Watoa huduma 100, wanafunzi 500 wa Muhimbili wapatiwa chanjo homa ya ini

#KaziInaongea

SERIKALI ya Awamu ya Sita, chini ya uongozi wa Rais, Dk. Samia Suluhu Hassan, kupitia Hospitali ya Taifa ya Muhimbili, hivi karibuni imefanya vipimo na kutoa chanjo ya Homa ya Ini kwa watoa huduma za afya 100 wa Kitengo cha dharura Hospitali ya Taifa Muhimbili na
wanafunzi 500 wa Chuo cha Sayansi Muhimbili (MUHAS).

Mkurugenzi Mtendaji wa Hospitali ya Taifa Muhimbili (MNH), Prof. Mohamed Janabi, amesema kuwa, Muhimbili kwa kushirikiana na Chuo Kikuu cha Afya na Sayansi Shirikishi Muhimbili (MUHAS), wamezindua mpango wa kuwapatia chanjo dhidi ya Virusi vinavyosababisha Homa ya Ini (Hepatitis B Vaccine) kwa wafanyakazi hao na wanafunzi Chuo Kikuu cha Afya cha Muhimbili (MUHAS).

“Leo nimeshiriki uzinduzi wa zoezi la upimaji na chanjo ya homa ya Ini kwa watoa huduma za afya kitengo cha dharura Hospitali ya Taifa Muhimbili na wanafunzi wa Chuo cha Sayansi Muhimbili”, amesema Prof. Janabi.

Amefafanua kuwa, chanjo hii ni muhimu sana kwa watoa huduma za afya ambao wako kwenye hatari mara 10 zaidi ya kupata maambukizi ya Homa ya Ini ikilinganishwa na watu wa kawaida.

Kwa mujibu wa WHO, mwaka 2022, zaidi ya watu Milioni 254 walikuwa wakiishi na maambukizi sugu ya Homa ya Ini, na zaidi ya watu Milioni moja walifariki kutokana na magonjwa yanayohusiana nayo kama saratani ya ini.

Aidha Dk. Janabi amewasihi wananchi kuchukua hatua sasa ya kujikinga na ugonjwa huo kwa kupata chanjo, ambayo ni salama, bora na rahisi kupatikana.

 

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more