Takribani watu 50 hufariki kwa maradhi ya moyo duniani kila siku

NA MWANDISHI MAALUMU, ZANZIBAR

IMEELEZWA kuwa maradhi ya moyo na shinikizo la damu yanachangia takribani vifo vya watu milioni 20 kwa mwaka ulimwenguni, idadi ambayo ni sawa na  vifo 50 kwa siku.

Akifungua mkutano wa tatu wa kimataifa wa maradhi ya moyo kwa niaba ya Rais wa Jamhuri ya Muungano wa Tanzania, Dkt. Samia Suluhu Hassan, Makamu wa Pili wa Rais wa Zanzibar, Hemed Suleiman Abdulla, alieleza kuwa kwa Tanzania takribani watu milioni 4.9 wanasumbuliwa na magonjwa hayo ambayo huchangia asilimia 13 ya vifo vinavyotekea nchini.

Hivyo aliwahimiza washiriki wa mkutano huo kutumia fursa waliyoipata kujumuika pamoja kutafuta mbinu za kudhibiti ongezeko la magonjwa hayo kwa  kujengeana uwezo na kuimarisha nyenzo za utendaji kazi ili kukabiliana na tabia zinazochochea  magonjwa yasioyoambukiza hususani ya moyo na mishipa ya damu.


MKURUGENZI Mtendaji wa Taasisi ya Moyo Jakaya Kikwete (JKCI), Dkt. Peter Kisenge, akielezea namna taasisi hiyo inavyofanya upasuaji wa kubadilisha valvu ya moyo bila kufungua kifua wakati wa ufunguzi wa mkutano huo.

Aidha Hemed aliwataka washiriki hao kutumia mkutano huo kupata majibu sahihi katika maeneo muhimu yenye changamoto upande wa udhibiti wa magonjwa, ujuzi katika uchunguzi, matibabu na uendelevu wa huduma mpya zinazopatikana nchini.

Kwa upande wake Mkurugenzi Mtendaji wa Taasisi ya Moyo Jakaya Kikwete (JKCI), Dkt. Peter Kisenge, alimshukuru Rais wa Jamhuri ya Muungano wa Tanzania, Dk. Samia Suluhu Hassan   kwa uwekezaji mkubwa alioufanya katika taasisi hiyo pamoja na uimarishwaji wa sekta ya afya uliofanywa na Dk. Hussein Ali Mwinyi kupitia srerikali ya mapinduzi Zanzibar.

Aidha Dkt. Kisenge amesema JKCI ya sasa ni matokeo ya safari ya ubunifu iliyofanywa tangu mwaka 2015 ambapo sasa taasisi hiyo ina uwezo wa kufanya upasuaji wa tundu dogo kwa wagonjwa 3,000 na upasuaji wa kufungua kifua kwa wagonjwa 800 kwa mwaka.

AFISA Masoko wa kampuni ya Snibe Diagnostic, Vonnie Feng, akitoa maelezo juu ya huduma zinazotolewa na kampuni hiyo wakati walipotembelewa na Makamu wa pili wa Rais wa Zanzibar, Hemed Suleiman Abdulla.

“JKCI ni miongoni mwa taasisi bora za matibabu ya moyo barani Afrika kwa kutoa huduma za uchunguzi na matibabu ya magonjwa ya moyo, sasa tunaweza kufanya upasuaji wa kubadilisha valvu za moyo bila kufungua kifua ‘(Tavi Procedure)”, alisema Dkt. Kisenge.

Dkt. Kisenge alisema mkutano huo unoshirikisha wataalamu wa maradhi ya moyo utawasaidia wadau wa sekta ya afya na kushirikiana kupata suluhisho litakalowasaidia wagonjwa wa moyo wanaowahitaji matibabu kutoka nchi mbali mbali duniani.

“Kupitia mkutano huu JKCI inaenda kuokoa Afrika katika masuala ya magonjwa ya moyo kwani sasa nchi za Afrika zinatutumia katika kutoa huduma za matibabu ya moyo kama vile Malawi, Zambia, Comora na hivi karibuni Burkina Faso itatutumia”, aliongeza Dkt. Kisenge.

Kaimu Mtendaji Mkuu wa shirika lisilo la kiserikali Heart Team Africa Foundation (HTAF), Linda Gideon (kushoto), akimuonesha mmoja wa washiriki wa mkutano wa tatu wa kimataifa wa magonjwa ya moyo bidhaa zinazouzwa na shirika hilo kwa ajili ya kukusanya fedha za matibabu ya watoto wenye maradhi ya moyo wanaotibwa katika Taasisi ya Moyo Jakaya Kikwete (JKCI).

Kabla ya kufungua mkutano huo ulioanza Aprili 10, mwaka huu, Hemed alikagua mabanda ya maonesho ya kazi na bidhaa ya wadau wa sekta ya afya wa ndani na nje ya Tanzania wanaoshiriki mkutano huo wakiwemo wauzaji na watengenezaji wa dawa na vifaa tiba.

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more