Dk. Samia ataka waumini kutumia nyumba za ibada kujijenga kiimani

RAIS wa Jamhuri ya Muungano wa Tanzania, Dk. Samia Suluhu Hassan, amewataka waumini wa madhehebu mbali mbali nchini kuhakikisha wanatumia nyumba za ibada kwa ajili ya kujijenga kiimani badala ya kugeuza kuwa maeneo ya kufanya vurugu na kusababisha uvunjifu wa amani.

Dk. Samia aliwataka wazazi hususani wanawake kuhakikisha wanatenga muda kwa ajili ya malezi ya watoto wao kwani kwa sasa watoto wengi wamekuwa wakiharibika kutokana na kutokuwa naa malezi mema.

Alisema hayo jana mjini Morogoro wakati wa uwekaji wa jiwe la msingi wa msikiti wa Alghaith inayosimamiwa na taasisi ya The Islamic Foundation.

Alisema nyumba hizo za ibara ni vyema zikatumika kuunganisha kamba ya waumini na sio kukata kamba hiyo inayounganishwa na Mungu halafu wakajiita ni viongozi wa dini huku wakisababisha mifarakano kwa waumini wao na kuwataka kutofikia huko na kwamba binadamu huwa wanatofautiana.

Aidha alizungumzia suala la malezi ya watoto aliwataka wazazi hususani akima mama kuhakikisha wanatenga muda wa kutosha kwa ajili ya malezi ya watoto badala ya kutegemea wababa ambao ndio wamekuwa wakiogopwa na watoto kwa sasa.

Alisisitiza akina mama hao kukaza kamba katika suala zima la malezi yanayofaa ambayo yanakwenda sambamba na imani kwa kusimamia misingi ya malezi bora.

Alisema pamoja na ujenzi wa Misiki kuendelea ni vyema yakajengwa pia Madrasa za kutosha zitakazosaidia kutoa elimu kwa watoto ili kuwa na jamii yenye maadili mema na kumjua Mungu.

Akatoa rai kwa raasisi hiyo kuendelea kutoa michango yake kwenye jamii husussani kwenye sekta za afya, elimu na maji na ni sadaka nzurim ambapo alisema maji ni uhai na binadamu anahitaji afya njema hivyo vitu hivyo ni muhimu kwa jamii.


Kwa upande wake, waziri wa Mambo ya Ndani ya Nchi, Hamad Masauni, alisema pamoja na serikali kusimamia vyombo vya ulinzi na usalama katika suala zima la kulinda amani na utulivu lakini pia taasisi za dini zina mchango mkubwa katika kulinda amani na utulivu wa nchni hiyo.

Masauni alisema baadhi ya wanasiasa wamekuwa wakitumia kipindi hiki cha uchaguzi kushawishi wananchi kujiingiza katika vurugu na kupelekea uvunjifu wa amani ambapo aliwataka kujiepusha na hali hiyo ili kuendelea kufaidi matunda ya nchi.

Rais wa Taasisi ya The Islamic Foundation, Arif Nahad awali akizungumza wakati wa uwekaji huo wa jiwe la msingi alisema mradi huo ulianza ujenzi wake mwaka 2021 na mpaka sasa umefikia asilimia 80 ambapo mkapa kukamilika kwake itaghalimu kiasi cha shilingi bilioni 7.

Nahad alisema kukamilika kwa mradi huu wa msikiti utaweza kuhudumia waumini wapatao elfu tatu kwa wakati mmoja na kwamba msikiti huo utakuwa na huduma mbalimbali ikiwemo ya kuhifadhia na kuosha maiti, maktaba ya kisasa, nyumba za kupumzikia mashehe na madrasa.

Aidha Nahad alisema mpaka sasa Taasisi imefanikiwa kujenga Misikiti zaidi ya 1,600 maeneo mbalimbali nchini kwa bara na Visiwani, ambapo misikiti hiyo ina madrasa zenye wanafunzi takribani elfu themanini (80,000).

Pia alisema taasisi hutoa huduma ya maji safi na salama kwa jamii kwa kuchimba visima virefu na vifupi ambapo kwa sasa taasisi imefanikiwa kuchimba visima zaidi ya 3,000 kwenye maeneo mbalimbali Tanzania bara na Visiwani.

 Akizungumzia sula la malezi Nahad alisema wazazi wa sasa wanatakiwa kubadilika kwa kufuata maadili, na kwamba nyumba za ibada itasaidia kwa kiasi kikubwa watoto kubadilika kwa kuwafundisha maadili mema.

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more