ZiBi, OER waiweka Zanzibar kwenye ramani ya uwekezaji duniani

NA MWANDISHI WETU

JARIDA la Biashara na Uwekezaji Zanzibar (Zanzibar Investment and Business Insights  -ZiBi) limeweka historia baada ya kutambulika rasmi kama mshirika wa kimataifa wa jarida  maarufu la biashara katika nchi za Ghuba la Oman Economic Review (OER).

Taarifa iliyotolewa na waandaaji wa jarida hilo, ilieleza kuwa hatua iliyofikiwa ni kubwa kwa sekta binafsi ya Zanzibar na uthibitisho wa uwezo wa taasisi za ndani kushindana na kushirikiana kimataifa.

Katika kilele cha Oman Economic Review Business Summit 2025 iliyofanyika Aprili 30, 2025 mjini Muscat, ZiBi ilialikwa kama Mgeni Maalum na kutangazwa kuwa ni Msirika wa habari kwa Zanzibar (Media Partner – Zanzibar) huku ikiwakilishwa na Mjumbe wa Bodi ya ZiBI, Masoud Salim.

“Wakati wa hafla hiyo, ZiBi ilitunukiwa tuzo maalum ya kutambuliwa kama mshirika wa habari kutoka Zanzibar ikia ni ishara ya heshima kubwa kwa mchango wake katika kukuza uhusiano wa kiuchumi kupitia taarifa, uchambuzi na uandishi wa kimaendeleo”, ilieleza taarifa hiyo.

Mjumbe wa Bodi ya ZiBI, Masoud Salim (katikati) akipokea tunzo maalum baada ya kutangazwa kuwa ni Mshirika wa habari (Media Partner – Zanzibar) wa jarida la Oman Economic Review (OER).  

Makubaliano ya ushirikiano yalitiwa saini hivi karibuni kati ya Oman Economic Review na kampuni ya Mwanana Communications Co. Ltd (wachapishaji wa ZiBi), yanakusudia kubadilishana makala kuhusu fursa za kibiashara, kuandaa matukio ya pamoja ya kibiashara Zanzibar na Oman na kuratibu misafara ya wafanyabiashara kati ya nchi hizi mbili.

“Tunaiona ZiBi kama sauti ya Zanzibar katika masuala ya maendeleo na biashara. Ushirikiano huu ni hatua ya kujivunia na unafungua milango mipya kwa Zanzibar kutambulika kimataifa”, alisema Prof. Mohamed Hafidh Khalfan, Mwenyekiti wa Bodi ya ZiBi.

WAZI wa nchi, Ofisi ya Rais, Kazi, Uchumi na Uwekezaji, Shariff Ali Shariff (wa pili kushoto)  akizungumza wakati wa uzinduzi wa tolea oa tatu la Jarida la Biashara na Uwekezaji Zanzibar (ZiBi) uliofanyika hoteli ya Verde, Zanzibar.

Kwa upande wake, Mhariri Mtendaji wa jarida hilo, Hissham Abdulkadir, alieleza; “Tunajivunia ushirikiano huu na jarida kongwe kama Oman Economic Review. Kupitia makala, mijadala na matukio ya pamoja, tutaupeleka ujumbe wa Zanzibar mbali zaidi, hasa kwa wawekezaji wa nchi za Ghuba”.

Aliongeza kuwa jarida la ZiBi si geni nchini Oman ambapo mwaka 2024 jarida hilo lilishiriki kwenye Jukwaa la Biashara la Tanzania na Oman na kuchapisha makala maalum kuhusu kongamano hilo. 

Comments

Post a Comment

Popular posts from this blog

Airtel Foundation yazindua mpango wa udhamini wa masomo kwa vijana

Image
NA MWANDISHI WETU KAMPUNI ya mawasiliano ya Aiirtel Tanzania imezindua mpango wa udhamini wa masomo katika fani za teknolojia kwa vijana wa Afrika wanaosoma katika taasisi ya teknolojia ya india (IIT – Madras) kampasi ya Zanzibar. Uzinduzi huo umefanyika Oktoba 7, 2024 katika kampasi ya chuo hicho Bweleo, wilaya ya Magharibi ‘B’ Unguja na kuhudhuriwa na viongozi mbali mbali akiwemo Mkurugenzi Mtendaji wa Airtel Tanzania, Dk. Dinesh Balsingh na Waziri wa Elimu na Mafunzo ya Amali Zanzibar, Lela Muhamed Mussa. Viongozi wengine ni Naibu Waziri wa Elimu, Sayansi na Teknolojia Jamhuri ya Muungano wa Tanzania, Omar Kipanga, Balozi wa India nchini Tanzania, Dk. Biswadip Dey, Katibu Mkuu, Wizara ya Ujenzi, Mawasiliano na Uchukuzi, Makame Machano Haji na Mkuruaenzi wa IITMZ Prof. Preeti Aghalayam. Akizungumza kwa niaba ya Mwenyekiti wa Airtel Africa, Dk. Segun Ogunsanya,   Dk. Dinesh amesema programu hiyo inahusisha wanafunzi wa Afrika walofaulu michipuo ya sayansi na kwamba kila mwak...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

SMZ yawaita vijana kushiriki kilimo

Image
N A MWANDISHI WETU SERIKALI ya Mapinduzi Zanzibar, imewahimiza vijana nchini kubadili mitazamo yao juu ya kilimo kwani ni miongoni mwa kazi zenye faida na tija kiuchumi na kijamii. Waziri wa Kilimo, Umwagiliaji, Maliasili na Mifugo, Shamata Shaame Khamis, alitoa wito huo hivi karibuni baada ya kuzindua awamu ya pili ya mradi wa uendelezaji kilimo unaofadhiliwa na Serikali ya watu wa Marekani na serikali ya Jamhuri ya watu wa Korea Kusini, huko Kibokwa mkoa wa Kaskazini Unguja. Shamata a lieleza kuwa Serikali ya Mapinduzi Zanzibar na ya Jamhuri ya Muungano wa Tanzania zinashirikiana na washirika wa maendeleo wa ndani na nje ya nchi ili kutekeleza mikakati inayohakikisha vijana na wanawake wanawezeshwa na kutumia fursa zilizomo kwenye kilimo. Aliongeza kuwa kupitia programu na mikakati mbali mbali, vijana wamewezeshwa kumiliki biashara za kilimo na miundombinu ya uzalishaji kuzalisha mazao yanayohitajika kwenye hoteli za kitalii na masoko mengine ya ndani. “Hatua hii si tu inalenga kupun...
Read more