PUMA ENERGY YAJIDHATITI KUFANYA KAZI NA WADAU SEKTA YA ANGA ZANZIBAR

NA MWANDISHI WETU

KAMPUNI ya Puma Energy Tanzania  imeeleza kuwa itandelea kufanya kazi kwa karibu na wadau wa sekta ya usafirishaji wa anga ili kukuza kasi ya biashara na uchumi wa Zanzibar.

Mkurugenzi Mtendaji wa kampuni hiyo, Fatma Abdallah, amesema hayo wakati wa futari maalum iliyowakutanisha viongozi wa dini, serikali na wadau wakuu wa sekta ya nga katika jioni ya shukrani, mshikamano na tafakari katika mwezi mtukufu wa Ramadhani iiyofanyika hoteli ya Golden Tulip, Uwanja wa ndege, Zanzibar.

Ameeleza kuwa lengo la futari hiyo ni kuimarisha umoja kwani ushirikiano uliopo sasa umesaidia kufanikisha biashara ya kampuni hiyo Zanzibar.

"Kama yalivyo matumaini ya Serikali ya Mapinduzi Zanzibar pia nasi tuna matarajio makubwa ya kutanua huduma muhimu zitakazowafikia wananchi kupitia miradi ya uwekezaji inayoanzishwa nchini”, ameeleza Fatma.

Akizungumza katika hafla hiyo, Mkurugenzi Mkuu Mamlaka ya Viwanja vya Ndege Zanzibar (ZAA), Seif Abdallah Juma (wa pili kushoto), amesema lengo la kuwepo miradi hiyo ni kukuza sekta ya huduma na biashara ili kukuza pato la nchi.

Seif ameeleza kuwa kuimarika kwa huduma za sekta ya anga Zanzibar kumeongeza mvuto kwa mashirika makubwa ya usafirishaji wa anga ulimwenguni na kuamua kuwekeza na kutoa huduma katika viwanja vya ndege vya Zanzibar jambo ambalo pia limerahisisha usafiri na usafirishaji wa abiria na mizigo.








KaKa

K






Hivyo amesema wataendelea kushirikiana na wadau kama Puma Energy kuimarisha sekta za biashara na utalii ambazo ni uti wa mgongo wa uchumi wa Zanzibar na kuiomba Mamlaka ya Udhibiti wa Huduma za Nishati na Maji Zanzibar (ZURA) kuhakikisha upatikanaji wa huduma bora za mafuta ya ndege na mitambo inayofikia viwango vya kimataifa.

Kampuni ya Puma Energy Tanzania ni wauzaji wa aina mbali mbali za mafuta ya vyombo vya moto na vilainishi imekuwepo Zanzibar tangu mwaka 1994 wakati huo ikijulikana kama BP Tanzania.

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more