Programu ya IMASA kuwanufaisha wananchi, wajasiriamali wadogo – Ayoub

NA MWANDISHI MAALUM

MKUU wa Mkoa wa Kusini Unguja, Ayoub Mohammed Mahmoud, amesema programu ya Imarisha Uchumi na Mama Samia (IMASA) ina manufaa makubwa katika kuimarisha uchumi wananchi wa Zanzibar  wenye kipato cha chini na kujikimboa na umasikini.

MKUU wa Mkoa wa Kusini Unguja, Ayoub Mohammed Mahmoud, akifungua programu ya Imarisha Uchumi na Mama Samia (IMASA) mkoani humo katika ukumbi wa Dk. Ali Mohamed Shein Tunguu. Programu hiyo inasimamiwa na Baraza la Uwezeshaji Tanzania (NEEC) kwa kushirikiana na Wakala wa Uwezeshaji Wananchi Kiuchumi Zanzibar (ZEEA).

Kauli hiyo aliitoa wakati akifungua mkutano wa programu hiyo ambayo imezinduliwa kwa mara ya kwanza Zanzibar  kwa wajasirimali wa mkoa wa kusini Unguja hafla iliyofanyika katika ukumbi wa Dk. Ali Mohammed Shein, Tunguu Zanzibar.

Alisema kwa muda mrefu wananchi wamekuwa wakipata uwezeshaji kwa miundombinu mbalimbali ikiwemo ujenzi wa barabara, afya, Maji na miundombinu nyengine lakini dhamira ya Dk. Samia na Dk. Hussein Ali Mwinyi  ni kuwanufaisha wananchi wenye kipato cha chini kiuchumi na kuondokana na umasikini.

Aidha alisema wananchi wa mkoa wa Kusini wanafarajika kupewa heshima hiyo kwani programu hiyo ni  dhamira njema ya Rais Samia ambae anatoka katika mkoa huo  kuwawezesha kiuchumi kwa kuweza kujiajiri na kuajiri wengine.

Ayoub alibainisha kuwa mchakato wa uwezeshaji kupitia IMASA ni muhimu hivyo aliwasisitiza wanakusini wasichezee fursa hiyo  bali ni kuitunza na kuidumusha kwa kumuunga mkono Dk. Samia kwa hali na mali ili waendeleee kupata fursa hizo na nyengine kwa ujumla.

BAADHI ya watendaji kutoka ZEEA na taasisi za serikali, wakifuatilia ufunguzi wa programu ya Imarisha Uchumi na Mama Samia (IMASA) kwa mkoa wa Kusini Unguja.

Alisema kwa mkoa huo programu hiyo itahusisha watu 700 watakaopunguza changamoto ya maisha kwa watu zaidi ya 30,000 kwa Zanzibar  kwani hiyo ni dhamira njema ya Rais kwa wananchi wake.

Hivyo, aliyaomba makundi yaliyochaguliwa katika program hiyo wakiwemo wanawake, wazee, vijana na watu wenye ulemavu kutumia fursa hiyo kwani ndio makundi yanayoongoza katika umasikini.

Naye Katibu Mtendaji Baraza la Taifa la Uwezeshaji Wananchi Kiuchumi (NEEC), Beng'i Issa,  akitanbulisha programu hiyo alisema Dk. Samia anakusudia kuwakomboa kiuchumi wananchi kupitia  programu hiyo iliyolenga kuwatoa walipo wajasirimali na kupata mafanikio zaidi.

Alisema programu hiyo imelenga kunufaisha makundi ya wanawake, vijana wazee na watu wenye ulemavu hivyo mtu shughuli yake anayoifanya ni lazima kufanya kwa weledi.

Hata hivyo alisema pia watasajiliwa kupitia simu zao za mkononi kwa kutumia simu janja na wale ambao hawana simu Basi pia watajisajili kuingia katika program hiyo ya IMASA.

Akizungumza mpango wa kuwawezesha wananchi, Mkurugenzi wa Wakala wa UwezeshajiWananchi Kiuchumi (ZEEA), Juma Burhan, alisema ZEEA inajukumu la kuwawezesha wananchi katika idara ya mikopo na uwezeshaji, mafunzo na masoko na idara ya viwanda.

Alisema mkoa huo bado upo nyuma katika kuomba mikopo kwani wameshatoa shilingi bilioni 33 lakini mkoa huo umepokea bilioni 1.2 na wakala huo una mikopo ya aina tatu ukiwemo wa programu ya Inuka unaotoa shilingi milioni 2 hadi milioni 50 kupitia benki ya CRDB.

“Pia kuna programu ya makundi maalum FF2 kupitia fedha za halmashauri asilimia 10 na program milioni 2 hadi 30 kupitia benki ya TCB ambao tayari wameshapatiwa bilioni 1.8 na programu ya wajasiriamali wadogo, wadogo wadogo na wakati kutoka  milioni 2 hadi milioni 200 kupitia Abudhabi Fabdi”, alieleza mkurugenzi huyo.


Aliyekuwa Mkuu wa Mkoa wa Kaskazini Unguja, Rashid Hadidi Rashid, (katikati), akiwa pamoja na Katibu Mtendaji Baraza la Taifa la Uwezeshaji Wananchi Kiuchumi (NEEC), Beng'i Issa (wa pili kushoto),  Mshauri wa Rais Samia Suluhu Hassan masuala ya jinsia, Sofia Mjema (wa pili kulia), aliyekuwa mkuu wa wilaya ya Kaskazini 'A', Othman Maulid (kulia) na Mkurugenzi wa ZEEA, Juma Burhan baada ya kufunguliwa kwa programu ya Imarisha Uchumi na Mama Samia (IMASA) katika mkoa wa Kaskazini Unguja.

Hata hivyo alisema mwaka uliopita ZEA ilipatiwa shilingi bilioni 15 na tayari zimeshafikia bilioni 33 ambapo katika bajeti ya mwaka huu imepewa shilingi bilioni 41.6 hivyo hakuna sababu ya wajasirimali kukosa mikopo hiyo ambayo haina riba.

Alisema hizo ni fursa zinazotolewa na SMT na SMZ kupitia viongozi wakuu wa nchi kwa nia zao safi za kuwasaidia wananchi kukua kimaendeleo ambapo mikopo hiyo ipo kwa ajili yao na hakuna sababu ya kuikosa hivyo ni vyema kuzikimbilia fedha hizo ili waweze kuinuka kiuchumi kwa kufuata sheria na muongozo ya kupata mikopo hiyo.

Hivyo aliwaomba kuwashajihisha wengine kuingia katika mfumo huo na wakala utahakikisha unaendelea kuwasajili watu ili kuweza kuwaambua na biashara zao wanazozifanya kwani unasiriamali inaweza kumuinua mtu kiuchumi.

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more