Msiwanyanyapae watoto wenye ulemavu – DC Hamid

MKUU wa wilaya ya Mjini, Hamid Seif Said (pichani), amewataka wazazi kutowaficha na kuwanyanyapaa watoto wenye ulemavu badala yake wawajumuishe kwenye shughuli mbali mbali ili wapatiwe haki zao na kushiriki katika maendeleo.
kizungumza wakati wa Tamasha la Furaha Jumuishi kwa Watoto Wenye ulemavu, lililofanyika Aprili 5, 2025 katika viwanja vya kufurahishia watoto Kariakoo Zanzibar, amesema kuwafungia ndani kunawanyima fursa ya kuendeleza vipaji vyao na kupata maendeleo ya kijamii na kiuchumi.

Amesema watoto wenye ulemavu wana haki sawa na watoto wengine hivyo kuna ulazima wa jamii kutambua umuhimu wa kundi hilo kuunnga mkono juhudi zinazochukuliwa na serikali kuwapatia haki zao.

MKUU wa Wilaya ya Mjini, Hamid Seif Said (katikati), Katibu Mtendaji wa Baraza la Taifa la Watu wenye Ulemavu Zanzibar, Mhandisi Ussi Khamis Debe na Mwenyekiti wa Baraza hilo, Salma Saadati Haji, wakikata keki  kuzindua Tamasha la Furaha Jumuishi kwa Watoto wenye Ulemavu wa wilaya ya Mjini.

“Serikali imechukua hatua mbali mbali ikiwa ni pamoja na kujenga skuli maalum za watoto wenye ulemavu zenye miundombinu inayokidhi mahitaji yao pamoja na kuajiri walimu wenye ujuzi wa kufundisha watoto wenye ulemavu”, alieleza DC Hamid.

Sambamba na hilo ameeleza kuwa serikali pia imeimarisha huduma za afya katika hospitali zake hususani kitengo cha marekebisho na mazoezi ya viungo ili kuhakikisha watoto hao wanapatiwa huduma zinazostahiki za kupunguza athari za ulemavu wao.

MKUU wa Wilaya ya Mjini, Hamid Seif Said (katikati), akimlisha keki mmoja ya watoto wenye ulemavu baada ya kuzindua Tamasha la Furaha Jumuishi kwa Watoto wenye Ulemavu lililoandaliwa na ofisi hiyo.

Aidha amesisitiza kuwa ni vyema watoto hao wakashirikishwa katika sekta zote, ikiwemo michezo ili kuhakikisha wanapata haki na fursa sawa kama watoto wengine huku akikemea tabia ya baadhi ya wazazi wa kiume ya kuwatelekeza watoto wenye ulemavu.

“Aidha natumia fursa hii kuwataka kina baba wenzangu wenye tabia ya kutlekeza familia zao au watoto wao wenye ulemavu kuacha kufanya hivyo badala yake washirikiane na familia zao katika malezi na matunzo ya watoto hao ili kuwasaidia watoto kukabiliana na changamoto wanazokutana nazo”, alisema Mkuu huyo wa wilaya.

MKUU wa Wilaya ya Mjini, Hamid Seif Said (katikati), Katibu Mtendaji wa Baraza la Taifa la Watu wenye Ulemavu Zanzibar, Mhandisi Ussi Khamis Debe na Mwalimu wa elimu maalum, Happy Johnson (wa pili kulia), wakiwa katika picha na watoto wenye ulemavu wa mtindio wa ubongo wakati wa Tamasha la Furaha Jumuishi kwa Watoto wenye Ulemavu wa wilaya ya Mjini. 

Kwa upande wake, Katibu Mtendaji wa Baraza la Taifa la Watu wenye Ulemavu Zanzibar, Mhandisi Ussi Khamis Debe, amesema sensa ya watu na makazi ya mwaka 2022, inaonesha kuwepo kwa ongezeko la watu wenye ulemavu waliofikia asilimia 11.4 ya watu wote kutoka asilimia 5.8 waliopatikana katika sensa ya mwaka 2012.

“Idadi hiyo inaonesha kundi hilo limeongezeka hivyo mikakati madhubuti inahitajika kuhakikisha tunadhibiti lisiongezeke lakini kwa waliopo wanapatiwa haki zao na huduma stahiki ili waweze kupiga hatua kubwa za maendeleo”, amefafanua Mhandisi Debe.

Mwenyekiti wa Baraza la Taifa la Watu wenye Ulemavu Zanzibar, Salma Saadati Haji, akimpongeza mmoja ya watoto wenye ulemavu walioshiriki Tamasha la Furaha Jumuishi kwa Watoto wenye Ulemavu wa wilaya ya Mjini.

Naye Mwenyekiti wa Baraza la Taifa la Watu wenye Ulemavu, Salma Haji Saadat, ameitaka jamii na Jumuiya za Watu wenye ulemavu kushirikiana na serikali kuwahamasisha na kuwashirikisha watoto wenye ulemavu katika shughuli za maendeleo na kijamii.

"Harakati za kupigania haki za watu wenye ulemavu zilianza miaka mingi, tunashukuru kuona sasa hatua mbali mbali zinachukuliwa ili kuhakikisha kundi la watu wenye ulemavu wanapata haki na stahiki zote kama iivyo kwa watu wasio na ulemavu", amesema Mwenyekiti huyo.

BAADHI ya watoto wenye Ulemavu wa wilaya ya Mjini wakiimba na kucheza muziki wakati wa Tamasha la Furaha Jumuishi kwa Watoto wenye ulemavu lililoandaliwa na ofisi ya mkuu wa wilaya ya Mjini Unguja. 

Katika hafla hiyo, watoto wenye aina mbali mbali za ulemavu walishiriki michezo na matukio mbali mbali huku wazazi wa watoto hao wakitoa ushuhuda wa mafanikio waliyoyapata na changamoto wanazopitia kuwalea na kuwatunza watoto wao.

 

 

Comments

Post a Comment

Popular posts from this blog

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more