NBC yaahidi kumuunga mkono Rais Samia kuimarisha ustawi wa wafanyakazi

NA MWANDISHI WETU

BENKI ya Taifa ya Biashara (NBC) imesisitiza dhamira yake ya kuendelea kubuni huduma mahususi za kibenki kwa ajili ya makundi mbali mbali ya watumishi wa umma na sekta binafsi ili kuchochea kasi ya ukuaji uchumi kupitia rasilimali watu.

Hatua hiyo pia ni kuunga mkono jitihada za serikali ya Jamhuri ya Muungano wa tanzania inayoongozwa na rais, dk. Samia Suluhu hassan inayolenga kuimarisha maisha ya wafanyakazi na kukuza ujumuishaji wa kifedha.

Mkuu wa Idara ya Mawasiliano na Mahusiano ya Umma wa benki hiyo, Godwin Semunyu, alieleza hayo wakati akizungumza na waandishi wa Habari kupongeza hatua ya serikali kupitia Rais Dk. Samia kutangaza ya nyongeza ya kima cha chini cha mshahara kutoka shilingi 370,000 hadi shilingi 500,000 sawa na ongezeko la asilimia 35.1.

Dk. Samia alitangaza uamuzi huo kwenye kilele cha maadhimisho ya Siku ya Wafanyakazi Duniani (Mei Mosi) yaliyofanyika kitaifa kwenye viwanja vya Bombadia, mkoani Singida hivi karibuni ambapo benki hiyo ilikuwa miongoni mwa wadhamini wa maadhimisho hayo yaliyoratibiwa na Shirikisho la Wafanyakazi Tanzania (TUCTA).

“Mbali na sisi wenyewe kuwa ni sehemu ya wafanyakazi wa umma, ushirikiano wetu na wafanyakazi wengine unaimarishwa zaidi kupitia huduma tunazozitoa kwao kwa kuzingatia mahitaji yao mahususi ikiwemo kuwatunzia amana zao kupitia akaunti mbali mbali kulingana na machaguo yao”, alieleza Semunyu.


WAFANYAKAZI wa benki ya NBC wakiwa kwenye maadhimisho ya Mei Mosi 2025

Kwa mujibu wa Semunyu, kufanya hivyo pia kunawarahishia huduma za miamala pamoja utoaji wa huduma za mikopo ya aina mbali mbali iliyobuniwa mahususi kwa ajili ya wafanyakazi.

Alieleza kuwa ili kuendelea kuunga mkono jitihada za Rais Samia, benki hiyo itaendelea kutoa mikopo ya muda mrefu na muda mfupi yenye masharti rafiki kwa wafanyakazi  ili kuboresha maisha yao kupitia uwezeshaji utakaongeza kasi ya wao kumiliki nyumba za kisasa, kununua vyombo vya usafiri na vitendea kazi mbalimbali ili kufanikisha majukumu yao.

Comments

Post a Comment

Popular posts from this blog

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more