Mbunge Ikupa ahimiza wenye ulemavu kulinda amani

NA SAIDA ISSA, DODOMA

MBUNGE wa Viti Maalum Stella Ikupa amewahimiza watu wenye ulemavu kuendelea kuenzi hali ya amani na utulivu vilivyopo nchini na kuwataka kujiepusha na vitendo vya uvunjifu wa amani hasa kipindi hiki cha kuelekea uchaguzi mkuu wa Rais, Wabunge na Madiwani.

Akizungumza wakati akifungua kongamano la watu wenye ulemavu lililoandaliwa na Ikupa Trust Fund alisema watu wenye ulemavu ni moja ya makundi ya Mwanzo yatakayopata shida kama machafuko yatatokea kwa sababu yoyote ile .

"Ninawaomba ndugu zangu,tunapoelekea katika uchaguzi mkuu, tuendelee kuiombea nchi yetu amani iendelee kudumu, tusikubali kuwa sehemu ya jambo lolote ambalo ni kinyume ,maana machafuko yakitokea nchini ,sisi walemavu ndio waathirka wa kwanza, tukifiatiwa na akina mama na watoto, tumuombe Mwenyezi Mungu uchaguzi uwe wa amani, tukatae wanahamasisha virugu”, alisema Ikupa.

Aidha Ikupa alitumia fursa hiyo kuipongeza serikali ya awamu ya sita chini ya Rais Samia Suluhu Hassan kwa mambo mengi iliyifanya kwa ajili ya watu wenye ulemavu.

"Serikali ya awamu ya sita imeendelea kufanya mambo makubwa kwa watanzania lakini yapo mambo maalum yanayowagusa watu wenye ulemavu ikiwemo ujenzi wa miundombinu katika majengo ya Serikali na yasiyo ya serikali kwa ajili ya watu wenye ulemavu”, alisema Mbunge huyo.

Katika hatua nyingine ameishukuru serikali na Chama cha Mapinduzi (CCM) kwa kuweka utaratibu wa kuwapata wawakilishi wa watu wenye ulemavu Bungeni lakini pia kumpa fursa na kuhudumu kama Mbunge katika kipindi chake chote cha uongozi.

Kadhalika aliviomba vyama vyote kuweka utaratibu wa kuwapata wawakilishi wao watakaoingia Bungeni kupitia kundi la wenye ulemavu Ili kuongeza wigo wa watunga sera kupitia kundi hilo.

"Lakini na sisi tuzungumze huko kwenye vyama vyetu kwamba tunahitaji nafasi hizo tusikae kimya tukitegemea kuna mtu mwingine atatuzungumzia kile tunachohitaji”, alisema.

Hivyo aliwataka washiriki wa kongamano hilo, kwenda kuelimisha na wengine ambao hawakupata fursa ya kuhudhuria kongamano hilo huku akihimiza viongozi wa vyama vya wenye ulemavu waendelee kuongeza wanachama Ili iwe rahisi kupata huduma maeneo mbalimbali ikiwemo serikalini.

Comments

Post a Comment

Popular posts from this blog

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more