Dk. Samia aitaka mahakama kusimamia haki

NA MWANDISHI WETU 

RAIS wa Jamhuri ya Muungano wa Tanzania, Dk. Samia Suluhu Hassan, amesema matarajio ya Watanzania ni kuona mahakama inasimamia haki.

Kauli hiyo alitoa Juni 15, 2025 Ikulu Chamwino mkoani Dodoma, wakati akimuapisha Jaji Mkuu wa Mahakama ya Tanzania, George Mcheche Masaju, aliyemteua hivi karibuni.

Aidha alisema Watanzania wanatarajia kuona mahakama inaendelea zaidi kutoka ilipo sasa kuanzia majengo, vitendea kazi na mifumo.

Aidha alirejea kauli yake aliyoitoa katika kilele cha siku ya sheria mwezi Februari, mwaka huu, kwamba  kazi ya Majaji ni kusimamia haki na  kazi ya kutoa haki  ni ya Mwenyezi Mungu.

“Sisi Majaji hatuna kudra wala jaala, kazi yetu ni kusimamia haki kwa misingi tuliyojiwekea, hivyo msisitizo wangu twendeni tukasimamie haki”, amesisitiza Dk. Samia.

Amesema serikali kwa upande wake itafanya kila linalowezekana kuendelea kufanyia kazi changamoto za mahakama kama alivyoahidi wakati akihutubia bunge kwa mara ya kwanza Aprili 22, 2021.

Aidha, alimuomba Jaji Masaju kuendelea kuyafanyia kazi mapendelezo ya Tume ya Haki Jinai kwa kuainisha yaliyotekelezwa na mambo ambayo bado hayajatekelezwa ili serikali ione namna ya kuyatekeleza.

Vile vile amempongeza Jaji Mkuu mstaafu, Prof. Ibrahim Hamis Juma, kwa kumaliza muda wale wa utumishi, akisema wakati anazungumza hajawahi kumuona akiwa na furaha kama aliyonayo sasa.

“Amefanya kazi kubwa ya kuleta mageuzi ndani ya mahakama, kuleta mageuzi ya kimiundombinu pamoja na kushirikiana na serikali na bado ameacha kazi inaendelea, ambapo katika mifumo amefanya kazi nzuri Dodoma kwa kuwepo chumba ambacho unaona kesi zinavyoakhirishwa, zinavyoendelea na kutolewa hukumu, hivyo umeacha alama kubwa katika mahakama”, alisema Dk. Samia.

Alisema katika kipindi cha miaka mitatu mfululizo tathmini ya kidunia inaonesha jinsi imani  ya wananchi kwa mahakama inavyopanda.

Kwa upande wake, Waziri Mkuu, Kassim Majaliwa, alimpongeza Rais Samia kwa kutekeleza majukumu yake vizuri na kwa mafanikio.


Pia alimpongeza Jaji Masaju kwa kuwa mtumishi bora katika sekta ya mahakama na kumuahidi ushirikiano katika kutekeleza majukumu yake.

Kwa upande wake Jaji Mkuu Masaju, alimshukuru Rais Samia kwa kumuona anafaa kuongoza muhimili huo ambapo kazi yake ni kutoa haki kwa watu wote bila ya kujali hali ya mtu kuichumi na kijamii.

Mapema Jaji mstaafu, Prof. Ibrahim Hamis Juma, alisema lazima jicho la Jaji Mkuu likamate jicho la Rais, amuangalie anachofanya na kusaidia mahakama katika kutekeleza miradi. 

Aidha alimshukuru Rais Samia kwa kumuamini pamoja na aliyekuwa Rais Hayati, Dk. John Pombe Magufuli kwa nafasi hiyo huku akimsisitiza Jaji Masaju kumaliza miradi inayoendelea kutekelezwa katika maneno mbali mbali nchini.

Alisema Rais Samia amewezesha upatikanaji wa dola milioni 65 kutoka Benki ya Dunia (WB) kwa ajili ya kuimarisha mahakama kwa sababu anajua utaoji wa haki ni sehemu ya maendeleo ya nchi.

