeni ya kampuni hiyo ya kueneza upendo katika msimu wa sikukuu ambapo k ina mama waliojifungua kuanzia Novemba 9, mwaka huu katika hospitali hiyo watapatiwa bima ya ‘Voda Bima’. Akizungumza wakati wa hafla ya kukabidhi bima hizo, Mkuu wa Kitengo cha Habari na Mawasiliano wa Vodacom Tanzania, Annette Kanora (wa tatu kushoto), alisema hatua hiyo ni muendelezo wa mpango wa kampuni hiyo kuwashukuru wateja wake na kusaidia kupunguza changamoto zinazoikabili jamii.   Mkuu wa Kitengo cha Habari na Mawasiliano wa Vodacom Tanzania, Annette Kanora (wa tatu kushoto) pamoja na wa
Read more