Maonesho ya magari yalivyovutia wadau Dom

NA MWANDISHI WETU, DODOMA

MAONESHO ya magari chapa ya Isuzu yaliyoandaliwa na kampuni ya Al Mansour Auto EA Tanzania, yamemalizika huku wadau wakiwemo Wabunge wakisema kufanyika kwake kumewaongezea uelewa kukabili changamoto za usafiri.

MBUNGE wa Kahama Mjini, Jumanne Kishimba (kushoto) akimsikiliza Ofisa Mauzo Mwandamizi wa kampuni ya Al Mansour Auto EA Tanzania inayouza na kusambazaji magari aina ya ISUZU nchini, Filbert Massawe, alipotembelea maonesho ya magari yaliyomAlizika mwishoni mwa wiki jijini Dodoma.

Akizungumza maonesho hayo yaliyokuwa yakifanyika katika viunga vya Akachube Plaza, jijini Dodoma, Meneja Mkuu wa kampuni hiyo, Anurup Chatterjee, alieleza kuwa yalikuwa na mafanikio makubwa huku yakionesha kuwavutia na wadau wa sekta ya uchukuzi nchini.

Alisisitiza kuwa umuhimu wa maonesho hayo unatokana na kuangazia teknolojia za kisasa za usafiri wa magari ya Isuzu pamoja na kujenga uelewa wa washiriki kuhusu bidhaa mpya zilizoandaliwa kukidhi mahitaji tofauti ya usafiri nchini.



“Katika siku hizo tatu, tulifurahi kuonesha magari ambayo sio tu yana nguvu na kuaminika bali pia yametengenezwa kwa kuzingatia mahitaji ya watumiaji kutoka sekta mbali mbali”, alieleza Chatterjee.

Aliongeza kuwa maonesho hayo yalikuwa jukwaa muhimu kwa taasisi za serikali, wawakilishi wa kampuni za usafirishaji na wateja binafsi kuchunguza suluhisho za kisasa za magari zinazokusudia kubadilisha mazingira ya usafiri na usafirishaji.

Aidha Chatterjee alizishukuru mamlaka za serikali na uongozi wa Bunge la Jamhuri ya Muungano wa Tanzania kwa kupokea onesho hilo lililohusisha aina zote za magari chapa ya Isuzu.

"Tunamshukuru sana Spika wa Bunge kwa kuhamasisha wabunge watembelee maonesho haya yaliyokuwa na magari kuanzia malori, mabasi makubwa hadi magari madogo (SUV) na pick-up ikiwa ni pamoja na modeli za Isuzu D-MAX zilizoongeza mvuto wa tukio hilo”, alieleza Chatterjee.

Aliongeza kuwa kupitia tukio hilo, walipata fursa ya kuona jinsi magari hayo yalivyoundwa mahsusi kwa ajili ya maendeleo ya miundombinu ya umma, usafiri wa kilimo, operesheni za usalama na huduma muhimu katika sekta ya afya na elimu.

Maonesho hayo yalivuta umakini kutoka kwa baadhi ya Wabunge na viongozi waandamizi wa mashirikia na taasisi za serikali akiwemo  Mbunge wa Kahama Mjini, Jumanne Kishimba, aliyeonesha kuvutiwa na tukio hilo na kueleza kuwa maonessho hayo ni fursa muhimu kwa wadau wa usafiri na usafirishaji.

“Maonesho haya yamefungua macho yetu juu ya teknolojia za kisasa zinazopatikana katika sekta ya usafiri. Ninawashukuru waandaaji kwa kuonesha kujitolea kwa Isuzu katika kuipatia jamii magari bora na uaminifu unaoendana na dhamira yetu”, alieleza Kishimba.

Aidha aliishauri serikali katika kuboresha usafiri wa umma na kuendeleza miundombinu nchini kote kutumia kampuni hiyo ili kupunguza gharama wanapotafuta Suluhu za usafirishaji kwa taasisi zake.

Naye mdau wa sekta ya utalii jijini Dodoma, Elibariki Lekule (pichani kushoto), alisema, maonesho haya yamekidhi matarajio yake kwa kuwa kulikuwa na matoleo tofauti ya gari za ISUZU lilitoa fursa ya kufanya uchaguzi bora kulingana na mahitaji ya kibiashara na hivyo kuhakikisha utoaji wa huduma bora kwa wateja wao.

Naye, Meneja Mauzo na Masoko ya Nje Isuzu Afrika Mashariki, Bi. Sandra Njagi, pia alitoa shukurani zake za dhati kwa serikali ya Tanzania kwa ushirikiano thabiti kwa magari ya ISUZU. “Tumejizatiti kuandaa maonyesho kama haya mara kwa mara ili kuimarisha uhusiano na washirika wetu wa serikali na kudumisha mazungumzo ya wazi kuhusu kuendeleza sekta ya usafiri nchini Tanzania.”


Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more