2.4trl/- kuing'arisha elimu 2025/26

NA SAIDA ISSA, DODOMA

WAZIRI ya Elimu, Sayansi na Teknolojia imeomba kuidhinishiwa shilingi trilioni 2.4 kwa ajili ya utekelezaji wa shughuli zake kwa mwaka wa fedha 2025/2026.

Katika kipindi hicho, Serikali itaendelea kutoa elimu kwa wadau wa elimu na umma kuhusu sera ya elimu na mafunzo ya mwaka 2014, toleo la 2023 pamoja na utekelezaji wa mitaala iliyoboreshwa.

Waziri wa Elimu, Sayansi na Teknolojia, Prof. Adolf Mkenda, akiwasilisha makadirio ya bajeti ya wizara hiyo, alisema Serikali imepanga kutoa mafunzo kwa wathibiti ubora wa shule, walimu wa shule za msingi na sekondari, wakufunzi wa vyuo vya ualimu, maafisa elimu, wakufunzi wa vyuo vya elimu ya ufundi na mafunzo ya ufundi stadi, pamoja na wahadhiri wa vyuo vya elimu ya juu.

Alieleza kuwa serikali itakamilisha mapitio ya Sheria ya Elimu Sura ya 353 ili iendane na matakwa ya Sera ya Elimu na Mafunzo 2014 (Toleo la 2023), sambamba na mapitio ya sheria nyingine za taasisi mbalimbali zinazohusika na elimu kama vile Tume ya Taifa ya Sayansi na Teknolojia (COSTECH), Bodi ya Huduma za Maktaba, Baraza la Mitihani la Taifa (NECTA), Taasisi ya Elimu Tanzania (TET), Tume ya Vyuo Vikuu (TCU), na taasisi nyingine zinazotoa elimu ya ufundi na mafunzo ya ufundi stadi.

Aidha Prof. Mkenda alisema Serikali itakamilisha zana muhimu za utekelezaji wa sera, ikiwemo Mwongozo wa Upimaji na Tathmini katika Elimu, Mfumo wa Taifa wa Upimaji na Tathmini, na Mfumo wa Taifa wa Mitaala ili kuhakikisha utekelezaji wenye ufanisi wa sera hizo.

“Serikali itaandaa na kuhuisha miongozo mbalimbali inayohusu utoaji wa elimu na mafunzo, ikiwa ni pamoja na mwongozo wa kiunzi cha mahitaji ya walimu na usambazaji wao kwa lengo la kuimarisha usawa kulingana na mahitaji ya shule”, alieleza Prof. Mkenda.

Kadhalika alisema kuwa serikali pia itaandaa mwongozo wa kitaifa wa kuwaendeleza kitaalamu wakufunzi na wafanyakazi wasio wakufunzi katika vyuo vya elimu ya ufundi.

"Mwongozo wa ushirikiano baina ya viwanda na taasisi za elimu ya ufundi, Mwongozo wa Utambuzi wa Ujuzi katika Elimu ya Ufundi, Mwongozo wa kushughulikia masuala mtambuka katika taasisi 49 za elimu ya juu, Vilevile serikali itaandaa mwongozo wa uanzishaji wa kampuni na vituo vya ubunifu wa teknolojia (TICs) katika taasisi za elimu ya juu (umma na binafsi) na taasisi za utafiti wa maendeleo (RDIs), pamoja na kuhuisha miongozo ya udahili, upimaji, ithibati, elimu ya watu wazima, na elimu nje ya mfumo rasmi", alisema.

Kwa mara ya kwanza, Serikali itaanzisha programu ya Mama Samia 360 – DSP/AI+, itakayotoa ufadhili kwa wanafunzi waliofaulu kwa viwango vya juu katika masomo ya sayansi (kidato cha sita) kusomea shahada ya kwanza kwenye vyuo vikuu mahiri duniani katika fani za Data Science, Artificial Intelligence (AI), na Machine Learning (ML).

Katika eneo la sayansi na teknolojia ya nyuklia, Serikali itaendelea kutoa ufadhili kwa wanafunzi wenye ufaulu wa juu kwa ngazi ya shahada na shahada ya juu kupitia SAMIA Extended Scholarship.

Pia serikali itaanza utekelezaji wa SAMIA Innovation Fund yenye thamani ya Shilingi bilioni 2.3 kwa ajili ya kutoa mikopo nafuu kwa wabunifu, ili kuwezesha ubunifu kubiasharishwa na kutoa ajira kwa Watanzania.

"Ili kuchochea tafiti bora, Serikali itaendelea kutoa tuzo ya Shilingi milioni 50 kwa tafiti zitakazochapishwa katika majarida ya kimataifa yenye hadhi ya juu, serikali itaendeleza elimu ya amali kwa kupanua shule 55 kuwa sekondari za amali, kuimarisha miundombinu ya vyuo vya ualimu wa amali (Mtwara Kawaida na Ufundi), na kuanzisha vyuo vipya vya elimu ya ufundi na mafunzo ya ufundi stadi", alisema.

Serikali pia itajenga na kukarabati vyuo 54 vya maendeleo ya wananchi, kuanza awamu ya pili ya ujenzi wa Chuo cha Ufundi Dodoma (ikiwa ni pamoja na mabweni, maktaba, karakana, nyumba za watumishi, na ukuta), na maktaba ya kisasa katika Chuo cha Ufundi Arusha.

Mradi mwingine utahusisha ujenzi wa mtambo wa nguvu za maji Kikuletwa na kupanua maabara ya udongo Arusha. Vilevile, Serikali itatekeleza Mradi wa TELMS II kwa ajili ya kuanzisha vituo vya ujasiriamali na ubunifu katika taasisi mbalimbali.

Serikali itaongeza idadi ya wanufaika wa mikopo ya elimu ya juu kutoka wanafunzi 245,314 mwaka 2024/25 hadi 252,773 mwaka 2025/26. Vilevile, mikopo kwa wanafunzi 10,000 wa stashahada katika fani za sayansi, teknolojia, uhandisi na hisabati itaendelea kutolewa.

"Ufadhili kupitia SAMIA Scholarship utatolewa kwa wanafunzi 2,630 wenye ufaulu wa juu, ikiwa ni pamoja na wanafunzi 50 wa kike waliomaliza kidato cha sita,

Serikali pia itaendelea kuboresha ukusanyaji wa mikopo iliyoiva yenye thamani ya Shilingi bilioni 210.2 na kutambua wanufaika wapya 40,000,"alisema.

Prof. Mkenda alisema Serikali itakamilisha mapitio ya muundo wa COSTECH, kuboresha mifumo ya TEHAMA inayounganisha taasisi za elimu na utafiti, kufadhili tafiti 40 (19 kuhusu tabianchi na 21 viwanda), na kuendelea kugharamia vigoda vya utafiti katika taasisi za Nelson Mandela na SUA.

Serikali itaendelea kuandaa Dira ya Taifa ya Teknolojia 2050 itakayohusisha sekta mbalimbali ikiwemo elimu, lugha, biashara, afya, kilimo, haki za binadamu na TEHAMA kwa maendeleo endelevu ya Taifa.

Comments

Post a Comment

Popular posts from this blog

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more