Takukuru kuongoza vita dhidi ya rushwa SADC

NA MWANDISHI MAALUM, LUSAKA – ZAMBIA

TANZANIA kupitia Taasisi ya Kuzuia na Kupambana na Rushwa (TAKUKURU), imechukua uongozi wa taasisi za mapambano dhidi ya rushwa katika ukanda wa Kusini mwa Afrika (SADC) ikiwa ni mara ya pili kushika nafasi hiyo.

Katika hotuba yake ya uzinduzi wa  mkutano wa mwaka wa Wakuu wa Mamlaka za Kupambana na Rushwa kwa nchi za SADC, Mkurugenzi Mkuu wa TAKUKURU, Crispin Francis Chalalima (pichani), ambaye pia ni Mwenyekiti mpya wa kamati ya SADC ya kupambana na rushwa (SACC), ametahadharisha kuhusu hatari ya rushwa kwenye utoaji wa misaada wakati wa dharura.

Chalamila ameeleza kuwa majanga ya dharura kama vile mlipuko wa magonjwa na athari za mabadiliko ya tabia nchi yanaweza kufungua milango ya rushwa katika hatua mbalimbali za ugawaji misaada, ikiwa ni pamoja na udanganyifu, ubadhirifu wa mali, na ukiukwaji wa maadili ya ununuzi.

“Mchakato wa utoaji misaada upo katika hatari kubwa ya kudhibitiwa na rushwa kwa sababu ya haraka na udharura wa hali zinazokuwepo,” amesema Chalamila.

Aliongeza kuwa pia kunaweza kutokea matumizi mabaya ya ngono (sextortion) kama mojawapo ya aina za rushwa zinazoweza kutokea katika kipindi hicho.

Mkutano huo, ukiwa na kaulimbiu isemayo ‘Kuimarisha mapambano dhidi ya rushwa katika usimamizi wa majanga na huduma za magereza katika ukanda wa SADC’, umeangazia changamoto zinazoikabili nchi wanachama wa SADC katika kukabiliana na rushwa wakati wa kushughulikia dharura.

Hivyo Chalamila alisisitiza umuhimu wa kuwepo kwa mikakati imara ya kanda hiyo ili kuhakikisha misaada inawafikia kwa walengwa kwa uadilifu na uwazi.

Aidha Chalamila alimpongeza Mwenyekiti aliyemaliza muda wake, Monica Chipanta Mwansa wa Zambia, kwa uongozi imara katika kutekeleza mpango mkakati wa SADC wa kupambana na rushwa wa mwaka 2023 - 2027, ambao umejikita katika kuimarisha ushirikiano wa kikanda na kuongeza uwajibikaji katika usimamizi wa misaada na majanga.

Mkutano huo wa siku tatu, uliofanyika jijini Lusaka, ulihudhuriwa na wawakilishi kutoka nchi 14 wanachama wa SADC huku Tanzania ikiongoza mapambano hayo kwa mara ya pili baada ya kuwa Mwenyekiti mwaka 2017/2018.

TAKUKURU inatarajiwa kuendelea na juhudi hizi kwa mwaka wa 2024/2025, ikiwa mstari wa mbele katika kuhakikisha ukanda wa SADC unakuwa na mazingira salama na huru dhidi ya vitendo vya rushwa.

 


Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more