 

 

Comments

Post a Comment

Popular posts from this blog

'Zanzibar Matibabu Card' yashinda tuzo ya WSIS

Image
NA MWANDISHI MAALUM, USWISI WIZARA ya Afya Zanzibar imetunukiwa tuzo ya kimataifa ya ‘ World Summit on the Information Society’ (WSIS) kutokana na mafanikio ya utekelezaji wa mfumo wa matibabu kwa njia ya kadi maalum ya kidijitali ijulikanayo kama ‘ Zanzibar Matibabu Card’ , ambao umewezesha utoaji wa huduma bora za afya kwa wananchi kupitia teknolojia. Hafla ya kukabidhi tuzo hiyo ilifanyika Geneva, Uswisi na kuhudhuriwa na Waziri wa Teknolojia ya Habari na Mawasiliano wa serikali ya Jamhuri ya Muungano wa tanzania, Jerry Slaa, Balozi wa Tanzania Geneva, Abdallah Possi, pamoja na wajumbe kutoka Mamlaka ya Serikali Mtandao Zanzibar (e-GAZ) na Mamlaka ya Mawasiliano Tanzania (TCRA). Akipokea tuzo hiyo kwa niaba ya Serikali ya Mapinduzi Zanzibar, Waziri wa Afya Zanzibar, Nassor Ahmed Mazrui,   alisema mpango huo ni uthibitisho wa dhamira ya taifa kutumia teknolojia kuboresha maisha ya wananchi. Alieleza kuwa mfumo huo umeunganisha vituo vyote vya afya vya umma na taarifa za m...
Read more

ZAMECO yakerwa na video ya udhalilishaji mtandaoni

Image
NA MWANDISHI WETU KAMATI ya Wataalamu wa Masuala ya Habari Zanzibar (ZAMECO) inayoundwa na taasisi za kihabari na wadau wa habari imelaani video inayosambaa kwenye mitandao ya kijamii inayoonesha wasichana wawili waliorekodiwa na kuulizwa maswali yasiyo na maadili, kuvunja heshima na kukiuka haki za binaadamu. Taarifa iliyotolewa na taasisi hizo na kutiwa saini kwa pamoja na mwenyekiti wa klabu ya waandishi wa Habari Zanzibar (ZPC), Abdallah Mfaume na Mkurugenzi wa Chama cha Waandishi wa Habari Wanawake Tanzania (TAMWA ZNZ), Dk. Mzuri Issa, ilieleza kuwa tukio hili limeibua hisia kali kwa wadau wa habari, watetezi wa haki za binaadamu najamii kwa ujumla. Ilielezwa kuwa tukio hilo pia limeibua maswali yasiyo na majibu miongoni mwa wanahabari kuhusu maadili, haki za binadamu, na misingi ya uhuru wa vyombo vya habari. “Hivyo basi ZAMECO inasisitiza kuwa vitendo vya udhalilishaji kwa watoto wa kike na jamii ni ukiukwaji wa haki za binaadamu, maadili ya uandishi wa habari na kuvuruga ...
Read more

ZAMECO yakumbushia sheria mpya ya habari

Image
NA MWANDISHI MAALUM KAMATI ya Wataalamu y a  Vyombo vya Habari Zanzibar (ZAMECO), ime i shauri serikali kukamilisha mchakato wa upatikanaji wa sheria mpya ya habari ili kuimarisha uhuru wa kujieleza  na uwajibikaji . Akizungumza wa kati  w a kongamano la maadhimisho ya Siku ya Uhuru wa Habari Duniani upande wa Zanzibar, lililofanyika  Rahaleo  Studio , Mjumbe wa ZAMECO, Salim Said Salim, alisema mchakato huo umechukua muda mrefu   hivyo ipo haja ya kuchukuliwa kwa hatua za makusudi kuukamilisha. “Katika miaka  ya hivi karibuni  tu me shuhudia sheria nyingi zikipitishwa na Baraza la Wawakilishi ila sheria ya habari mchakato wake umekuwa ukienda na kurudi kwa zaidi ya miaka 20 hali inayowafanya wadau wa tasnia ya habari ku jion a wanyonge ”, alisema Salim. BAADHI ya waandishi wa habari na wafdau wa habari wakifuatilia uwaasilishaji wa mada wakati wa kongamano  Aliziomba mamlaka zinazohusika kuendelea kushirikiana na taasisi za kihabari kuhakiki...
Read more