SMZ yawaita vijana kushiriki kilimo

NA MWANDISHI WETU

SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii.

Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja.

Shamata alieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo.

Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani.

“Hatua hii si tu inalenga kupunguza wimbi la ukosefu wa ajira kwa vijana wetu bali pia kuongeza nguvu kazi kwenye uzalishaji wa chakula ili kupunguza uagizaji wa bidhaa za chakula toka nje ya nchi”, alieleza Shamata.

Aidha alipongeza ufadhili unaotolewa na Serikali ya Watu wa Marekani na ya Jamhuri ya Watu wa Korea Kusini ambao umeimarisha uzalishaji wa mazao na kuboresha maisha ya wakulima wa Zanzibar kupitia teknolojia na mafunzo ya kisasa.

"Tunaamini kuwa ushirikiano huu utasaidia Zanzibar kufikia malengo yake ya maendeleo endelevu katika sekta ya kilimo na kuwawezesha wakulima kuongeza uzalishaji kwa njia rafiki kwa mazingira", alisema Shamata.

Kwa upande wake Balozi wa Marekani nchini Tanzania, Michael Battle, alipongeza juhudi zinazochukuliwa na serikali za Tanzania katika kuimarisha uzalishaji na upatikanaji wa chakula jambo linaloihakikishia nchi usalama na kuimarika kiuchumi.

Alieleza kuwa kupitia mradi wa Feed the Future; Imarisha sekta binafsi na Kilimo tija, inayotekelezwa na Shirika la Misaada ya Maendeleo Kimataifa (USAID), Marekani itaendelea kutoa usaidizi kwa makundi ya vijana na wanawake ili kujiimarisha kwa kulima kisasa na kuongeza thamani ya kilimo.

Alieleza kuwa miradi hiyo inakuza ushirikiano wa kibunifu kati ya sekta ya umma na sekta binafsi na kuimarisha uhusiano na sekta binafsi jambo linalopelekea wanawake na vijana tayari kuzalisha mwaka mzima.

“Chini ya mipango ya kilimo cha mkataba na hoteli za ndani za Zanzibar, wanawake na vijana hawa wanaongeza mapato yao kwa kiasi kikubwa huku wakionesha nguvu ya umwagiliaji bora ili kubadilisha kilimo Zanzibar”, alieleza Balozi Battle.

Naye Balozi wa Korea Kusini nchini Tanzania, Eunju Ahn, alisema kuwa mradi wa kilimo cha umwagiliaji visiwani Zanzibar, ulioanzishwa mwaka 2019 umeongeza eneo la kilimo na kuwa nguzo muhimu katika kuinua sekta ya kilimo.

Alieleza kuwa mradi huo ni sehemu ya jitihada za Korea Kusini kusaidia maendeleo ya kilimo zajnzibar unaohusisha mabonde ya  Kinyasini, Cheju, Kibokwa, Kilombero, na Chaani.

"Tangu mwaka 2019, mradi huu umeboresha kilimo cha umwagiliaji kupitia ujenzi wa miundombinu ya umwagiliaji yenye jumla ya kilomita 104 kwa kila eneo na kufadhili takribani dola milionI 4 za kimarekani," alisema Balozi Eunju.

Aidha Balozi Ahn alisisitiza dhamira ya nchi kuendelea kushirikiana na serikali ya Zanzibar na marekani kupitia mradi wa Feed the Future Tazanzia kuimarisha sekta binafsi na kuhakikisha kilimo kinakuwa msingi wa maendeleo endelevu ya nchi na watu wake.











Comments

Post a Comment

Popular posts from this blog

Image
  Skuli ya Upendo yapongezwa kutoa mwanafuzi bora kitaifa Yatoa wanafunzi watatu bora kitaifa mitihani STD 4, Veronica Mwendesha ashika nafasi ya kwanza Zanzibar NA MWINYIMVUA NZUKWI VIONGOZI wa jimbo la Bububu, wilaya ya Magharibi ‘A’, Unguja, wameeleza kuwa wataendelea kutoa kipaumbele kwa maendeleo ya jamii ikiwemo elimu ili kupata taifa linalojitegemea kwa wataalamu. Kauli hiyo imetolewa na Diwani wa wadi ya Dole, Juma Wiliam Sungwa, kwa niaba ya Mwakilishi wa jimbo hilo Mudrik Ramadhan Soraga, katika hafla ya kuwapongeza wanafunzi wa skuli ya maandalizi na msingi, Upendo iliyopo shehia ya Kizimbani Unguja, iliyotoa mwanafunzi bora kitaifa katika mitihani ya darasa la nne iliyofanyika mwaka uliopita Zanzibar. Alisema mafaniko ya skuli hiyo kutoa wanafunzi watatu katika nafasi tano za juu kitaifa katika mitihani hiyo ni ya kupongezwa na inapaswa kuungwa mkono na kila mmoja miongoni mwa wananchi wa jimbo hilo. Alifafanua kuwa licha ya kuwa skuli hiyo kumilikiwa na ...
Read more

Balozi Mpanda ahimiza ubunifu uhifadhi wa mazingira

Image
JUVIEKA, wadau wapanda mikoko 2,540 Mtopwani NA MWANDISHI WETU JUMLA ya miche ya miti ya mikoko 2,540 imepandwa katika eneo la Mdodo madema, Shehia ya Mto wa pwani mkoa wa Kaskazini Unguja ili kutunza mazingira ya eneo hilo. Akizungumza na mwandishi wa habari hizi, Mratibu wa zoezi hilo ambaye ni kiongozi wa Jumuiya ya Vijana ya Uhifadhi wa Mazingira, Mbarouk Maalum, alieleza kuwa zoezi hilo lililofanyika jumapili iliyopita lilihudhuriwa na wanaharakati wa mazingira 117 kutoka taasisi na makundi mbali mbali ya jamii. Aliongeza kuwa miongoni mwa washiriki hao ni vikundi vitano vya wanufaika wa mpango wa MKUBA, wanachama na viongozi wa mabaraza ya vijana ya Shehia za Mtowapwani na Chutama,   wawakilishi taasisi za JUVIEKA, UNA, ZAFELA pamoja na Sheha wa Shehia hiyo na wananchi wake. Aidha maalum alieleza kuwa shughuli hiyo pia ilihudhuriwa na Balozi wa mazingira kutoka ofisi ya rais, Muungano na Mazingira ya Jamhuri ya Muungano wa Tanzania, Khadija Yussuph Mpanda ambaye pia ni ...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more