ZEC yataka mijadala ya uchaguzi ihusishe wataalamu wa uchaguzi

NA MWANDISHI WETU, ZANZIBAR 

 

MKURUGENZI  wa uchaguzi wa Tume ya Uchaguzi Zanzibar (ZEC), Thabit Idarous Faina, amesema kuwa kuitisha mijadala inayohusiana na uchaguzi kwenye vyombo vya habari bila ya kuwepo wataalamu wa tume ni kosa kisheria.

Aliyasema hayo mwishoni mwa wiki visiwani hapa alipokuwa akizungumza na waandishi wa habari wanachama wa Klabu ya Waandishi wa Habari Zanzibar (ZPC) katika mkutano mkuu na mafunzo yaliyodhaminiwa na Mfuko wa Hifadhi ya Jamii kwa Mashirika yay Umma (PSSSF).

Alisema kuna baadhi ya vyombo vya habari vinaendesha mijadala kwa kuhusisha watu wasiokua na majibu sahihi kuhusu uchaguzi na kuwaweka njia panda jambo ambalo ni kinyume na sheria.

Aidha alivitaka vyombo vya habari vinavyotaka kuendesha mijadala kuhusu uchaguzi ni vyema kuwasiliana na Tume ya Uchaguzi ili vipatiwe maafisa watakaotoa majibu sahihi kwa masuala yatakayoulizwa.

"Hii ni rai kwenu nyinyi waandishi wa habari ni busara zaidi kama kuna mijadala inaendeshwa katika vyombo vya habari ni vyema mkatualika na hatutosita kuleta afisa wetu kutoa ufafanuzi kuhusu masuala yanayohusu uchaguzi", alisema Faina.Alisema kwa mujibu wa sheria ya uchaguzi namba nne ya mwaka 2018 inaeleza kuwa kutoa taarifa za uchaguzi bila ya ruhusa ya tume ni miongoni mwa makosa. 


Alisema ni busara kuzisoma sheria na kuzifahamu sheria zinahusiana na uchaguzi kuliko kufanya mambo ambayo yanakwenda kinyume na sheria. 

"Kifungu cha 27 cha sheria hiyo ya uchaguzi kinaeleza kwamba ni marufuku kwa mgombea, chama cha siasa,taasisi au mtu yoyote kutangaza matokeo ya uchaguzi kwa njia yoyote ya mawasiliano kabla ya kutangazwa rasmi na tume ya uchaguzi", alieleza Faina.Aliongeza kuwa mtu atakayefanya kosa hilo atatiwa hatiani kwa kosa hilo atatumikia kifungo kisichopungua  miezi 30 lakini kifungu cha 128 (b) kinakataza au kutoa taarifa juu ya jambo lolote ambalo lipo chini ya mamlaka ya tume ya uchaguzi.

"Mtu atakayefanya kosa hilo akitiwa hatiani atalipa faini isiyopunguwa shilingi 200,000 na isiyozidi shilingi 5,000,000  au kutumikia kifungo cha miezi sita jela na kisichozidi mwaka mmoja au adhabu zote mbili kwa maana ya faini na kifungo", alifafanua Mkurugenzi hiyo na kuwashauri wanahabari kuepuka kutenda makosa hayo badala yake kufanyakazi kwa weledi na kuacha ushabiki.

Aidha Faina alipongeza PSSSF kwa kuona umuhimu wa kushirikiana na ZPC kutoa mafunzo kwa waandishi kwa sababu ni kioo cha jamii.

Naye Meneja wa PSSSF ofisi ya Zanzibar, Rajab Shabani Kinande, alisema waandishi wa habari wana nafasi kubwa ya kuelimisha umma kuhusu mambo mbali mbali katika nchi hivyo mafunzo hayo yawe chachu ya kujenga mustakabali mwema wa jamii na taifa' kwa ujumla.

Aliongeza kuwa mfuko huo kama moja ya mifuko ya hifadhi ya jamii inategemea vyombo vya habari kuwafikia wanachama wake na jamii hivyo aliahidi kuendelea kufanya kazi kwa karibu na wanahabari kupitia ZPC ili kuifikia jamii kwa haraka lakini pia kupata mrejesho kuhusiana na huduma wanazozitoa.

Naye Mwenyekiti wa ZPC, Abdallah Mfaume, aliwasisitiza waandishi wa habari kuendelea kufanya kazi kwa karibu na ZEC lakini pia PSSSF kwa lengo la kurahisisha utoaji wa habari sahihi kwa umma.

Comments

Post a Comment

Popular posts from this blog

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more