Mama Mariam aelezea utekelezaji maazimio ya Beijing



 MKE wa Rais wa Zanzibar, Msarifu na Mwenyekiti wa Bodi ya wadhamini ya Taasisi ya Zanzibar Maisha Bora Foundation (ZMBF), Mama Mariam Mwinyi, jana amehutubia kikao cha ‘Building on Beijing’ na kuelezea mafanikio yaliyopatikana katika sekta za elimu, afya, mageuzi ya sheria, uwezeshaji wa kiuchumi na maamuzi nchini Tanzania na Zanzibar katika kipindi cha miaka 30 ya maazimio hayo.

Mama Mariam alieleza hayo katika siku ya pili ya muendelezo wa mkutano ulioandaliwa na Taasisi ya Maendeleo ya Wake wa Marais wa Afrika (OAFLAD) ukumbi wa Umoja wa Afrika , Addis Ababa, Ethiopia.

Alieleza kuwa chini ya uongozi wake,  taasisi ya Zanzibar Maisha Bora Foundation (ZMBF) inaendelea kutekeleza ahadi za tamko la Beijing, ikiwawezesha zaidi ya wakulima wa mwani 1,690, kwa lengo la kufikia 5,000 ifikapo mwaka 2030.


Katika sekta ya afya ya uzazi alieleza wasichana 8,600 wamenufaika msaada wa taula za kufua, kupunguza uhaba wa taulo za hedhi na utoro shuleni huku taasisi hiyo ikifikia wanufaika zaidi ya 17,200 katika eneo la kuzuia utapiamlo, vifo vya akina mama na magonjwa yasiyoambukiza (NCDs).

Vilevile, alieleza kuwa mfumo wa Usimamizi wa Kesi za udhalilishaji (GBV) Zanzibar unaleta mabadiliko makubwa katika ufuatiliaji na usimamizi wa kesi za ukatili wa kijinsia. 

Kwa upande mwingine Mama Mariam alieleza kuwa anaendelea kujitoa kuimarisha uongozi wa wanawake, kulinda urithi wa kiafrika na kusukuma mbele maendeleo endelevu.

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more