Nsokolo ajiuzulu urais UTPC

NA MWANDISHI WETU

RAIS wa Muungano wa klabu za waandishi wa Habari Tanzania (UTPC),  Deogratius Nsokolo (pichani) amejiuzulu wadhifa huo kufuatia kupata uteuzi wa kutumikia taasisi nyengine ya kisiasa hivi karibuni.

Nsokolo aliyekuwa akikamilisha kipindi cha pili cha uongozi wake katika nafasi hiyo, alifikia uamuzi huo Novemba 10, mwaka huu na kwamba Makamu wake, Pendo Mwakyembe atakaimu nafasi ya Rais hadi utakapofanyika uchaguzi mkuu wa taasisi hiyo inayoundwa na klabu 28 za waandishi wa habari nchini.

Taarifa iliyotolewa kwa viongozi wa klabu za wanahabari Mkurugenzi Mtendaji wa UTPC, Keneth Simbaya hivi karibuni na, ilithibitisha kupokea barua ya kujiuzulu kwa kiongozi huyo ambaye pia ni Mwenyekiti wa Klabu ya waandishi wa Habari Kigoma na mwandishi wa kituo cha televisheni ya ITV mkoani humo.

Kaimu Rais wa UTPC, Pendo Mwakyembe

“Napenda kuwafahamisha kuwa tumepokea rasmi barua ya kujiuzulu kwa Rais wa UTPC, Deogratius Nsokolo tarehe 10 Novemba, 2024 baada ya kupata uteuzi na wadhifa ambao kuendelea na kazi yake ya Urais kungekinzana na katiba ya UTPC”, ilieleza taarifa ya Simbaya.

Aidha aliwaomba viongozi wa klabu kuelekeza mambo yote kwa Kaimu Rais wa UTPC, Pendo Mwakyembe, huku akimshukuru na kumpongeza Nsokolo kwa uteuzi na uamuzi wake wa  kuheshimu katiba ya UTPC jambo linaloonesha ukomavu katika uongozi. 

Vile vile Simbaya aliwaomba viongozi, wanachama na wanahabari nchini kumtakia kheri kiongozi huyo aliyekuwa akikamilisha kipindi cha pili cha urais wa UTPC katika majukumu na wadhifa wake mpya. 

Akizungumza na mwandishi wa habari hizi, Nsokolo aliwashukuru wanachama na viongozi wa klabu za waandishi wa habari kwa ushirikiano waliompa katika kuiongoza taasisi hiyo na kuahidi kuendelea kutambua mchango wao uliochangia kupata uteuzi huo.

Nsokolo ambaye Novemba 1 na 2, mwaka huu aliongoza mkutano mkuu wa UTPC ulioambatana na maadhimisho ya siku ya kumaliza madhila (uhalifu) kwa waandishi wa habari duniani na tunzo za uadilifu kwa waandishi wa habari wanawake na wanaume matukio yaliyofanyika mkoani Singida, ameteuliwa kuwa Katibu wa Idara ya Siasa na Uenezi ya Chama Cha Mapinduzi (CCM), mkoa wa Kigoma.

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more