PBZ yashukuru uwepo wa sera, sheria zinazokuza sekta za fedha

 NA MWANDISHI WETU

BENKI ya watu wa Zanzibar (PBZ) imezishukuru Serikali ya Mapinduzi Zanzibar na serikali ya Jamhuri ya Muungano kwa kuweka mazingira wezeshi yanayokuza biashara na kuimarisha sekta za fedha nchini.

RAIS wa Zanzibar na Mwenyekiti wa Baraza la Mapinduzi, Dk. Hussein Ali Mwinyi (wa tatu kulia) akipokea zawadi maalum kutoka kwa Mkurugenzi Mwendeshaji wa Benki ya Watu wa Zanzibar (PBZ), Arafat Haji wakati wa  hafla ya ufunguzi wa tawi jipya la benki hiyo wilayani Nyamagana mkoani Mwanza. 

Kauli hiyo imetolewa na Mkurugenzi Mwendeshaji wa benki hiyo, Arafat Haji Ali, wakati wa uzinduzi wa tawi la benki hiyo wilayani Nyamagana, mkoani Mwanza uliofanywa na Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi.

Arafat alieleza kuwa jitihada zinazofanywa na Rais Dk. Mwinyi na Dk. Samia Suluhu Hassan, Rais wa Jamhuri ya Muungano wa Tanzania, za kubuni miongozo na sera zinazoimarisha ukuaji wa uchumi na kuchochea mafanikio ya taasisi za kifedha.

Alieleza kuwa PBZ ni benki ya saba kwa ukubwa kwa kuwa na rasilimali zaidi ya shilingi trilioni 2.3, inaendelea kutanua mtandao wake wa matawi ambapo kwa mwaka huu pekee imeweza kufikia mikoa mitatu mipya ya Morogoro, Mbeya na Mwanza.

Aliongeza kuwa katika kutekeleza mpango kazi wa benki hiyo wanatarajia kufungua matawi mengine katika mikoa ya Arusha, Tanga na mengine ya tanzania bara huku akibainisha kuwa mpaka sasa, huduma za benki hiyo zinapatikana maeneo yote kupitia kadi za VISA, Kadi za Umoja Switch, mawakala, simu za mkononi na mtandaoni kupitia ‘internet banking’.

Arafat alisema tawi hilo litawasaidia kwa kiasi kikubwa wananchi wa mkoa huo kupitia unafuu na ubora wa huduma za benki hiyo sambamba na fursa mbali mbali za uwezeshwaji na mikopo kwa makundi yote wakiwemo wakulima, wafugaji, wajasiriamali, wafanyabiashara, na wafanyakazi wote wa umma na binafsi.

Akizungumza katika hafla hiyo, Rais Dk. Mwinyi, alipongeza uamuzi wa benki hiyo kufungua matawi maeneo mbali mbali ndani ya Jamhuri ya Muungano wa Tanzania kwani kufanya hivyo kunaongeza biashaba na kuwafikishia huduma wateja wake.

“Kuwepo kwenu hapa (Mwanza) sio tu kutaongeza fursa za kiuchumi kwa wananchi wa mkoa huu na mengine ya jirani bali kutapanua wigo wa biashara za kibenki kupitia mikopo na huduma nyengine zinazotolewa na benki hii”, alieleza Dk. Mwinyi.

Aidha aliwahimiza wananchi wa Mwanza na Kanda ya Ziwa kwa ujumla kuitumia vyema benki hiyo huku akiipongeza menejimenti na watendaji wa benki hiyo kwa kuendele na jitihada za kujitanua katika mikoa mbalimbali Tanzania bara ikiwa ni sehemu ya mkakati wake wa kutekeleza kwa vitendo dhamira ya serikali ya kuwaunganisha wananchi wa pande zote mbili za muungano kiuchumi.

Hafla ya uzinduzi wa tawi hilo lililopo wilayani Nyamagana mkoni Mwanza, ulihudhuriwa na viongozi mbali mbali waandamizi kutoka Tanzania bara na Zanzibar akiwemo Mke wa Dk. Mwinyi, mama Mariam Mwinyi, Waziri wa Fedha wa Serikali ya Jamhuri ya Muungano wa Tanzania, Dk. Mwigulu Lameck Nchemba na Waziri wa Nchi, Afisi ya Rais, Fedha na Mipango Zanzibar, Dk. Saada Mkuya Salum.

Wengine ni Waziri wa Nchi, Afisi ya Rais Ikulu, Zanzibar, Ally Suleiman Ameir, Mwenyekiti wa Kamati ya Bajeti ya Baraza la Wawakilishi, Mwanaasha Khamis Juma, Mkuu wa wilaya ya Nyamagana, Amina Nassoro Makilagi huku Mwenyekiti wa Bodi ya Wakurugenzi ya PBZ, Joseph Abdalla Meza aliwaongoza wafanyakazi wa benki hiyo katika hafla hiyo.

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more