Jaji Mstaafu Luanda amrithi Jaji Mlay MCT

NA MWANDISHI MAALUM

MKUTANO Mkuu wa 26 wa wanachama wa Baraza la Habari Tanzania (MCT), umemchagua Jaji Mstaafu Bernad Luanda (pichani) kuwa Rais wa baraza hilo kuziba nafasi iliyoachwa na jaji mstaafu Juxon Mlay, aliyefariki dunia mapema mwaka huu.

Akizungumza baada ya uchaguzi huo, Katibu Mtendaji wa baraza hilo, Ernest Sungura, amewashukuru wanachama walioshiriki mkutano huo na kueleza kuwa baraza limejipanga kuimarisha huduma zake kwa wananchama ikiwemo kuwanoa waandishi wa habari.

Amesema, kuanzia mwaka ujao MCT itakua inatekeleza mradi mkubwa utakaojulikana kwa jina la ‘WAJIBIKA’ambao utakuwa wa miaka saba ambapo utakuwa na thamani ya pauni milioni 30, utakaogusa kila eneo, ikiwemo kuwajengea uwezo hata waandishi wa habari mmoja mmoja, kupiti vyombo vyao.

Alieleza kuwa, jingine ambalo litafanyika mwakani, ni sherehe kubwa na za aina yake, ya mafanikio ya ‘MCT’ kwa miaka 30, tokea lilipoanzishwa mwaka 1995.

Katibu Mtendaji huyo, aliwataka wanachama wenye madeni, ambayo kwa mwaka huu yamefikia shilingi milioni 167, kulipa haraka, ili kulipa uhai baraza hilo.

‘’Wanachama ambao wana deni la kufikia miaka 10, ni wengi na ndio maana, linafikia wastani wa shilingi milioni 167, fedha ambayo ingetusaidia, katika utendaji wa kazi zetu", alifafanua.

Aidha Sungura aliwapongeza waandishi wa habari kutoka maeneo mbali mbali ya tanzania kwa kujitokeza kwa wing na kuwasilisha kazi za kutafuta mshindi wa tunzo za uhamiri wa mwandishi wa habari Tanzania ‘EJAT’, mwaka 2023/2024.

Naye Makamu wa Rais wa MCT, Yussuf Khamis Yussuf, alisema anajivunia umoja na mshikamano, uliopo baina ya wanachama na watendaji wa MCT.

Hata hivyo, alisisitiza haja kwa wanachama wenye madeni, kusawazisha, ili kuona ‘MCT’ haitegemei mno fedha za wafadhili, katika kujiendesha kwake.

Akiwasilisha ripoti ya fedha, ya mwaka 2023, CPA Happiness Nkya, alisema taasisi hiyo iliingiza kiasi cha shilingi bilioni 1.1, ambapo ni upungufu wa shilingi milioni 600, ikilinganishwa na shilingi bilioni 1.6 za mwaka 2022.

Alieleza kuwa, kati ya fedha hizo, shilingi bilioni 1.0 ni za wafadhili na shilingi milioni 38 ni michango ya ndani, ikiwemo ada ya mwanachama wa MCT.

Hata hivyo, alisema katika ukaguzi uliofanyiwa, wamepata hati safi, jambo linaloonesha kuendelea kufuatwa kwa taratibu za manunuzi na matumizi.

Baadhi ya wanachama akiwemo mwandishi Jabir Idrissa kutoka Zanzibar, alisema ujio wa baraza huru la habari la serikali, isiwe sababu ya MCT kujiondoa katika usimamizi wa weledi na ustawi wa vyombo vya habari.

‘’Hapa chakuzingatia tupate uzoefu katika baadhi ya nchi, kuona wanakwenda vipi, wanapokuwa na baraza la habari la serikali na lile binafsi kama MCT,’’alifafanua.

kwa upande wake, Mkurugenzi Mtendaji wa Muungano wa Klabu za Waandishi wa Habari Tanzania (UTPC), Keneth Simbaya, alimpongeza Katibu Mtendaji wa MCT kwa maono yake yanayoelekea kulivuusha baraza hilo.

Naye Issaya Kisibuli kutoka gazeti la Jibu la Maisha, aliomba wanachama ambao wanamadeni, kufuatiliwa kwa kina, ili waeleze sababu na misimamo yao.

Wakati huo huo, mkutano huo umewaidhinissha wanachama wapya kadhaa, ikiwemo blog ya Pemba Today, Bahari Media, Trust Media Agency, Pemba ya leo blog,  Star TV na Redio free Afrika.

 

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more